Os d'Abaixo | novo traballo 2021 SOMOS A PEDRA

Os d'Abaixo | produción do terceiro disco "SOMOS A PEDRA"

Pouco a pouco as cousas van volvendo á normalidade e Os d´Abaixo estamos desexando poder volver aos palcos para facer o que máis nos gusta: música galega 100%. Ademáis, estamos a gravar o noso terceiro disco coa intención de lanzalo para o outono deste ano 2021.

Neste novo traballo, ademais das músicas tradicionais que amamos, agasallaremos os vosos ouvidos cunha boa cantidade de temas propios e con algunha que outra letra de carácter combativo (pódesmo crer, Pepe).

Vai ser un disco gravado en directo nos estudios da Escola da Rúa polo noso técnico, o grande Manolo Dourado, experto en capturar a música viva e crear un delicioso banquete auditivo. Como novidade para este terceiro disco, faremos o lanzamento de varias creacións audiovisuais. Por se todo isto vos parece pouco, anunciámosvos que contaremos con algunhas colaboracións especiais que seguro vos van gustar.

VALXE | Vídeo gravado durante o confinamento da primavera de 2020. Damos as grazas por aquelas bonitas achegas de tantxs amigx!

Para onde irán as achegas

Para poder financiar toda a produción que isto implica, decidimos acudir a vós, amantes da música galega, da terra, do baile, da cultura, e de todo aquilo que como pobo, nos une dalgún xeito. Só tedes que mercar por adiantado algunha das nosas recompensas, e quedaremos ben agradecidos.

Arriba os d´Abaixo e abaixo os d´arriba!

Recompensas

Podes colaborar con nós elexindo unha das recompensas que preparamos

• envío a toda a península incluidos

• envío ao estranxeiro mercando a recompensa "envío internacional" a maiores da que elixas

Ao finalizar a campaña, enviarémosche un formulario para que nos fagas chegar dirección de envío, talla de camiseta, lugar e hora do concerto...etc.

Calendario previsto

Ao longo de todo o verán e parte do outono, iremos mostrando as producións audiovisuais que acompañan á produción deste novo disco, ademáis de algunha que outra sorpresiña.

O lanzamento do disco será en novembro, co que se queres facer un fermoso agasallo de nadal, non dubides en botarnos unha man.

+ Info

Podes seguir toda información que irá saindo a través das nosas redes sociais
facebook
instagram