PARCA_Pensament, Art, Rituals, Cos i Absència

El festival PARCA propón una fonda reflexón sobre la muerte, non como un final, sinón como una oportunidá pa comprender meyor la vida. A través de les artes, exploraremos les ausencies que nos definen y nos coneuten, y vamos poner especial énfasis en reflexonar sobre la muerte, l’ausencia y los duelos dende’l cuerpu, la voz, los rituales, el movimientu y el soníu. PARCA va ser un espaciu onde vamos coneutar cola nuesa mortalidá, tanto individual como colectiva, y onde les artes van ufiertar una plataforma pa tratar la muerte dende un enfoque creativu y tresformador.

PARCA va celebrase’l fin de selmana del 31 d’ochobre y el 1 de payares de 2025, coincidiendo cola Castanyada y Tolos Santos, un momentu bien significativu na nuesa sociedá pa reflexonar sobre la muerte, en dellos llugares d’Ulldecona y na Ermita de la Pietat. A lo llargo d’un día y mediu (vienres pela tarde y tol sábadu), PARCA va ser un espaciu d’alcuentru creativu al traviés de les artes plástiques, sonores, visuales, performatives, musicales y lliteraries. Too esto va facese al traviés de charres y espacios de diálogu, actuaciones, conciertos y un espaciu espositivu, ente otros. PARCA va ser tamién una revista/fanzine que vamos presentar pela mañana del sábadu 1 de payares, y na que vamos contar cola participación de distintes artistes y escritores.