QUE QUEREMOS?
Queremos abrir para o próximo curso (2014-2015) a escola infantil Avoaescola Ferrolterra.
QUE É AVOAESCOLA FERROLTERRA?
É un espazo educativo en galego dedicado a nenos e nenas ata os tres anos. É unha cooperativa sen ánimo de lucro, que busca que a infancia teña contacto coa lingua galega.
COMO XORDE AVOAESCOLA FERROLTERRA?
Xorde a partir de Galiza co Galego, un grupo de persoas que entendemos que a escola é fundamental para a pervivencia cultural e de valores dun pobo e que cremos no futuro da lingua galega e nunha pedagoxía que parte da indagación e da investigación-acción, cunha metodoloxía activa, participativa e colaborativa, en busca da consecución da autonomía dos nenos/as, fomentando valores como a igualdade, a solidariedade, a empatía, o respecto, a coeducación, a tolerancia e o coidado do medio ambiente.
A QUE DESTINAREMOS O DIÑEIRO?
A pagar os gastos de alugueiro e mantemento do local.
CANDO SE ENTREGARÁN OS AGASALLOS?
Os agasallos irán entregándose a medida que avance a axuda, algúns faranse efectivos co compromiso (inclusión no web, información), outros cando se realice a apertura (festa, visita, diploma) e o resto antes de fin de ano.
**Ampliación do agasallo:
No caso de que o nº 37.127 da serie 1, fracción 1 resulte premiado co especial no sorteo da “loteria nacional” do 24 de maio recibirás o agasallo especial de 50 € por cada euro doado.
E si envias un correo co texto “apoio Avoaescola” a [email protected] serás obsequiado cun número de catro cifras, que no caso de coincidir coas catro últimas cifras do primeiro premio do sorteo da loteria nacional do 24 de maio, recibirás un agasallo valorado nuns 250 euros e unha peza de arte galega.**
Grazas!
4 comentaris
Si ja ets mecenes, Inicia sessió per comentar.
Galiza co Galego
Autor/a
Grazas, faremos todo o posíbel.
eu
Noraboa polo proxecto e as achegas do obxectivo dos 3000euros. Esperemos que este ano e o próximo se xestionen mellor as cousas e se implique mais a xente!
Galiza co Galego
Autor/a
Avoaescola é unha cooperativa que está apoiada economicamente cos fondos e cotas das persoas socias da asociación Galiza co Galego. Estas entidades son sen ánimo de lucro, sociais e populares, que teñen o fin de promover e facer efectivo o ensino en galego, en valores, laico, inclusivo , democrático e pluralista, con especial atención á infancia, conforme figura nos seus estatutos.
O formulario para formar parte de Galiza co Galego / Avoaescola, esta no web: www.galizacogalego.com. Neste espazo está toda a información.
Para optar a traballar na escola, hai que ser socio/a da cooperativa, estando neste momento aberto o prazo para a selección de persoas educadoras. A información necesaria consultase na dirección web www.avoaescola.com e seu enlace directo é: http://galizacogalegoavoescola.blogspot.com.es/p/blog-page_3681.html.
Para calquera aclaración e contacto: [email protected].
vanesa
Como poderia formar parte do proxecto???? Para traballar me refiro