❗️Para poder utilizar Verkami debes hacerlo desde otro navegador. Instala o entra desde: Microsoft Edge, Chrome o Firefox. Microsoft ha dejado de actualizar el navegador Internet Explorer que estás utilizando y ha dejado de ser compatible con la mayoría de sitios web.

GUIA DEFINITIVA DOS ANFIBIOS E RÉPTILES DA GALIZA

Unha guía culta e naif para coñecer os anfibios e réptiles da Galiza e combatir a herpetofobia.

SORIANOURENSANA DE LIBROS

Un proyecto de

Categoría

0
segundos
280
Aportaciones
8.415€
De 6.500€
Aporta al proyecto

Escoge tu recompensa

O apóyalo con una donación

Aporta sin recompensa
Haz una donación altruista al proyecto porque simplemente quieres ayudar a hacerlo realidad:

BENVIDA

Benvidas e benvidos á campaña de subscrición popular da Guía Definitiva dos Anfibios e Réptiles da Galiza. Somos Nacho Munilla e Pancho Lapeña e estamos máis que encantados de presentar de novo en Verkami este noso terceiro volume da colección de guías definitivas sobre a biodiversidade da Galiza. Desta volta tocoulle aos anfibios e aos réptiles, os chamados hérpetos, unha palabra grega que quere dicir algo así como "os que van coa barriga a rentes do chan".

O PORQUÉ DESTA GUÍA

Como resultado dunha insidiosa e teimuda campaña de difamación desenvolvida ao longo de séculos, os hérpetos veñen sendo, seguramente, o grupo de seres vivos máis desprezado pola humanidade. Que unhas criaturas tan marabillosas e extraordinarias nas súas feituras e maneiras de vivir (e que tanto ben lle fan ao planeta) sexan vilipendadas e perseguidas é unha inxustiza.

É por mor da terríbel inxustiza que se está a cometer cos hérpetos que a nosa guía é combativa. Quere trascender a súa condición de libro e adquirir unha natureza armamentística (no sentido máis metafórico posible do termo) como ferramenta contra a herpetofobia, ou sexa, contra o desprezo e a difamación dos anfibios e réptiles. Abaixo a herpetofobia!!

Un réptil a reflexionar sobre a súa inxusta situación: porqué a xente nos quererá tan mal?
Un réptil a reflexionar sobre a súa inxusta situación: porqué a xente nos quererá tan mal?

OS CONTIDOS DESTA GUÍA

O feixe de criaturas que aquí presentamos constitúe a meirande parte dos representantes do grupo dos hérpetos que adoitan vivir na Galiza, concretamente tratamos 14 especies de anfibios e 16 especies de réptiles. Ademáis de describir como son e os lugares onde viven, damos conta dalgúns cantares, poemas, contos e fantasías que eles protagonizan. A cada especie correspóndelle un poema e, como mínimo, un conto. Viva a herpetofilia!!

AS ORIXES DESTA GUÍA

As orixes desta guía son tres:

  • O poema de viaxes Ora Maritima composto no século IV por Rufo Festo Avieno, senador romano.

  • O ensaio Os Oestrimnios, os Saefes e a Ofiolatría en Galiza de Florentino López-Cuevillas e Fermín Bouza-Brey, publicado nos Arquivos do Seminario de Estudos Galegos en 1929.

  • O manuscrito anónimo Alén da Ofiolatría atopado entre as páxinas dunha Miscelánea publicada pola extinta Caixa de Aforros de Ourense e adicada a Florentino López-Cuevillas no centenario do seu nacemento.

Como é que estes tres ingredientes se deron mesturado para dar pé a unha guía de anfibios e réptiles non é doado de explicar nen sequera para nós.

Algo sobre nós escrito en terceira persoa

Nacho Munilla e Pancho Lapeña comparten estirpe, modos de afrontar a vida e actitudes parellas fronte as marabillas da natureza, que eles adoitan ver nas cousas pequenas e mesmo minúsculas. O da estirpe compartida ven do feito de proceder ambos da unión dunha muller de Ourense cun home de Soria. Tan improbable circunstancia explica o nome que lle dan ao seu proxecto editorial conxunto: sorianourensana de libros. Nacho é doutor en bioloxía amante do estudo e contemplación de todo tipo de criaturas. Pancho fai por combinar disciplinas aparentemente inmiscibles como a arte musivaria e a filosofía. Tanto Nacho como Pancho son priscilianistas, republicanos e herpetólatras convencidos.

O destino das vosas achegas

O proxecto consiste na maquetación e edición de 1000 copias dun libro ilustrado de 120 páxinas a toda cor (4/4 tintas CMYK) en papel offset reciclado e con cubertas duras de 17 x 24 cm. Os cartos que pedimos vanse invertir logo en tres partidas:

  • Partida 1. Imprenta ou prelo = 5500 euros;
  • Partida 2. Maquetación = 750 euros;
  • Partida 3. Papelería e outros funxibles = 250 euros;

A suma das anteriores partidas debería dar os 6500 euros que marcan o noso obxectivo!!

Calendario previsto

Nestes momentos a edición está practicamente rematada e xa comezaron as labores de maquetación a cargo de Masako Hattori. Contamos con mandar o libro ao prelo a finais de novembro. Despois haberá que contar con 2-3 semanas de imprenta. Se todo vai ben as primeiras mecenas receberán o seu libro persoal, único e intransferible conforme vaia pechando a campaña.

Reparto das recompensas

Enviaremos as recompensas por Correos, os libros en sobres con camisa de burgullas e as láminas en sobres de cartón. Chegaravos unha notificación a casa para que pasedes a recoller a vosa recompensa pola Oficina de Correos.

+ Info

Aqui as ligazóns ás campañas de Verkami da Guía Definitiva das Aves da Galiza e da Guía Definitiva dos Peixes da Galiza

Máis info sobre Nacho aqui
Máis info sobre Pancho aqui

Preguntas frecuentes

Aún no hay ninguna publicada.

¿Tienes alguna otra duda o pregunta?

Pregunta al autor/a

14 comentarios

Si ya eres mecenas, Inicia sesión para comentar.

  • Larpeira

    Larpeira

    más de 2 años

    Xa teño as outras dúas e coa boa pinta que ten esta non podía quedar sen ela.

  • Minia

    Minia

    más de 2 años

    Podédesmos adicar para Adrián e Andrea? Noraboa polo proxecto, encantounos o libro das aves.

  • sechusende

    sechusende

    más de 2 años

    Força, companheiros! Obrigado polo vosso trabalhaço!

  • PaulaDL

    PaulaDL

    más de 2 años

    aluap!

  • Azuu

    Azuu

    más de 2 años

    Por casualidade atopei este proxecto, tan fermoso coma orixinal. Moitísimas gazas! Desexando que cheguen!

  • Bretemaches

    Bretemaches

    más de 2 años

    Ohh, acabo de descubrir esto de miragre e estou emocionado por ter unha copia, que fermosura as ilustracións.

  • Carmen Villar

    Carmen Villar

    más de 2 años

    Parabéns pola serie.

  • Carol

    Carol

    más de 2 años

    Marabilla🤪

    https://go.ivoox.com/rf/67081643

  • Fani & Fuco

    Fani & Fuco

    más de 2 años

    Grazas polo proxecto

  • Carol

    Carol

    más de 2 años

    @s peques xa están desexando que chegue esta nova maravilla 🦎🐢🐸 :D

    https://oblogdeprimeiro19-20.blogspot.com/2021/03/poesia-e-primavera-2021.html

Volver a todas las actualizaciones

#03 / HÉRPETOS ENCADERNADOS

Bo día! Nada máis comunicarvos que a xente de Agencia Gráfica comunicounos que o libro está xa na fase de encadernación o cal implica que daqui a pouco debería estar listo, circunstancia que nos pon algo nerviosos pois é normal poñerse algo nervioso nesta fase tan avanzada do proceso de creación dun libro. Moitísimas grazas de novo pola vosa axuda!!

Nacho & Pancho

1 comentario

Inicia sesión o Regístrate para comentar esta entrada.

  • Moisés Asensi

    Moisés Asensi

    más de 2 años

    Parabéns; desexando tela nas mans.

#06 / RECOMPENSAS EN CAMIÑOOOOO

Onte deixamos en Correos un considerable cargamento de sobres gordos contendo libros. Se o voso aínda non chegou estará a piques-piques de chegar.

Se aínda non vos chegou a lámina non vos preocupedes: van por separado e saíron hoxe á tardiña.

Apertas agarimosas

Nacho e Pancho

#05 / RECOMPENSAS A PIQUES DE CHEGAR

O empaquetado dos libros avanza a grandes pasos. Usamos sobres de burgullas autocolantes mais escribimos os enderezos a man. Contade con que a semana que entra comezarán a chegar os avisos de Correos para que vaiades recoller os vosos libros.

Mil grazas de novo!

Nacho e Pancho

Aqui un exemplar rescatado dunha arqueta. Se non sabedes de que especie se trata non vos preocupedes: a súa identificación será doadísima coa axuda da guía.
Aqui un exemplar rescatado dunha arqueta. Se non sabedes de que especie se trata non vos preocupedes: a súa identificación será doadísima coa axuda da guía.

#04 / CONTRATEMPO NA FABRICACIÓN DOS LIBROS

AVISO
AVISO

Benqueridas e benqueridos mecenas,

Fomos informados onte de que a encadernadora suspende a súa actividade temporalmente por causa da COVID. O luns pasado detectaron un caso e despois de feitas as correspondentes análises resulta que tiñan a máis da metade do persoal infectado.

O caso é que aínda non sabemos cando nos servirán o libro. Por favor desculpade este contratempo.

Moitas forciñas para toda esa xente da encadernadora.

Nacho e Pancho

A rela-do-natal está triste mais esperanzada!!

#03 / HÉRPETOS ENCADERNADOS

Bo día! Nada máis comunicarvos que a xente de Agencia Gráfica comunicounos que o libro está xa na fase de encadernación o cal implica que daqui a pouco debería estar listo, circunstancia que nos pon algo nerviosos pois é normal poñerse algo nervioso nesta fase tan avanzada do proceso de creación dun libro. Moitísimas grazas de novo pola vosa axuda!!

Nacho & Pancho

#02 / OBXECTIVO ACADADO E PARABÉNS INTERESTELARES

Chegamos ao 100% do noso obxectivo!!. Moitísimas grazas de corazón polas vosas contribucións. O manuscrito xa está a ser procesado na imprenta. Iremos informando dos seus seguintes pasos.

Aproveitamos a ocasión para partillar convosco este cartón de parabéns que nos chegou dalgún lugar indeterminado "lá fora".

Abaixo a herpetofobia!!
Abaixo a herpetofobia!!

#01 / XA CHEGAMOS AO 75%!!

Ó gente. Obrigadísimos estamos. Dez días de campaña e xa chegamos ao 75% do noso obxectivo. Se todo vai ben contamos con levar o manuscrito ao prelo a finais desta semana. Permitídenos que aproveitemos esta mensaxe para mostrarvos a versión incunable da guía que atopou Pancho cando estaba a remexer no caixón dos ancestros.

Abrazos!!

O incunable dos avós dos avós dos nosos avós
O incunable dos avós dos avós dos nosos avós

Utilizamos cookies propias esenciales para poder ofrecer nuestro servicio y de terceros para poder conocer el uso de la página. Política de cookies