Incríbel, pero certo. Xa está todo en marcha para o cuarto anuario de Pikara Magazine en papel! Se nos chegan a dicir, cando en 2010 lanzamos pikaramagazine.com, que teríamos unha edición en papel ó ao, non o tivéramos crido! Quizais isto poida semellar moi manido, pero Pikara Magazine é un proxecto moito máis emocionante do que soñáramos e estamos chegando a lugares cos que nis sequera fantaseáramos. Grazas a todas por estares aí, por acompañarnos nesta viaxe apaixoante.

As xornalistas feministas precisábamos un cuarto propio no que poder ler as informacións desde a perspectiva que sabemos que mellor explica por que ocorren as cousas que ocorren: un feminismo interseccional, que recoñece e acolle a todas as persoas que non teñen cabida nos medios de comunicación máis tradicionais. Sen nós, non hai democracia; non hai prensa, non hai cambio.

Lanzámonos ó papel cun obxectivo claro: saír da pantalla, chegar a lugares inexplorados para nós, coñecer ás persoas que estades traballando por construír un feminismo que nos vai permitir ser máis felices a todas. Queremos contar que se está producindo desde a academia, pero, sobre todo, queremos contar que estades facendo vós, como vivides, como resistides a este sistema que nos ten afogadas nuns modelos de xénero que non nos sirven, que nos violentan e limitan.

A nosa aposta é clara: un xornalismo de calidade, digno, que non contribúa á precarización da profesión, que sigue crendo que na importancia duns medios de comunicación que poñan contra as cordas ó poder.

Que hai de novo?

Neste número imos poñer unha énfase especial no reporterismo, no noso afán por amosar que a mirada feminista aporta maior calidade ó xornalismo. Os contidos inéditos terán máis peso entre unha escolma de temas dos que xa publicamos durante o cuarto ano de pikaramagazine.com. Ademais, neste ano o gráfico voltará ter un grande protagonismo no noso anuario con máis fotogalerías que estamos seguras que vos van encantar.

Contaremos cun horóscopo en lugar dos pasaempos do último número e a sección de Participa estará integrada ó longo de todo o anuario porque hai textos marabillosos que cremos que é xusto que teñan o mesmo protagonismo no anuario que o resto.

Por que é unha boa idea ser mecenas?

É unha forma de pre-mercar a revista, con vantaxes e comodidades. Recibirala en casa e custarache un euro menos que nos puntos de venda e presentacións. Iso se invirtes 9 euros (no caso de envíos ó Estado español peninsular), pero, ademais, mediante crowdfunding tamén ofrecemos diferentes fórmulas para que recibas merchandising de Pikara, para que apoies o noso proxecto e que o teu apoio se reflicta na nosa web.

Pola nosa parte, o crowdunfind dános a posibilidade de imprimir 5.000 exemplares sen poñer en risco a xa de por si modesta economía. Se che gusta o que facemos, este é o xeito de asegurar a súa continuidade.

Se es socia ou socio, lembra que recibirás un exemplar por correo.

A que destinaremos as vosas aportacións?

Primeiro obxectivo: 12.000 euros

É o xusto para cubrir os gastos de producción máis grandes, da revista e das recompensas, así como as comisións do crowdfunding.

Imprimir 5.000 exemplares: 8.200 euros

Producir recompensas (1.000 bolsas, 1.000 calendarios, 800 chapas, ): 2.900 euros

Estimación das comisións (Verkami e Paypal): 900 euros

Segundo obxectivo: 17.000 euros

En Pikara parécenos moi importante dignificar o traballo das persoas e non precarizar o nome da militancia. Por iso, precisamos contar con orzamento para remunerar ás profesionais que garanten un produto de calidade. Incluímos tamén nese obxectivo os gastos de Correos relativos ós envíos a mecenas, calculando 800 envíos.

Honorarios para maquetación: 600 euros

Honorarios ilustración: 600 euros

Honorarios para correción de textos: 300 euros

Pago por contenidos inéditos: 500 euros

Correos: 3.000 euros

Terceiro obxectivo: 20.000 euros

Este obxectivo permitiría contar cun orzamento folgado para costear unha posible segunda tirada ou máis recompensas e para contribuír á sostenibilidade de Pikara Magazine. Incluídos gastos de estrutura como o aluguer da redación e os salarios do equipo de coordinación.

As recompensas

Este ano decidimos simplificar as recompensas; a experiencia de anos anteriores lévanos a entender que o produto é o anuario e que a excesiva oferta de packs distintos complica a distribución. En todo caso, renovamos o deseño dos produtos píkaros, dando visibilidade ás nosas tres ilustradoras máis habituais:

• Calendario de mesa 2017: Acompaña ó pack básico. Para que nos fagades un oco na vosa mesa de traballo.

• Bolsa de tea: Este ano sacamos unha bolsa de tea negra coa imaxe da nena e a loba que deseñou Emma Gascó como portadilla da sección Voces do anuario 3. Engadimos o lema: "A noite é nosa".

• Pack de 5 chapas e postal: Este ano renovamos a nosa oferta de chapas, con debuxos de distintas ilustradoras. A postal leva unha ilustración preciosísima de Núria Frago sobre poliamor.

• Colecciona Pikara: Packs noo que se inclúen todos os nosos anuarios en papel. Como será o número 4? Estamos case seguras de que vai encantarvos.

• Monográficos: Este año editamos dous monográficos en papel. En ‘A medias tintas: Los medios ante la violencia machista’ analizamos o papel da prensa ante as violencias machistas; en ‘Cara B: Violencias normalizadas y silenciadas’ falamos desas formas de violencia patriarcal que non teñen cabida nos grandes medios de comunicación

• Tazas: Só quedan catro! Fixemos unha campaña de captación de socias que funcionou moi ben e só nos sobraron catro. Se queres a túa taza de Caperucita, dáte présa!

Calendario previsto

• Xuño e xullo: Edición de textos, deseño e maquetación

• Agosto: Produción de recompensas

• Setembro (primeira semana): Impresión de revistas

• Setembro (segunda semana): Pedir datos a mecenas

• Setembro (terceira semana): Envío de recompensas

• Finalizado o envío, o anuario porase á venda en puntos de establecemento, e en outubro comezaremos unha nova xira de presentacións.

Info

[email protected]
www.pikaramagazine.com
Facebook
Twitter
Youtube
Instagram