Ca Revolta Oberta!

Para manter a actividade de Ca Revolta, a asociación sociocultural de Valencia, é imprescindíbel que nos apoies coa túa contribución a este Verkami. A hostilidade do poder levounos a unha situación límite da que poderemos saír, seguro, grazas á túa participación activa.

Anímanos a convicción de que todos os ámbitos da creatividade artística, cultural, social ou emocional son necesarios e poden darse a man no día a día da configuración dunha cultura alternativa.

Concerto en solidariedade con Ca Revolta de Maria del Mar Bonet, Carles Dénia, Joan Amèric e Al Tall, no Pazo de Congresos de Valencia (31/1/2013)

“Con referencias á coraxe de Ca Revolta e unha conmovedora declaración de amor ao País Valenciano, Maria del Mar Bonet... agregou ás súas palabras, as cancións” (EL PAÍS 1/2/2013)

QUEN SOMOS CA REVOLTA?

Ca Revolta é un ponto de encontro de xente solidaria, crítica e participativa, un espazo de ocio alternativo e un catalizador de iniciativas, tanto no ámbito cultural e artístico, coma no social e do pensamento crítico.

Así, en 2000 eliximos o barrio de Velluters, en pleno centro histórico de Valencia, pedimos un crédito e compramos a bo prezo un magnífico edificio, que rehabilitamos coas nosas propias mans, coa formación dunha cooperativa de traballadores da construción, membros tamén do colectivo.

Fachada do edificio de Ca Revolta, na rúa Sta Teresa de Valencia

Ca Revolta dá continuidade á rica tradición de casas de pobo e ateneos con que contou Valencia a principios do século XX.

E tamén enlaza coas correntes dos centros culturais xurdidos na Europa dende mediados da década dos 90, espazos autónomos e abertos creados a partir de iniciativas cidadás, capaces de estimular redes que contribúan á construción dunha cidadanía moderna no seo dunha sociedade democrática avanzada, baseada na participación, na igualdade e na convivencia intercultural.

Sala de conferencias e usos múltiples de Ca Revolta

Sala dos Arcos de Ca Revolta

Pasados xa catorce anos dende a súa inauguración, podemos dicir que Ca Revolta converteuse nun referente sociocultural para a cidade de Valencia á marxe das institucións, onde a cidadanía sabe que encontra a súa casa, aberta.

O edificio de Ca Revolta, antes da reforma

A QUE DESTINAREMOS AS VOSAS CONTRIBUCIÓNS

As vosas contribucións asegurarán que Ca Revolta continúe coa súa actividade. Ao longo destes catorce anos, organizamos máis de... 5.000 EVENTOS EN 5.000 DÍAS!

1.120 conferencias e debates

1.050 proxeccións cinematográficas

290 presentacións de libros, revistas...

620 concertos musicais, cando se podía...

190 recitais de poesía

1.070 exposicións de artes plásticas

1.010 representacións de teatro e danza

70 xornadas e seminarios varios

Moitos percorridos de sendeirismo

Centenares de talleres diversos

Ca Revolta participa no Programa Voluntariat pel Valencià

Lluís Llach durante a presentación en Ca Revolta do seu disco "Temps de revoltes" (8/2/2001)

Paco Roca, Premio Nacional del Cómic 2008, fala sobre a adaptación do seu cómic "Arrugas" ao cine, Premio Goya 2012 ao mellor guión (23/10/2012)

OS COLECTIVOS

Actualmente, algúns dos colectivos que forman parte da casa son:

• Traballo social, que elaborou a Carta Valenciana de Dereitos Sociais, que foi defendida unitariamente nos Cortes Valencianas por deputados de Compromis, Esquerra Unida e PSPV

• Polos Bos Tratos (que participa do programa estatal da ONG acciónenred)

• Poesía per la Revolta

• Territorio

• Grupo de Mulleres

• Faladoiro de arquitectos e urbanistas

• Plataforma en defensa da saúde médica e mental

• Dereito a Morrer Dignamente

• Romipen- Gitaneïtat

• Per l'Horta (asociación ecoloxista que en 2001 conseguiu levar ás Cortes valencianas unha Iniciativa Lexislativa Popular a favor da protección da horta de Valencia)

• Grupo Excursionista de Ca Revolta

• Comisión de Artes Plásticas

• Certame de Curtametraxes bianual

• Colectivo de xente Máis Moza

• Comisión de Actividades, que se encarga de coordinar a programación

• Colectivo do Programa de radio de Ca Revolta en Radio Klara ("Ao 10 de Santa Teresa")

• XARA, unha WebTV por Internet impulsada polo colectivo audiovisual de Ca Revolta, onde é posíbel rever e escoitar os principais eventos da casa e do ámbito de Ca Revolta

En Ca Revolta tiveron o seu fogar e a súa sede colectivos como Nunca Máis, Non á Guerra, Eu non te espero (visita do Papa), Ja en tenim prou, COM (Col·lectiu Ovidi Montllor de músicos en valenciano, que agrupa á case totalidade dos devanditos músicos), Mulleres Emigrantes...

Conferencia de Arcadi Oliveres “Proceso constituínte. Novos modelos de participación crítica”, (20/11/2013)

Marc Granell e Begonya Pozo durante un acto de "Poesia per la Revolta" (11-2-2010)

Festa de inauguración de Ca Revolta, (20/10/2000)

POR QUE QUEREMOS REUNIR 30.000 €?

Non poderiamos deixar de falar da persecución política que sufrimos dende os inicios, que nos denegou licenzas, limitounos actividades, pechounos a casa durante dous meses, xerounos multas por valor de ata 60.000 euros..., pero ata agora non conseguiron pechar a casa, e isto é así fundamentalmente pola resposta social con que sempre temos contado.

Ca Revolta continúa aberta grazas a unha parte importante da sociedade valenciana, grazas tamén aos socios e á xente que actúa cada día enchendo a casa de intervencións sociais, artísticas e cidadás, e que nos demostra, un vez máis, coa súa solidariedade, a súa participación e o seu apoio, que esa parte da sociedade existe.

En definitiva, somos persoas que reivindicamos e traballamos por unha sociedade disposta a socializar a riqueza e a cultura e a privatizar unicamente os soños.

Ca Revolta finánciase exclusivamente coas cotas dos seus socios e coa recadación da súa actividade. Actualmente estamos nunha situación económica límite. Para que Ca Revolta continúe aberta, para que ti poidas compartir unha voz crítica ante a infinidade de inxustizas con que nos encontramos diariamente e onde sabes que hai un espazo no que reunirse, compartir, debater... ou simplemente tomar unha copa ou cear rodeados dalgunha exposición interesante ou asistir a unha conferencia ou a unha proxección cinematográfica, é por todo isto que che pedimos unha aportación económica a este Verkami para que poidamos proseguir coa nosa actividade no próximo período.

CONTAMOS CONTIGO!

OUTRAS FORMAS DE FACELA TÚA CONTRIBUCIÓN ECONÓMICA:

En caso de que che sexa imposíbel facer unha contribución con tarxeta bancaria ou PayPal e queiras contribuír a levar adiante Ca Revolta, podes facer unha transferencia á seguinte conta bancaria, especificando o concepto CA REVOLTA ABERTA:

LaCaixa, oficina c. Angel Guimerà 53, 46008, València

IBAN: ES11 2100 0728 27 0200113232

Titular: Associació Revolta

Ca Revolta recolle o premio á mellor contribución social durante a gala dos XX Premios Turia na Casa da Cultura de Burjassot (2/7/2011)

RECOMPENSAS E CALENDARIO

Os premios poderanse recoller durante a Comida Popular a celebrar ao principio do próximo curso, en data a concretar, ou en Ca Revolta a partir dese día.

Se queres renunciar ás recompensas, non tes máis que comunicárnolo cando entremos en contacto contigo en setembro, indicándonos que a túa contribución era desinteresada.

CD de produción propia:

VI PREMIS OVIDI: O Coletivo Ovidi Montllol de músicos en valencià editou o CD con os gañadores dos premios, por cortesía de seus autores, en apoio de Ca Revolta

Lote de libros a elixir entre o noso amplo catálogo da editorial Talasa:

Camiseta:

Serigrafías de Miquel Guillem e Carmen Grau

PARA SABER MÁIS

http://carevolta.org
http://xara.carevolta.org
facebook.com/carevolta
@ca_revolta