Cool Funeral somos unha banda creada no ano 2012 e afincada nas Rías Baixas. A nosa música inspírase no blues e no rock&roll, pero recolle tamén influencias do punk e o grunge.
As violencias de xénero son un dos temas recorrentes nas nosas cancións, nas que tamén tratamos de visibilizar e denunciar a homolesbobitransfobia, o racismo, o clasismo e a violencia contra as persoas migrantes.
No Guey (este rock&roll no es para machitos) é outra das cancións que formarán parte do noso disco.Un berro contra a violencia machista.
´
Durante estes tres anos temos actuado en salas e festivais de toda Galiza. En 2013 publícamos o noso primeiro single No güei (este rock ´n roll no es para machitos) gravado nos estudios Colorado Springs de Tominho (Pontevedra). Nese mesmo ano gravamos catro vídeos en directo con público nos estudios Vigosónico.
En abril do 2015, resultamos ganhadores do segundo concuso de bandas Rock In RIo Tea, en Ponteareas (Pontevedra).
Despois destes tres anos de traxectoria, cremos que é o momento de lanzar o noso primeiro disco e queremos facelo coa vosa colaboración.
North America é o titulo da primeira canción das oito que componhen You drive me crazy e que vos presentamos como adianto. Esta canción é unha crítica sobre as durisimas condicións polas que pasan milhóns de persoas dos paises do Sur cando migran cara aos do Norte.
Durante estes 40 dias que durará a campanha, iremos compartindo con vós algunha canción máis e algunha outra sorpresa.
A qué destinaremos as vosas achegas
O proxecto que aquí proponhemos financiará a fabricación, edición e distribución do noso primeiro disco, gravado nos estudios Stereoarte de Vigo, e que estará composto por oito temas orixinais.
Como agradeceremos o voso apoio.
Dependendo da cantidade que acheguedes recibiredes o disco en formato dixital, cd ou vinilo, chapas e camisetas do grupo, entradas para vernos en directo e mesmo un concerto no lugar que vos elixades: na vosa casa, bar, asociación cultural ou torreiro.
Podedes informavos sobre as cantidades a achegar e o que vos corresponde a cambio na paxina do proxecto
.
Cando recibiredes a recompensa
Unha vez rematada a campanha iniciaremos a produción e recibiredes a recompensa que vos corresponda nun período de entre tres e seis meses, pero Intentaremos facérvolo chegar canto antes.
Máis que un disco: Colaboración coa ONG Implicadas No Desenvolvemento.
Cool Funeral queremos que isto sexa algo máis que un disco.Por iso pensamos que entre todas e todos, podemos aproveitar a ocasión para colaborar co proxecto solidario de Implicadas, pola igualdade e a xustiza social. No caso de que superemos o noso obxectivo inicial doaremos o resto de cartos á ONG Implicadas no Desenvolvemento. Seguro que o conseguimos.
Implicadas no Desenvolvemento é unha organización galega, crítica e feminista de cooperación ao desenvolvemento fundada en 1998 que basea o seu traballo na procura da igualdade de xénero como piar para o desenvolvemento humano perdurable. Implicadas entende o traballo contra a pobreza como un exercicio de responsabilidade da cidadanía do Norte en busca de espazos para que a cidadanía do Sur, e en concreto as mulleres, poidan tomar decisións sobre as súas vidas.
Para Implicadas a pobreza é un problema político e polo tanto traballa na sensibilización e busca da participación da cidadanía galega na incidencia política, algo que promove a través de colaboracións co mundo da cultura, con outras organizacións feministas e grazas á súa base de voluntariado.
Nestes 16 anos de traballo Implicadas, logrou poñer en marcha actividades, que como o Implícate, xa son un referente no mundo da cultura e o compromiso por unha cooperación ao desenvolvemento dende outras bases así como a produción de diferentes materias (libros, exposicións, Cd música, documentais…) que nos axudan a comprender mellor o mundo no que vivimos da man das súas propias protagonistas.
WEB Implicadas no desvolvemento
Onde podedes conhecernos mellor
Bicos e grazas polo voso apoio
2 comentarios
Si xa eres mecenas, iniciar sesión para comentar.
cool funeral
Autor/a
Hola David! Gracias por tus saludos y por colaborar.
Si no estas en Vigo, por supuesto que te enviamos la recompensa a donde nos digas. Cuando sea el momento contactaremos contigo para confirmar donde quieres recibirla. Apertas!!
David Lynott
Moi boas e noraboa polo proxecto! Supoño q a entrega das recompensas será en Vigo e a miña pregunta e si facedes envíos para os que somos d fora. Agardo resposta. Saudos