Axúdame a lanzar a primeira edición do xogo de cartas CORDADAS!
Imaxina que es unha intrépida alpinista ou escalador que forma parte dunha famosa cordada, tes un contrato cun importante patrocinador que só poderás cobrar se cumpres un obxectivo: chegar ao cumio levando todo o material que precises para completar a túa vía, pero... coidado! O resto das xogadoras tamén queren acadar fama mundial e chegar os primeiros, polo que atoparás múltiples obstáculos no teu camiño.
Cordadas é un xogo de cartas de 2 a 6 xogadores en edición bilingüe, galego e castelán, cheo de trasnadas, homes mortos e fenómenos meteorolóxicos adversos que se interporán entre ti e o cumio.
O xogo consta de 79 cartas divididas en diferentes tipos: cartas de materiais, trasnadas, cartas de axuda, cartas home morto e cartas de meteoroloxía adversa. Ademais de 6 cartas de vía que se reparten ao principio da partida e decidirán o tipo de material que cada xogadora deberá reunir.
O obxectivo do xogo é conseguir poñer sobre a mesa 6 cartas de materiais relacionadas coa vía que che tocou así, hai cartas de materiais vermellas que se corresponden a Escalada Clásica, cartas de cor azul que se corresponden a Alpinismo, cartas de cor amarela que se corresponden a Escalada Deportiva e cartas de materiais comúns que valen para os tres tipos de vías:
O resto dos xogadores intentarán evitar que as súas contrincantes gañen o xogo por medio de cartas de trasnadas e cartas de meteoroloxía adversa:
Pero no medio do teu camiño cara o cumio atopas o cadáver doutra montañeira, carta home morto, que saqueas para aproveitar o material útil e así arranxar material danado ou protexerte dunha trasnada:
Ademais, poderás usar diferentes cartas de axuda que dan vantaxes ás xogadoras que as saquen á mesa:
Unha vez que unha das xogadoras consegue 6 materiais útiles para a súa vía, o xogo detense e comeza o reconto final. O xogador que sume máis puntos será o gañador!
Aínda que a temática do xogo é a escalada e o alpinismo, non é necesario coñecer os materiais dos diferentes tipos de vía para poder xogar xa que as cartas se basean nun código de cores.
Aquí tes as instrucións completas por se tes curiosidade!
Chámome María aínda que todos me coñecen coma Muki, hai un tempo decidín unir dúas das miñas afeccións favoritas: a montaña e os xogos, e desenvolver un xogo relacionado coa escalada e o alpinismo. O resultado foi Cordadas! A idea orixinal, os debuxos e deseños son todos meus.
A idea xurdiu un día tomando un café cuns amigos antes de ir escalar en Baleira, en Lugo. Orixinalmente, o xogo ía ser un xogo de mesa con taboleiro, fichas, dados e cartas, que non descarto facer nun futuro. Pero facendo unha travesía por Picos dinme conta de que eu na mochila só metía unha baralla de cartas polo que decidín adaptar o xogo só a cartas.
Entre as recompensas do crowdfunding atoparedes, ademais do xogo, camisetas e adhesivos de vinilo exclusivas do lanzamento do xogo, así como descontos para tendas e opción km0 sen gastos de envío se vives na zona de Lugo cidade, A Pobra do Brollón ou Monforte.
As aportacións destinaranse principalmente a lanzar a primeira tirada de Cordadas, ao seu envío e promoción.
Unha vez que remate a campaña de crowdfunding, podedes contar con ter as recompensas nas vosas casas en 2 meses e medio, tempo que preciso para que saian os xogos da imprenta, xestionar o resto das recompensas e os envíos.
Pois, logo, segue a conta de @muki_xogos en Instagram ou bota unha ollada aos vídeos publicados na canle de Muki_Xogos de Youtube
16 comments
If you are already a sponsor, please Log in to comment.
Didac Pardell Sangrà
Cartes i escalada, yuju!!!
elba
A por todas!! Pedrinho e Elba
Nieves
Con ganas de jugar!!!
Goregoretty
Sorte Muki!!!
anana
Que chula la idea!
Lorenzo Fernández Carreño
Que ganas tengo de jugar con ellas. Saludos y gracias
Mª del Mar Fernández
Que vaia ben, Muki!! Xa me iredes contando!!
Miguel Ángel Grau
Que buena pinta tien, no podía dejar pasar la oportunidá de conseguilo
Sandra Moreira
Que ben o vamos pasar xogando!!!!
Fernando Seco
Ya estas cerca de la cumbre. Suerte