Biribirlocke • Tentando a sorte, segundo disco.
Somos Biribirlocke, corzos oriúndos do concello de Ames. Comezamos nova aventura coa gravación do que será o noso segundo disco; “Tentando a sorte”. Anímate a formar parte do noso proxecto escollendo a túa recompensa.
Biribirlocke
Somos Biribirlocke, empezamos nisto do rock and roll en 2010 e dende entón non paramos un minuto, fervendo notas dende Bugallido (Ames).
O noso é gozar enriba dos escenarios. Defínenos a enerxía dos nosos directos e o tipo de música que facemos non deixa indiferente a ninguén. Apostamos por facer festa, combinando cordas e ventos nun Rock&Roll Galego caralludo.
Formamos a banda:
• Benja (voz)
• Héctor (batería e coros)
• Raul (guitarra)
• Torroncho (baixo e coros)
• Martín (saxo)
• Miguel (trompeta)
• Amaro (saxo)
• Roque (trombón)
Nesta nova aventura temos o pracer de contar coa colaboración de José Alfonso Pais, Moisés Barreiro, Bernal Muiños e Sergio Piñeiro.
Tentando a Sorte
Tentando a sorte é o nome que recibirá este proxecto. Un CD no que levamos meses traballando e que poderedes ter no peto o vindeiro mes de abril.
Nesta nova etapa abrimos o campo de mira, abarcando outros estilos ata o de agora descoñecidos na banda, pero sempre mantendo a esencia e son que caracteriza a Biribirlocke.
Está composto de doce cancións das cales xa fixemos dous adiantos audiovisuais ; “Perdinme no Mar” e “Marchar”. A gravación das 8 cancións que completan este disco están programadas para este mes de febreiro.
Ademais disto este proxecto compleméntase coa festa de concerto-presentación do disco.
A que destinaremos as vosas aportacións?
A finalidade desta campaña é xuntar os cartos para poder facer fronte a parte dos gastos de gravación, mestura, masterización e edición física dos discos. Se conseguimos superar o obxectivo, os cartos irán destinados entre outras cousas a gastos de promoción, gravación de videoclips, creación de novo material de merchandising e organización dun concerto presentación do disco á altura do que merecedes.
Recompensas
Á vosa dereita poderedes botar un ollo a todas as combinacións de recompensa que ofrecemos . Mirade ben e escollede a que máis se axuste a vós!
Os elementos principais son: a descarga libre e anticipada do disco, mención especial aos nosos mecenas no disco, pegatinas, chapas, camisolas, cd´s ou entradas para o concerto presentación.
Se estades interesados noutra camisola das antigas, so tedes que facérnolo saber.
Calendario previsto
No vindeiro mes de abril “Tentando á sorte” estará listo para chegar ás vosas mans. Seredes vós, os nosos mecenas, os primeiros en poder escoitar este ilusionante proxecto! Non queda nada!!
A festa de presentación será o 15 de abril en Compostela, na Sala Malatesta.
As recompensas podedes recollelas nun punto que estableceremos, recibilas no voso domicilio ou o día da presentación. Se alguén está interesado nun envío internacional, que se poña en contacto con nós.
0 comentarios
Si ya eres mecenas, Inicia sesión para comentar.