Tras máis de medio século de mareas, a nosa dorna tradicional -unha peza viva da cultura mariñeira de Galicia- renaceu grazas a unha minuciosa restauración artesanal na Illa de Arousa. O casco xa está listo e brilla de novo, pero o proxecto non estará completo ata que o vento volva soprar sobre a súa vela.
Lanzamos este crowdfunding co obxectivo de financiar a súa nova vela de relinga, feita a medida por mans artesás. Non buscamos só comprar unha lona; buscamos o "último alento" que devolva esta embarcación de máis de 50 anos ás augas da Ría de Arousa.
¿Por que apoiar este proxecto?
Patrimonio Vivo: Recuperamos unha embarcación que é historia viva da nosa costa.
Artesanía Local: A restauración e a nova vela respectan as técnicas e materiais de hai medio século.
Compromiso ca Ría: Queremos que a dorna sexa parte do noso horizonte e que ti poidas vir navegala connosco.
Coa túa axuda, a D'Chola deixará de ser un recordo para converterse, de novo, en navegación. ¿Subes a bordo?
🛠️ O Renacer: Da madeira vella á xoia da ría
Non queriamos facer un simple "lavado de cara". Restaurar unha dorna de máis de 50 anos é un acto de respecto. É escoitar o que a madeira pide e darlle o tempo que necesita.
Aquí podedes ver a transformación real que financiades co voso apoio:
1. O Rescate: As feridas do tempo
Cando decidimos recuperala, o diagnóstico era claro: ou actuabamos agora ou se perdía para sempre. A humidade, o salitre e os anos deixaran a súa pegada. O casco pedía auxilio e o interior necesitaba cirurxía urxente.
2. Carpintería de Ribeira: Mans e paciencia
O traballo duro fíxose aquí, na Illa. Substituímos as cadernas podres, saneamos a quilla e recuperamos a estrutura interior respectando as formas orixinais. Non hai atallos: lixa, ferramentas de man, madeira nobre e moitas horas de dedicación artesanal.
3. Vestíndoa de gala
Unha vez asegurada a estanqueidade, tocaba devolverlle a súa identidade. O casco foi tratado e pintado coas cores tradicionais, listo para resistir o mar de Arousa. O cambio foi radical.
4. O Resultado Final (Case...)
Hoxe, a dorna loce así. O casco brilla, os remos están listos e o nome "D´Chola" xa figura no seu costado con orgullo. Pero se vos fixades, falta algo esencial: o mastro está espido.
O corpo está listo. Só nos faltades vós para darlle a alma (a vela) e que poida navegar o 17 de Maio.
🎁 RECOMPENSAS: FORMA PARTE DA TRIPULACIÓN
Queremos que esta dorna sexa de todos. Por iso, máis aló dos paseos en barco, deseñamos dúas formas moi especiais de colaborar para que, esteas onde esteas, sintas que navegas con nós.
Non queremos venderche merchandising; queremos que formes parte da lenda desta embarcación.
⚓ 1. O Remo Solidario
A túa axuda dende a distancia. Esta recompensa é para quen quere dar ese "empurrón" necesario para arrincar. É a base do noso proxecto: a suma de moitos pequenos esforzos.
⛵ 2. O Teu Nome na Vela
A túa pegada, sempre a bordo. Queremos que o vento que mova a dorna leve tamén o teu nome. Esta é a forma máis bonita de viaxar con nós sen moverte da casa.
¿A que destinaremos as vosas achegas?
Este é un proxecto 100% para a dorna. Decidimos non ofrecer recompensas físicas (camisetas, tazas, etc.) para non gastar as vosas achegas en gastos de envío nin paquetería. Queremos que cada euro se invista directamente na embarcación e na cultura mariñeira.
O orzamento de 1.300 € distribúese de forma transparente:
1.040 € (80%) | A Vela Nova: Destinado integramente á velaría artesanal. Cobre a tea, o corte tradicional da relinga, a man de obra especializada e o IVE.
150 € (11%) | Cabullería e Montaxe: Unha vela nova precisa manobra nova. Destinaremos esta parte a renovar as escotas e drizas (cordas) para asegurar que a nova vela se iza e se manexa con seguridade e estética tradicional.
110 € (9%) | Comisións de Xestión: Gastos necesarios para o funcionamento da plataforma Verkami (5%) e as pasarelas de pago bancarias (tarxetas/Bizum).
Calendario previsto
Temos os tempos moi claros para asegurar que a dorna navegue coa súa nova vela esta mesma tempada. O noso plan de ruta é o seguinte:
Final de campaña (Abril): En canto academos o obxectivo de recadación, realizaremos o encargo inmediato á velaría. Ao tratarse dunha vela artesanal á medida, o mestre veleiro precisa unhas semanas para o corte, costura e acabados dos puños en coiro.
17 de Maio - A Botadura Oficial: Non escollemos unha data calquera. Queremos izar a vela por primeira vez o Día das Letras Galegas. É un día de orgullo para a nosa cultura e queremos celebralo devolvendo esta peza de patrimonio á Ría. Ese día faremos o acto oficial de "bautismo" da vela no porto, ao que estades todos convidados.
🟢 ¿Cómo funciona esto? (O Todo ou Nada)
Para quen non coñeza Verkami, o sistema é moi seguro e sinxelo. Funciona baixo a regra do "Todo ou Nada":
Ti fas a túa aportación agora: Elixes a recompensa que che guste (15€, 35€, etc.) e pos os teus datos.
Non se che cobra nada aínda: O banco só "reserva" a cantidade. O diñeiro segue na túa conta.
Temos 40 días: Se o 17 de Maio chegamos ao obxectivo de 1.300 €, faise o cargo definitivo e a dorna terá a súa vela! 🎉
¿E se non chegamos? Se remata o prazo e falta aínda que sexa 1 euro, o proxecto cancélase e NON SE CHE COBRA NADA.
Sen riscos: Ou o conseguimos entre todos e navegamos, ou non lle custa un can a ninguén.
0 comentarios
Si ya eres mecenas, Inicia sesión para comentar.