50º Aniversario do Barrio das Flores
Non tódolos días se cumpren 50 anos! Por iso, no Barrio das Flores queremos celebralo por todo o alto, cun evento festivo e cultural que lembraremos durante outros cincuenta anos máis.
Somos a Plataforma Veciñal do Barrio das Flores. Dende esta asociación temos organizado os Mercados das Flores nos anos anteriores, atraendo ao barrio a milleiros de persoas que desfrutaron de boa música, comida, entretemento e mercadillos de produtos artesanais, coleccionables e curiosos.
Este ano, con motivo do 50º aniversario do Barrio, queremos facer algo especial, organizando un evento durante os días 8, 9 e 10 de setembro.
Comezamos o día 8 de setembro cunha velada de boxeo organizada polo club deportivo Ludus Box. Este día contaremos coa presenza dunha orquestra que amenizará a velada. Durante esta xornada terán lugar tamén actividades infantís.
O día 9 de setembro organizaremos o Flores Rock, con grupos de primeira liña, que iremos presentando nas próximas semanas.
Por último, o día 10 de setembro, volverá o tan esperado Mercado das Flores, despois dunha pausa de tres anos. Sabemos que levades esperando por este evento e a nosa intención é recuperalo para sempre. Os máis pequenos poderán desfrutar das actividades que temos preparadas para eles.
Esta iniciativa pretende sacar á xente á rúa, dando a coñecer o barrio ao resto da cidade e creando un espazo cultural e social único.
A qué destinaremos as vosas achegas
As doazóns destinaránse á organización do evento, a preparación de merchandising e pago aos artistas convidados.
Sobre as recompensas
Prevemos entregar as recompensas durante o festival para os que acudan e durante a semana seguinte para os demáis. Podes atopar máis detalles sobre elas á dereita.
0 comentarios
Si xa eres mecenas, iniciar sesión para comentar.