Contos para entender o noso planeta

Sobre o proxecto

Contos para entender o noso planeta é unha colección que busca resolver eses milleiros de porqués dos máis pequenos sobre as cousas que pasan acotío no noso planeta: por que se producen as tormentas?, por que sae o arco da vella?, por que a Lúa está máis pequena esta noite?

Os nosos contos mesturan a realidade e a ficción, pero supoñen un primeiro achegamento a procesos que se producen na natureza, explicándoos de forma sinxela e con termos que poden comprender con facilidade. Ademais, sempre inclúen unha ensinanza final, mesturando a parte máis didáctica coa emocional.

Polo momento xa escribimos e ilustramos tres, preparados para levar a impresión. Axúdasnos a lanzar este bonito proxecto?

Características dos libros

Os contos imprimiranse en tapa branda de 300g, de 14,8 x 21 cm (A5 pechado)e encadernación grapada.

• A gotiña de auga que quería ser especial

Un conto que explica, a través do noso personaxe principal, como se forman os arcos da vella.

• Dúas nubes e unha gran liorta

Un relato que explica por que se producen as tormentas, a través de dúas nubes como protagonistas dunha gran pelexa.

• A Lúa, o C e o D

Un conto sobre as fases lunares e como saber se a Lúa crece ou decrece.

Sobre as autoras

A idea do noso proxecto parte de María Mosquera, nai dunha nena, cansada de non atopar apenas contos cos que a súa filla aprendese, ademais de entreterse. Todas as noites inventaba un relato sobre cousas que interesaban á súa pequena: Por que sae o arco da vella?, por que hai tormenta?, por que chove?, como comen as plantas?...

Así, un día comentoulle a Paula Cheshire que era unha mágoa que se perdesen todas aquelas historias. Faltaron poucas palabras e un par de cálculos para poñerse a traballar e que a colección comezase a tomar forma.

Paula Cheshire é unha deseñadora gráfica que sempre quixo ter a oportunidade de ser ilustradora de libros infantís. Hoxe, o seu soño está un pouquiño máis preto. María Mosquera é unha xornalista que busca achegar o seu granito de area á literatura para nenos e así poder compartir as historias que ela e a súa filla repasan cada noite antes de durmir.

Sobre as recompensas

Preparamos diferentes recompensas para que poidas colaborar coas achegas que máis encaixen co teu peto ou os hábitos de lectura dos teus cativos.

• Pack dos 3 contos en formato dixital: PDF (GL)

• Pack dos 3 contos en papel (GL)

• Postais para pintar os personaxes principais (GL)

• Atrapasoños artesanal para decorar a habitación da cativada

  • 100% algodón
    • Ollos de seguridade e feltro
    • Recheo: miraguano
    • Tamaño: 47 cm de alto aprox

• Contos en audio, con música orixinal (GL)

A que van destinadas as vosas achegas

Os cartos que recademos irán destinados a sufragar os custos de impresión, cubrir o traballo de deseño e edición e os gastos de xestión, de envío e a elaboración das propias recompensas.

Calendario previsto

Os contos xa están preparados para enviar a impresión. Se logramos o obxectivo, nunha semana estarán listos para enviar. Estimamos que os exemplares chegarán ás vosas casas ao longo da segunda semana de decembro.

Preguntas frecuentes

- Como encargo o meu pack en castelán ou en galego?

Cambia o proxecto ao idioma no que queiras reservar (arriba á dereita e no medio da páxina en versión móvil)e selecciona a túa recompensa. No título de cada pack verás que xa indica impresión en castelán ou galego. A nós chéganos tal cal seleccións.

Axúdasnos a facer o noso pequeno soño realidade?

Tamén estamos en:

Instagram

Facebook