PRIMEIRO OBXECTIVO CONSEGUIDO!!
Xa superamos o primeiro obxectivo de recadación!! Agora, imos a polo 2º obxectivo!
Queremos chegar a 8.500€, para que Versogramas sexa impresionante. Con eses cartos extra, poderemos encher o plató de attrezzo incrible para facer aínda máis bonitas as escenas de transición de Versogramas: follas secas, pedras, ramas, libros, leds, cachivaches… Ademais, poderemos contratar a máis xente para que nos axude coa loxística de plató, que nos fai moita falta. Axudádesnos a conseguir iso?
Ademais, queremos engadir unha nova recompensa: un pase+picnic informal ao aire libre. Cea co equipo mentres ves o documental, por 50€! Correde reservala!
Como agradecemento a todos e todas as mecenas que nos apoiastes ata agora: dámosvos unha recompensa extra! O acceso online a material exclusivo do documental, making off, recortes de escenas, entrevistas íntegras…
GRACIAS, GRACIAS, GRACIAS!!
Índice
2. Sinopse
3. A que destinaremos as túas achegas
7. Máis información sobre o proxecto
A historia de Versogramas
Versogramas naceu do asombro, hai xa tres anos. De repente descubrimos un universo, o da videopoesía, que mentres en España estaba apenas explorado, internacionalmente contaba cunha inmensa rede de videopoetas e fans. Ao momento quedamos totalmente prendados dese universo onde se fundían poesía, imaxe e son. O que fixo medrar Versogramas foi o desexo de compartir o noso descubrimento. Despois dunha longa investigación, seleccionamos 16 videopoetas cuxa traxectoria e obras nos resultan interesantes para falar de videopoesía e compartir todas estas sensacións por medio dun documental creativo.
“Versogramas. O documental” é o primeiro documental sobre videopoesía, xénero en auxe no panorama artístico nacional e internacional. Como público, acompañamos a viaxe intimista dunha muller, poeta, que descobre o xénero e escoita a creadores e creadoras de referencia contar a súa experiencia: que é para eles e elas esto da videopoesía? que referentes teñen, á súa vez? que técnicas ou temas empregan de maneira máis recorrente? cales son os seus procesos creativos? como son as súas obras?
Este documental forma parte de VERSOGRAMAS, un proxecto transmedia que explora a videopoesía tamén mediante un webdoc, unha videocreación, unha exposición museística e unha publicación de libro + DVD (Editorial Galaxia).
Sinopse
Unha muller rememora o pasado e escribe versos sobre unha pelícla que se proxecta no espazo mentres escoitamos sobre as orixes da videopoesía. Despois camiña seguindo unha liña discontinua dentro dun espazo onírico e abstracto. Ao longo do seu camiño abre caixas de distintas formas e cores que metaforizan conceptos. Na primeira caixa descobre unha proxección de fragmentos de videopoemas relativos á Linguaxe mentres a voz en off nos dá pistas sobre os balbuceos do xénero. Comezamos a ver entrevistas a videopoetas que falan da importancia da lingua escrita e como se transfire visualmente e auditivamente mentres se proxectan fragmentos ilustrativos de videopoemas. A muller segue camiñando e atopa outras caixiñas que corresponden ao Corpo, ao Erotismo, á Soidade, á Sociedade, ao Mal e ao Cambio. Metáforas de temas coma a evolución da videopoesía, a adaptación do texto escrito, a gráfica e o deseño, a comunicación co espectador, o lugar que a videopoesía ocupa, a súa innovación e cambio continuo, o problema da definición do xénero mesmo e as súas perspectivas de futuro. Un percorrido que vai dando respostas ao que é a Videopoesía.
Motivación do proxecto
Versogramas ten unha motivación triple. Por un lado, compartir a fascinación polo traballo de moitos autores e autoras neste formato. Por outro, situar a videopoesía como xénero independente e con entidade artística en si mesmo. E especialmente, promover a lectura/visionado de poesía na sociedade en xeral e o sistema educativo en particular. Gustaríanos derrubar o mito de que a poesía é aburrida, difícil, seria... amosando unha nova forma de vela, adaptada aos nosos hábitos de consumo habituais.
A que destinaremos as túas achegas
O orzamento do documental é de 84.654€, dos cales un 80% xa está financiado grazas ás achegas de: AGADIC, Amanita Films, Pixel Films, Fundación Paideia, entre outros.
Precisamos as túa achega para partes fundamentais como:
Gastos de viaxe e dietas para rodaxe.
Tradución a inglés de guión
Subtitulado en galego, castelán e inglés
Etalonaxe
Copias
Como funciona Verkami
Verkami é unha plataforma para levar a cabo ideas coa colaboración de moitas persoas. Fíxase un obxectivo económico para realizar un proxecto e, se se acada, lévase a cabo. Mira como funciona:
Primeiro decides a túa recompensa
Despois realizas a túa achega
E se chegamos ao 10%% entregámosche a recompensa
Lembra que só se chegamos ao 100% haberá rcompensas e se cobrará a túa achega. En caso contrario, non recadaremos e non poderemos levar a cabo o proxecto.
Calendario previsto
Rodaxe: maio 2017
Montaxe e postprodución: xuño-agosto 2017
Copia final: setembro 2017
Entrega recompensas: outubro-decembro 2017
O equipo de Versogramas
Belén Montero e Juan Lesta (directores/produtores)
Belén Montero (1970) e Juan Lesta (1971) fundan Esferobite en 1999. Contan cunha ampla experiencia en proxectos experimentais e multimedia, orientados a cultura e vídeo institucional. Os seus traballos foron premiados en festivais como Fonart (premio MTV), Vitoria-Gasteiz, VAD, e expostos en museos coma Pompidou (Metz), CGAC (Santiago de Compostela), MAC (A Coruña) ou Hangar (Barcelona). Especialízanse en videoclip, live cinema, documental experimental, booktrailer, desenvolvemento web e proxectos educativos.
Celia Parra (Produtora)
Celia Parra (Ourense, 1990) é produtora audiovisual e poeta. Con experiencia en literatura e produción, traballou para as produtoras máis representativas de Galicia. Como poeta, publicou un poemario individual e participa en numerosas publicacións colectivas. Especialízase en videopoesía, como docente e creadora. Os seus videopoemas teñen sido seleccionados en festivais como Rabbit Heart Poetry Film Festival (EE.UU.) e Ó Bhéal Poetry Film Festival (Irlanda), entre outros.
Esferobite (Produtora)
Esferobite é unha produtora audiovisual multimedia especializada en proxectos culturais e artísticos, vídeo corporativo, desenvolvemento web e novos formatos. O seu dominio da videoarte, así como a súa notable experiencia en documental, videoclip e vídeo e instalacións para museos supuxo toda unha colleita de recoñecementos nacionais e internacionais.
Máis información sobre o proxecto
Podes seguirnos na nosa web e redes sociais
0 comentarios
Si xa eres mecenas, iniciar sesión para comentar.