Proyectu:
Editar la novela Baxo'l pumar escrita en llingua asturiana.
La hestoria de "Baxo'l pumar" nació yá va unos años cola idea de retratar la evolución d'un pequeñu llagar familiar a lo llargo d'un sieglu y mediu.
El títulu inicial del llibru diba ser esi precisamente: "El llagar", pero les narraciones tienen vida propia y esta convirtióse na hestoria del so primer protagonista, Colas y la so obsesión por una pumarada. Asi, el proyectu inicial, que taba escritu en castellán, pasó a ser un relatu n'asturianu que cubría namá la segunda metá del sieglu XIX.
Presenté la obra nel añu 2016 al premiu de novela "Xosefa Xovellanos" por un impulsu y, pa la mio sorpresa, quedó ente les 7 escoyíes de les que depués salió'l ganador, Xulio Arbesú. Los siguientes años la edición del llibru foi retardada por diverses causes ayenes a la mio voluntá. Pero finalmente la hestoria va ver la lluz col mio tesón y la vuesa ayuda.
Participé como mecenes en dellos proyectos musicales y lliterarios asturianos que me resultaron satisfatorios polo que decidí llevar a cabu'l mio propiu proyectu d'esta forma, un retu qu'arrinca con ganes y muncha ilusión.
Sobro les recompenses:
Los mecenes van salir nomaos na páxina d'agradecimientos del llibru.
Realicé marcapáxines d'encaxe boliyos qu'espero gústenvos. Y pensé la zapicas la tradicional xarra na que se bebía la sidra antes de la llegada de los vasos de cristal. Les zapiques son pequeñes y el so númberu ye llindáu, pos son artesanales.
A qué voi dedicar les vueses aportaciones:
Al pagu de la metá del presupuestu de la edición del llibru. Si consiguiera una cantidá mayor que la qu'establecí, sería para'l restu del costu de la edición.
Calendariu previstu
La edición del llibru se prevee que tea llista para'l mes de mayu, cuando se celebre'l día de les lletres asturianes.
23 comentarios
If you are already a sponsor, please Log in to comment.
Minin
Cundo recibiremos el llibru ???
Minin
Yá entamaste a mandalos ????
mpdrayes
Author
¡¡¡GRACIES a toos por les vuestres aportaciones y por los menxajes de ánimu.!!!
LIDIA ALAEZ ALVAREZ
Ya ye míu!!
Lluismi
Yá ta fecho, fáltate unu menos! Ta perguapu asina que muncha suerte. Un abrazu :-)
Gretelaceas
¡Puxu Marga!
Lola Granados Florez
A por ello! 🤓
mpdrayes
Author
Gracies, a todos.
Elisa Calvo Villanueva
Felicidades Marga. Julio y yo estamos encantados de colaborar.
Korseres
Nice