Basotik itsasora

Basotik Itsasora

Gure dokumentalak errefuxiatuen errealitatea gizarteratzea du helburu. Ezin dugu ahaztu, orain dela urte gutxi, gure aiton-amonek antzeko bidaiak egin behar izan zituztela, erbestera, gerra zibila bukatu eta gero. Orain gu geu gara anfitrioiak, baina... ze kondizioetan?

Bigarren Errepublika eta gero, hainbat eta hainbat gudari errepublikarrek eta nazioarteko brigadistek muga pasa behar izan zuten. Heldu eta gero, administrazio frantsesak errefuxiatu-guneak eraiki zituen, heldu berriak bertan kokatzeko. "Camp de Gurs", edo "Camp des Basques" horietako bat izan zen, guregandikan oso, oso gertu.

Nahiz eta Gursen bizitzeko egoera latza izan, kulturak eta sorkuntza artistikoak haien lekua izan zuten bertan, eta "barraka" batzu benetako kulturguneak izan ziren: hitzaldiak, irakurketak, antzerkiak, kabaretak... Hau izango da gure lehenengo kontakizuna.

Zer ekarpena izan dezake arteak errefuxiatuen bizitzan? Zein izan daiteke artistaren jarrera egoera latza honen aurrean? Nola artea eta sorkuntza izan daitezkeen salaketa eta hausnarketarako tresna? Zer da errefuxiatua izatea gaur egun? Artea babesgunea izan daiteke? Galdera hauek eta beste batzuek izango ditugu gure dokumentalean. Bertan Josu Mujika koreografoa eta Iñaki Salvador musikaria lagunduko ditugu, Dantzaz-entzako egingo duten ekoizpena sortzeko bidean.

Eta bukatzeko, Siriar errefuxiatu baten bizipenak konpartituko ditugu, orain Gipuzkoako Hondarribian bizi dena. Kontatuko digu nolakoa zen bere bizitza, Siriako egoera, bere bidaia eta odisea honaino ailegatzeko..., Hotz Zarautz GKE-k lagundurik.

Errekonpenseei buruz

Gure dokumentalean zu inplikatzea nahiko genuke, ez bakarrik finantziaketa lortzen lagunduz, baizik eta difusioan eta zabalkuntzan, errekonpensak erabiliz.

Errekonpensak entregatzeko lehen fasea aurre-estrenoaren egunean izango da, apirilaren hasieran, eta apirilaren 6an, Bilboko estreinaldian. Besteak, 20eguneko epean postaz bidaliko dira.

Nor gara

Txikota Komunikazioa HOTZ Zarautz-ekin eta Dantzaz-ekin elkartu da dokumental hau egiteko. HOTZ Zarautz errefuxiatuei harrera egiteko GKEa da, Zarautzen kokatuta; eta Dantzaz Nazioarteko Sorkuntza Koreografikorako Zentro bat da. Gainera Terres de Memoires et des Luttes-ekin kolaboratzen dugu, eta gure dokumentala, dena ondo baldin badihoa, Bilboko Loraldia festibalean estreinatuko genuke, 2019ko apirilaren 6an.

Zuen ekarpenak zertan erabiliko ditugu?

Ekarpenak dokumentalaren ekoizpena egiteko erabiliko ditugu. Alde batetik, gastu teknikoak pagatuko ditugu (kamara, mikrofonoak, sistema teknikoak...), eta, bestalde, post-produkzioa eta edizioa ordaintzeko, baita itzulpenak eta komunikazioa.

Aurreikusitako egutegia

Momentu hauetan, dokumentala grabazio azken fasean dago. Urtarrilan edizioan eta post-produkzioan sartuko gara, eta apirilaren 6an Bilboko Golem Alhondigan estreinatuko dugu. Estreinaldia baino lehen, aurreestreinaldi bat egingo dugu, eta protagonistak bertan izango dira, publikoarekin solasteko.

Larart Plataforma

Basotik Itsasora Larart plataforma barruan egindako sorkuntza bat da. Plataforma honek errefuxiatuen arazoaz sentsibilitzatzea du helburu, beti artea eta kultura erabiliz.

+ INFO

Proiektuan partehartzaileei buruzko info gehiago:

Hotz Zarautz
www.facebook.com/HOTZZARAUTZ

Txikota Komunikazioa
www.txikota.com
www.vimeo.com/txikota
www.facebook.com/txikotakomunikazioa

Dantzaz
www.dantzaz.eus
www.vimeo.com/dantzaz
www.facebook.com/Dantzaz/