Verkami erabili ahal izateko beste nabigatzaile batetik egin behar duzu. Instalatu edo sar zaitez hemendik: Microsoft Edge, Chrome edo Firefox. MIcrosoftek utzi dio erabiltzen ari zaren Internet Explorer nabigatzailea eguneratzeari eta jada ez da bateragarria webgune gehienekin.

Erraustegiaren kutsadura kontrol independentea

Herritarrontzat ezinbestekoa da kutsadurari buruzko datu fidagarriak eskuetan izatea. Proiektu honekin autodefentsarako prestatuko gara.

Erraustegiaren Aurkako Mugimendua

Nork sortutako proiektua

Non sortua

0
segundoak
240
Ekarpenak
13.550€
13.000€-tik
Proiektuari ekarpena egin
Proiektua ikusi Castellano

Zure saria aukeratu

Markel Olano buru duen Gipuzkoako Foru Aldundiak Donostialdeko erraustegia pizten badu, kutsaduraren kontrol independentea egingo dugu urtero. Munstroa piztu aurreko datuak esku artean izatea oso garrantzitsua zenez, Zubieta Lantzen elkarteak zirt-edo-zart egin eta bi enpresa zientifiko kontratatu zituen:

Batetik, Herbehereetako ToxicoWatch fundazioa –mundu osoan erraustegien eraginak aztertzen ditu–, eta bestetik, Eusko Jaurlaritzak akreditatutako Euskal Herriko enpresa bat. Irail hasieran hartu dituzte laginak, azpiko argazkian ikus daitekeenez.

ToxicoWatch fundazioko kideak arrautzen laginak hartzen. (Argazkia: Donostitik.com)
ToxicoWatch fundazioko kideak arrautzen laginak hartzen. (Argazkia: Donostitik.com)

Erraustegiaren eragin eremuaren barnean, 10 kilometroko erradioan, milaka lagun bizi dira. Horregatik, kutsaduraren eragina neurtzeko ondorengo lekuak hautatu dira eta dagoeneko lehen laginak hartu dira geolokalizazio bidez lekuak ongi finkatuta utziz etorkizunerako:

Zubieta herrian, Añorgan, Donostian, Usurbilen, Lasarten, Urnietan, Hernanin, Andoainen eta Zubietan, Realak entrenatzen duen lekutik eta ondoan dagoen Landaberri ikastolatik hurbil. Eta erraustegitik urrunago, Goierriko Zaldibian.

Azken batean, borrokatzeko bide berritzailea da herritarrok azpiegitura kutsatzaile batek eragingo duen kutsadurari buruzko datu zientifiko fidagarriak izatea. Erraustegiaren Aurkako Mugimendutik babes osoa ematen diogu ekimenari eta finantzaketa lortzen lagundu nahi dugu.

Sariei buruz

Sari nagusia gizarteari egingo diogu denon artean, kutsadurari buruzko datuak modu gardenean jakinaraziko baititugu, eta erraustegia pizten badute, urtero-urtero egingo baititugu kutsadura ikerketak. Erraustegiek askatzen dituzten kutsadurak akumulatzaileak dira, hau da, izaki bizidunek jaten badituzte pilatzen joaten direla eta ezin direla kanporatu, horrenbestez, urtez urte kutsadura igotzen nola joango den ikusiko dugu.

Diru ekarpena egiten dutenei leihoan jartzeko erraustegiaren aurkako banderolak emango dizkiegu opari. Baita, ikerketa independentearen babesle gisa agertzeko aukera eman ere.

Erraustegirik gabeko munduaren alde.
Erraustegirik gabeko munduaren alde.

Nor garen

Erraustegiaren Aurkako Mugimendua Gipuzkoako erraustegiaren aurka borroka egiteko sortutako herritarron eragilea da. Herriz herri antolatutako herri mugimenduon batura da: Donostia Bizirik, Hernanin Zero Zabor, Andoaingo Ipar Haizea, Lasarteko Aire Garbia eta Gipuzkoa Zutik taldeok batu ditugu indarrak bertan.

Ehunka protesta egin ditugu azken 17 urteotan.
Ehunka protesta egin ditugu azken 17 urteotan.

Kontsultatu gure webgunea: erraustuez.org

Kontsultatu gure Twitter kontua: @ErrausAurkaMugi

Zertara bideratuko ditugu zuen ekarpenak

Jasoko dugun diru guztia bi enpresa hauei beren lana ordaintzeko baliatuko dugu. Nazioartetik zientzialariak Euskal Herrira ekarri, laginak hartzeko estantzia ordaindu eta batez ere, gerora beren herrialdean analitika egiteak kostu hau du.

13.000 euro baino gehiago jasoko bagenu, mugimendu gisa buruan ditugun ekimen batzuk prestatu eta finantzatzeko bideratuko genituzke. Beti ere, erraustegia gelditzea helburu izango duten ekimenak.

Aurreikusitako egutegia

ToxicoWatch fundazioko kideek emaitzak edukitzeko bi hilabete-bi hilabete eta erdi beharko dituztela adierazi ziguten. Datuok ardura osoz kudeatuko ditugu, eztabaida antzuak ekidin asmoz.

Sariak azaroan banatuko ditugu, banderolak helaraziz ekarpena egiten dutenei.

Ohiko galderak

Oraindik ez dago ezer argitaratua.

Zalantza edo galderarik ba al duzu?

4 iruzkin

Proiektuaren mezenas bazara, Saioa hasi iruzkina egiteko

  • Ekainet

    Ekainet

    2 años

    Osasuna guztiontzat.

  • Maköki

    Maköki

    2 años

    Gure eskura dago, bihar itxiko duten erraustegiaren kontrola egitea!

  • pichardonuba

    pichardonuba

    2 años

    A seguir luchando

  • juanluiseizmendi

    juanluiseizmendi

    2 años

    Ez dezagun etsi! Gure osasuna garrantzitsuena da!

Cookie propioak erabiltzen ditugu gure zerbitzuak eta besteenak helburu analitikoekin eskaini ahal izateko, eta zure nabigazio ohituren araberako publizitate pertsonalizatua eskaintzeko. Cookie guztiak onartzeko "Gorde" sakatu edo informazio gehiago jaso eta zure lehentasunak ezarri hemen.