❗️ In order to use Verkami you must do it from another browser. Install or enter from: Microsoft Edge, Chrome or Firefox. Microsoft has stopped updating the Internet Explorer browser you are using and it is no longer compatible with most websites.

Beiras. Vivir2Veces

Xosé Manuel Beiras é unha figura decisiva da Galicia contemporánea. Pero, quen é realmente Beiras?

OlloVivo

A project of

Category

0
seconds
265
Pledges
12.295€
From 10.000€
Contribute to the project
View project in Castellano

Choose your reward

Or support it with a donation

Contribute without a reward
Donate to the project because you simply want to help make it happen:

"Pensar é como vivir dúas veces"


Cicerón

Xosé Manuel Beiras é unha das figuras políticas e intelectuais máis destacadas dos últimos 50 anos en Galicia. Referente ideolóxico para boa parte do nacionalismo e a esquerda deste país, o seu pensamento e a súa acción están detrás dalgunhas das iniciativas políticas e sociais máis dinámicas dos últimos anos, non só no territorio galego. Político, economista, profesor universitario, activista, músico, tradutor, viaxeiro, fotógrafo, ensaísta, conversador… Xosé Manuel Beiras é un e moitos.

E, con todo, estaba pendente abordar nun documental algo do que é, cal é a súa vida, cales son as súas vidas.

Hoxe Beiras está –relativamente- arredado da actividade pública. Pero mantén íntegra a súa paixón por comprender o mundo, por compartir a súa visión, por contrastala, por pensar o futuro, o presente, o pasado. Por iso, Beiras. Vivir2Veces non quere ser un filme sobre Beiras, senón un filme CON Beiras.

Con el, repasamos a súa traxectoria seguindo dúas pistas: dunha banda, os lugares que mellor o identifican; e doutra, as imaxes máis emblemáticas dun percorrido vital de oito décadas. Ese repaso da experiencia trénzase cunha das actividades predilectas do noso protagonista: a conversa.Ninguén, e menos Beiras, vive illado. Buscamos o encontro con algunha da xente coa que mellor falar das cuestións que máis o incumben, desde a arte ao territorio, desde a política á casa.

Beiras. Vivir2Veces ten, naturalmente, dúas vidas. Dunha banda, a dunha longametraxe documental que fará o seu percorrido por festivais, salas, plataformas, televisións... Doutra, a dun webdoc, un espazo online onde sexas ti quen seleccione o material, onde poidas acceder ás charlas íntegras, ás reflexións sen cortes, onde debullar con calma na procura dos detalles.

Procuramos construír un espazo público de consulta online que permita a cada espectador elaborar a súa propia imaxe crítica sobre canto se reflexiona no proxecto, obter datos específicos de cada tema, gozar ao seu ritmo por este camiño cheo de historias.

A cada unha das vantaxes, beneficios ou obras que podes adquirir sendo mecenas dun proxecto de crowdfunding chamámolas recompensas. Segundo os teus intereses e a túa achega podes acceder a todas as que che propoñemos a continuación

Beiras. Vivir2Veces é a primeira longametraxe de OlloVivo, unha produtora audiovisual constituída por Pepe Coira, Jorge Coira e Gaspar Broullón, tres profesionais independentes que buscaron un espazo onde desenvolver xuntos proxectos que, por algunha razón, se saísen do seu traballo habitual en cinema e televisión. OlloVivo é un lugar de encontro desde o cal Jorge, Gaspar e Pepe procuran unha ollada propia, comprometida cunha historia e cuns personaxes. Beiras. Vivir2Veces é, ademais, un proxecto codirixido por Gaspar, Pepe e Jorge, un traballo colectivo para construír unha historia libre e necesaria.

Guionista e produtor executivo de longa traxectoria e recoñecemento, no campo da ficción participou en series como Vidago Palace, Luci, Grand Nord, Hispania, As Leis de Celavella ou Mareas Vivas. Dirixiu a longametraxe documental A Seara, así como o desenvolvemento de numerosos proxectos documentais e televisivos como Cos pes na terra, A viaxe de Leslie, Eloxio da Distancia ou Hai que mollarse. Actualmente é produtor executivo e creador da serie Hierro para Movistar+

Dirixiu 2 longametraxes de ficción, O Ano da Carracha e 18 Comidas, coa que colleitou numerosos premios internacionais. En televisión leva dirixido multitude de series tanto para TVG (Terras de Miranda, As leis de Celavella, Padre Casares, Luci) como para cadeas españolas (El Comisario, RIS, Pelotas ou Sé quién eres). Tamén dirixiu os documentais Torre de Breoghán, ¿Qué culpa tiene el tomate? ou Días de reparto. Gañador do Goya á mellor montaxe por O Descoñecido, actualmente está a dirixir a serie Hierro para Movistar+

Vén de producir a súa primeira longametraxe documental, Esquece Monelos, o documental galego máis galardoado dos últimos anos. No campo televisivo destaca na realización de formatos de realidade (Deportes Imposibles – para a cadea A&E- Buscando Ardebullo, ÉcheAsí, TocToc, ou De quen ves sendo? – para TVG) e na montaxe de documentais e programas de televisión

En OlloVivo estamos tamén encantados de presentarvos a outros grandes profesionais que son fundamentais para este proxecto.

Vivir2Veces xorde das conversas co guionista, produtor e promotor cultural Fernando Rodríguez para achegármonos xuntos á figura de Beiras. Súa é a idea orixinal desta viaxe. Fernando ten publicado media ducia de libros entre os que destacan A Mala Idea, Miradas Ausencias e El tiempo todo, locura. No terreo documental ten producido obras como Patifas, Seis Estrelas ou Voluntarios no Camiño.

Un dos directores de fotografía máis destacados do audiovisual galego na actualidade. Responsable, entre outras, da imaxe da longametraxe Esquece Monelos, que lle valeu o seu primeiro premio Mestre Mateo da Academia Galega do Audiovisual, Jaime compaxina o seu traballo como responsable de fotografía en publicidade, documental e ficción co manexo de steadycam en todo tipo de producións para cinema e televisión.

Os fondos obtidos co crowdfunding irán destinados integramente á produción da longametraxe documental e das recompensas para os mecenas. Desde o primeiro día pensamos que a mellor vía de financiamento deste proxecto era o micromecenado. Queríamos unha película feita por e para cidadáns a quen, coma a nós, lles resultaría demasiado estraño que un documental como Beiras. Vivir2Veces non se realizase. Rodaremos esta película sen outro apoio financeiro que a achega de quen decida participar neste mecenado e completaremos o orzamento coa nosa propia achega laboral e creativa.

O obxectivo mínimo para poder sacar adiante este proxecto eran 10.000 euros que acadamos en menos dun mes coa colaboración de máis de 200 mecenas. Decidimos entón ampliar a 12.500 euros co obxectivo de mellorar os medios e os tempos da longametraxe e o webdoc, dando un pequeno salto de calidade que nos permita contar mellor esta historia. O gasto repártese nas seguintes partidas:

FAQ

There are none published yet.

Do you have any other queries or questions?

Ask the author

18 comments

If you are already a sponsor, please Log in to comment.

  • Fernando Tenreiro

    Fernando Tenreiro

    over 5 years

    Éxitos a todo o equipo neste necesario documental. Saúdos!

  • Concha do Jas

    Concha do Jas

    over 5 years

    Os mellores desexos para este proxecto necesario e xusto! Forza e éxito!

  • Concha do Jas

    Concha do Jas

    over 5 years

    Os mellores desexos para este proxecto necesario e xusto! Forza e éxito!

  • Concha do Jas

    Concha do Jas

    over 5 years

    Os mellores desexos para este proxecto necesario e xusto! Forza e éxito!

  • Concha do Jas

    Concha do Jas

    over 5 years

    Os mellores desexos para este proxecto necesario e xusto! Forza e éxito!

  • Antonio González Rodríguez

    Antonio González Rodríguez

    over 5 years

    É unha obriga. Este pais necesita saber a súa esencia

  • Antonio González Rodríguez

    Antonio González Rodríguez

    over 5 years

    É unha obriga. Este pais necesita saber a súa esencia

  • Oscar Sanchez Gracia

    Oscar Sanchez Gracia

    over 5 years

    Soy de Madrid e internacionalista, pero admiro a este político. Mucha suerte con el proyecto,

  • Valentí Acconcia

    Valentí Acconcia

    over 5 years

    ¡Felicidades equipo y a seguir a por todas!

  • Montserrat Recalde

    Montserrat Recalde

    over 5 years

    👏👏👏

#43 / Vivir2Veces no Courel

Ola, mecenas!

Unhas liñas para poñerte ao día de cómo vai correndo a produción do documental **Beiras.

Vivir2veces**, que andamos a facer grazas á túa colaboración. A montaxe avanza paseniña, pero

inexorable. Máis paseniña e menos inexorable do que nos gustaría, pero dedicando o tempo

que deixan as restantes angueiras e que esixe un material tan querido coma o que na rodaxe

fomos apañando.

A montaxe organizámola do seguinte xeito: vamos montando peza por peza os fragmentos que

se van reunir no documental. Eses fragmentos son cada unha das conversas e mais o repaso ás

imaxes e aos lugares escolmados por Xosé Manuel. Facémolo así para mellor xestionar a gran

cantidade de material rodado, e tamén porque, na versión non liñal que chegue a internet,

cada unha desas pezas vai estar dispoñible na súa integridade. Cando concluamos a montaxe

de todos os fragmentos será cando afrontemos o ensamblado final. E iso vai ocorrer, se non

hai novidade, cara a finais de ano.

read more

#42 / Beiras. Vivir2Veces no Festival de Cans

Este venres, día 24, ás 16:30, imos ter ocasión de compartir uns primeiros anacos desta viaxe que está a ser Beiras.Vivir2Veces.

Será no Festival de Cans, en Porriño, onde Jorge Coira participará na sección Fillos de Cans, adicada a que realizadores mostren avances dos proxectos nos que están traballando. E non estará só. O propio Xosé Manuel Beiras compartirá tamén cos asistentes a súa visión deste proceso.

Tedes toda a información na seguinte ligazón:

Festival de Cans: Fillos de Cans

#41 / Conversa con Méndez Ferrín

Unha conversa entre Beiras e Ferrín é historia viva de Galicia. Navegamos pola política e a sociedade da nosa terra da man de dous homes de ollada profunda e verbo intenso. Sen cancelas. Citámolos na beira do océano, no Museo do Mar de Galicia, en Vigo. E alí volvemos sentirnos privilexiados por ter propiciado este momento que xa gardamos para sempre.

#40 / Conversa con Manoel Santos

Esta viaxe con Beiras é un cruce de moitos camiños que queremos compartir con vós. Empezamos este ano indo ata Corrubedo para falar con Manoel Santos(@altermundo) biólogo e coordinador de mobilización de Greenpeace. Militante ecoloxista e altermundista, Manoel fundou a publicación Altermundo e foi un dos promotores do Foro Social Galego. Compartiu con Beiras os outros mundos posibles que agromaron nos Foros Sociais Mundiais e da súa man ollamos o futuro con todas as precaucións debidas. Altermundismo, ecoloxía, futuro en definitiva, ao longo de case dúas horas de conversa nas que ollamos cara adiante cos pés ben postos nesta terra que nos acolle de paso sen que lle prestemos moitas veces a atención que merece".

#39 / De volta

Ola, mecenas

Perdoade que nestes meses non vos contásemos de cómo ían as cousas coa produción do documental Beiras. Vivir2veces, que tan amablemente estades facendo posible. É unha das débedas que temos convosco. Así que aí vai unha pequena noticia do estado das cousas.

A rodaxe principal está rematada. Iso non quere dicir que, no transcurso da montaxe, que acabamos de iniciar, non se faga conveniente rodar algunha cousa máis. Pero o groso da gravación está feito.

Entre setembro de 2018 e febreiro de 2019 fomos sabendo dos lugares de Beiras –o mar, a casa, Santiago, París…-, vimos algunhas das súas imaxes máis queridas, e asistimos a apaixonantes conversas con xente amiga en torno á cultura, economía, esquerda, artes plásticas, militancia, futuro, ecoloxía, nacionalismo, música... Foi un privilexio e un pracer compartir un tempo con persoas tan cheas de vida.

Nas fotografías que nos vai deixando Clara Coiraread more

#38 / Álbum de viaxe #1

Hai meses xa que comezamos esta viaxe. Un tempo no que case non tivemos ocasión de parar para repasar tantos instantes vividos. E aínda non compartiramos convosco ningún destes momentos. Nos vindeiros días botamos a vista atrás para achegarvos as voltas deste camiño na ollada de Clara Coira. Empezamos pola primeira das conversas rodadas. Cinco amigos arredor dunha mesa. E sobre ela uns cafés, un viño de Porto e unha profunda reflexión sobre a cultura con Flor Maceiras, Luisa Martínez, Miguel Anxo Fernán Vello e Pepe Cáccamo.

#37 / Grazas

Esta fin de semana rematou o noso crowdfunding. Máis de 260 mecenas axudástesnos a poñer en marcha este proxecto necesario e ilusionante. O agradecemento é infinito. A nosa obriga con todos vós tamén. Temos por diante aínda un longo camiño para construir esta historia. E iremos contándovos como continúa a viaxe.

Nestes días iránsevos cargando as vosas aportacións polo medio que seleccionárades (tarxeta ou Paypal). Se tedes calquera dúbida ao respecto estaremos encantados de resolvérvola.

Tamén recibiredes un formulario para que completedes cos datos que desexades que figuren nos títulos de crédito do proxecto, e para que aqueles que a queirades, recibades a factura pola aportación feita. No caso dalgunha das recompensas tamén vos consultaremos sobre o deseño seleccionado.

Permanecemos á vosa disposición para o que queirades.

De corazón, GRAZAS.

#36 / Últimas horas!

E chegou o último día. Case dá vertixe mirar atrás. Máis de 250 mecenas e xa perdemos a conta das mensaxes de ánimo e mostras de apoio. Nunhas horas pechamos unha porta para abrir outra. Coa vosa axuda e na vosa compañía descubriremos o que hai tras dela

#35 / 3 días

3 últimos días de campaña. Quedan preto de 1.000 euros para acadar o segundo obxectivo (12.500) co que poder ampliar os contidos e medios do proxecto. Pero o que é máis importante, quedan 3 días para que ninguén quede fóra desta historia

#34 / O diario de Pepe #Día4

A só 4 días de rematar a campaña Pepe Coira fainos chegar a cuarta entrega do seu diario desta viaxe. Nela fala das conversas, un dos grandes motores deste proxecto (e das nosas vidas). Cada unha das vosas aportacións axudaranos a contar con máis conversas e máis tempo adicado a elas. Quédannos catro días para seguir sumando minutos.

#32 / Nova recompensa

Se chegamos ao segundo obxectivo nos días que quedan queriamos ter cos nosos mecenas algún detalle por pequeno que fose. E aínda que o propósito non é outro que ampliar os contidos do proxecto, de melloralo en todo o posible, queriamos engadir na recompensa un pequeno cariño. Este marcapáxinas incluirase en todas as recompensas que conteñan DVD (que son case todas) se acadamos o novo obxectivo. É cousa cativa, ben sabemos. Pero nela vai todo o noso afecto e agradecemento.

#31 / Novo obxectivo

A pouco máis dunha semana de que remate a campaña seguimos a propoñervos novos retos. Contamos xa co mínimo necesario para sacar adiante o proxecto pero subimos o obxectivo final co propósito de mellorar os medios e o tempo da produción. Chegar a 12.500 euros permitiríanos ampliar os materiais do filme e o webdoc. E estamos convencidos de que paga a pena tentalo.

#30 / Día de Galicia

Hoxe é unha data especial. O 25 de xullo é moito día. Moitas veces tennos collido, coma hoxe, traballando. Pero sempre é un orgullo poder facelo en historias que lle queden aos que sigan celebrando este día dentro de moitos anos. No Diario de Pontevedra contan da nosa viaxe, que será realidade grazas a vós e a todos os que aínda teñen uns días para achegarse.

Feliz día

#29 / 10.000 grazas!

Chegamos. 10.000 euros en menos dun mes. Coa axuda de máis de 210 mecenas que sodes xa patrocinadores dun documental que será realidade polo voso compromiso. Por iso queremos darvos as GRAZAS de todo corazón. Pero SEGUIMOS. E por iso vos convidamos a seguir participando e difundindo este proxecto que é posible pola vosa forza e o voso cariño. A campaña continúa aínda por uns días e cada euro recadado será empregado integramente en ampliar o tempo e os medios que adicaremos a contar esta historia como merece. Gracísimas!

P.S.: Estamos traballando nun pequeno detalle (un pequeno cariño) co que agradecervos a vosa colaboración. Nuns días contámosvos máis.

#28 / Abrimos portas e ventás

Tras esta porta da Reboraina temos conversado moito e filmado un pouco. Grazas ás vosas aportacións estamos moi preto de abrir máis portas que deixen entrar toda a luz que precisamos para contar esta historia.

#27 / Un reflexo

As imaxes están sempre cargadas de significados que non sempre percibimos nunha primeira ollada. E este fotograma, atopado máis que buscado, ilustra ben o que procuramos nesta viaxe. Descubrir a figura da que só coñecemos un reflexo.

#26 / O diario de Pepe #Día3

Pepe segue a repasar a viaxe. Hoxe cóntanos doutro dos eixos da historia e das vidas de todos nós: os lugares

*Outra entrega, a terceira, deste repaso aos elementos básicos cos que facer o documental Beiras.Vivir2Veces no que andamos. Xa falamos das imaxes. Falemos un chisco dos lugares.

Pensamos en que se pode trazar unha vida polos lugares nos que transcorre, polos territorios –grandes ou pequenos- que sentimos propios. Poden ser o escenario de longos episodios vitais ou de momentos breves, pero decisivos. Nós temos moito deles, e eles teñen algo de nós.

Con Beiras imos percorrer, física ou mentalmente, algúns dos seus lugares máis propios. Falamos de Compostela, claro; ou de París, de Vigo… A lista aínda non está pechada. É un dos traballos que temos pendentes.

Pero xa hai un exemplo –no vídeo que tedes a continuación- do que un lugar pode ser para… read more

#25 / 200 grazas!

200 persoas e colectivos téñense convertido en mecenas deste proxecto. 200 agradecementos sentidos polo importante de cada un destes apoios. Quedan 15 días para seguir sumando forzas e medios cos que poder contar esta historia. E seguiremos ata o final para que ninguén quede fóra. Grazas a todos e cada un de vós polo soporte, a difusión e o cariño. Continuamos.

#24 / Entre bambalinas do crowdfunding

Hoxe Vanacco, o noso consultor en crowdfunding, destácanos como campaña da semana e cóntavos como estamos a construír este proxecto. Se queredes saber máis do que hai detrás do proceso botádelle un ollo ao vídeo. Cada día estamos máis preto de conseguilo coa vosa axuda. Pero aínda queda moito por facer.

#23 / Cinefórum e obradoiro

Os filmes fanse para que a xente os vexa. E nós queremos que este proxecto viaxe, porque tan necesario é facelo como difundilo. Por iso nos ofrecemos a levalo onde consideredes. A acompañalo promovendo o debate e a reflexión aló onde vaiamos. Pareceunos moi acaído propoñer entre as recompensas un cinefórum, con espazo para compartir as experiencias deste equipo e o proceso de construción deste filme do que xa formades parte. E mesmo un obradoiro no que poñer nas vosas mans a nosa experiencia neste terreo para asesorarvos en como afrontar proxectos documentais que vos dean ferramentas para seguir construíndo de forma colectiva e independente a nosa memoria. Se pensades que estas propostas lle poden interesar a alguén non deixedes de dicirllo. Nós estaremos encantados de resolver calquera dúbida e acudir onde nos chamedes.

#22 / Crónica en Onda Cero

Onte o informativo de Onda Cero en Galicia pechábase cunha crónica de Eva Míguez sobre a nosa viaxe (a partir do minuto 8). Cada entrevista permítenos reflexionar sobre o importante que é facer este proxecto desde moitos puntos de vista. Na conversa con Eva, xornalista nova e inqueda, reparamos na importancia deste legado para a mocidade, para os que veñen detrás, para os rapaces e rapazas que precisan ferramentas coas que entender e transformar este mundo e esta sociedade que xa lles pertencen. Tamén por eles. Tamén por elas

#21 / Destacados por Verkami

Nestes días Verkami decidiu destacarnos entre os centos de proxectos que actualmente se desenvolven na plataforma. Non eramos grandes coñecedores do micromecenado antes de empezar esta viaxe, pero estamos convencidos de que é a súa forma natural. Todos e cada un de vós, coas vosas aportacións e a vosa difusión, estades a construír a memoria dun tempo.

Grazas!

#20 / Na metade do camiño

Hai xa 20 días que iniciamos esta campaña. E restan outros tantos para acadar o obxectivo de financiar esta historia. Desde a metade do camiño semella moito o andado. Pero aínda é moito o que temos por facer para que ninguén quede fóra deste equipo e desta viaxe.

#19 / Artigo de hoxe no Diario Público

Juan Oliver publica na sección de cultura do xornal un repaso pormenorizado do proxecto e da figura de Beiras. Aquí vos deixamos o artigo que cremos axuda a entender e transmitir a importancia da historia que temos entre mans.

#18 / Beiras.Vivir2Veces - Os directores

Pepe Coira, Jorge Coira e Gaspar Broullón son os directores de Beiras.Vivir2Veces. Hai un tempo decidiron reunirse en OlloVivo para traballar xuntos en proxectos tan apaixonantes coma este. E están profundamente agradecidos de poder facelo con cada un de vós.

#15 / Difundide

Imos a pola terceira semana. E queremos convidarvos a ser voceir@s desta iniciativa. Faládelle do proxecto á vosa xente. Axudádenos a chegar a todo o mundo. Que non falte ninguén. Porque tod@s somos necesari@s para contar esta historia como merece.

#12 / Beiras.Vivir... entre árbores

Un café. Unha conversa. Unha paixón... Sempre hai unha paixón agromando en reflexións que semellan dirixirse por camiños dos que só el coñece o destino. Este foi un dos primeiros cafés. Unha das primeiras inmersións neste espazo íntimo que queremos descubrir convosco.

#11 / O diario de Pepe #Día2

Pepe Coira segue a repasar a nosa viaxe no seu diario. Hoxe cóntavos da fotografía, como materia e como experiencia

*Segunda entrega. Xa dixen que o documental Beiras. Vivir2Veces é a mestura de tres elementos: imaxes, lugares e amigos. Un deles, o máis sinxelo de rodar, xa está feito. Xa gravamos con Beiras a parte na que el repasa para nós pouco máis dunha ducia de imaxes significativas da súa vida. A escena que se ve no teaser do documental, na que fala do seu ollar no retrato de bebé, corresponde a ese momento.

Para nós era importante que fose el quen escollese as imaxes, polo que iso ten de revelador. E era tamén importante que fosen poucas, porque iso fai máis valiosa a escolla. Unha ducia, lle pedimos. Ao final, foi algunha máis, que tampouco se trata de ser ríxidos. O día que chegamos a rodar tiña as imaxes sobre un sofá, preparadas nun atado.

read more

#10 / Entrevista no Faro de Vigo

O legado de Beiras está nas mans da xente. Na medida en que os cidadáns consideren que isto é importante e decidan participar, a súa historia será ou non será.

Deixámosvos ligazón ao artigo no que Gaspar Broullón reflexiona coa xornalista Patricia Pedrido sobre a importancia histórica de cada unha das vosas aportacións.

#09 / O diario de Pepe #Día1

Pepe Coira repasará nas vindeiras semanas o que estamos a descubrir nesta viaxe. E como bo narrador decidiu empezar polo primeiro día. E polo que supón un crowdfunding desde este lado da barreira.

*O micromecenado é unha vía para financiar proxectos que ten as súas vantaxes e os seus inconvenientes. Todas as maneiras de financiar os teñen, claro, pero as do micromecenado son algo particulares. Desde "La matanza caníbal de los garrulos lisérgicos", levo bastantes experiencias –magníficas e non tanto- como micromecenas. Agora, o proxecto documental Beiras.Vivir2Veces ponme por primeira vez, como socio de Jorge e Gaspar, no lugar do promotor do proxecto. E desde aí vese algo diferente.

Do micromecenado hai dúas cousas que me gustan moito. Unha é que favorece a independencia no traballo de produción. A outra é que apela a algo que adoita pasar inadvertido: a… read more

#08 / 30% na primeira semana

Cúmprense os primeiros 7 días de campaña e queremos agradecervos todas as mostras de apoio recibidas. Acadar os 10.000 euros que precisamos nos 40 días dos que dispoñemos pasaba, seguindo as estatísticas deste tipo de financiamento, por acadar 3.000 na primeira semana. E aí estamos.

Queda un camiño aínda moi longo por percorrer. Son moitas aínda as aportacións que precisamos para poder contar esta historia. Pero co voso apoio todo semella posible.

Grazas de corazón.

Seguimos!

#06 / O título

No tempo que levamos preparando esta historia temos conversado moito sobre o mellor xeito de reflexar o espírito do que queriamos contar. Temos falado moito co propio Beiras e con outra xente para empaparnos da esencia desta viaxe e neste camiño, aínda sen cámaras, temos descuberto moitas cousas.

Nunha desas conversas, Miguel Anxo Fernán Vello lembrou a Cicerón: pensar é como vivir dúas veces . Aí estaba. Iso é o que nos ofrece esta historia. Tempo para pensar, para fuxir dos tópicos e afondar na nosa historia e o noso presente valéndonos dunha vida que son moitas vidas.

#03 / Acuarelas - Deseño #1

Velaquí o primeiro deseño das acuarelas elaboradas por Serxio Suárez como recompensa para o proxecto. Trátase dunha edición limitada e numerada que nos parece unha auténtica xoia.

#02 / Pepe Coira no Diario Cultural

Deixámosvos ligazón coa entrevista que onte lle fixo Ana Romaní a Pepe Coira no Diario Cultural da Radio Galega. Os nosos motivos, a vosa importancia e o histórico do proxecto que construiremos entre todos.

A partir do 26'30"

#01 / Beiras.Vivir2Veces no Diario Cultural

Beiras.Vivir2Veces asoma ao Diario Cultural da Radio Galega

Hoxe a partir das 3 da tarde poderedes oir a Pepe Coira, un dos directores do proxecto, dando máis detalles da campaña e de todo o que temos por diante na sintonía da Radio Galega.

We use essential cookies to provide our service and third-party cookies to track the usage of the page. Cookie Policy