Na noite do 25 de agosto de 1975, os sindicalistas José Luis Muruzábal Arlegui e Miguel Domínguez Bolaños subiron á cheminea da central térmica das Pontes, remantado a súa construcción, en protesta polo estancamento do conflito que afectaba os traballadores das empresas auxiliares tras o despedimento de 1.250 persoas.
A prensa, na súa edición do día 27, recollía a situación coa seguinte análise: «A actividade laboral está paralizada, négase a apertura dunha negociación ou a resposta á plataforma reivindicativa que lles foi presentada e posteriormente considerada ilegal; hai silencio sobre o futuro dos despedidos e un ambiente tenso entre os traballadores».
José Luis Muruzábal, militante do Partido do Traballo e membro das Comisións Obreiras na clandestinidade, viaxara desde Navarra a Galicia para apoiar a loita obreira.
A protesta tamén expresaba solidariedade cos 3.500 folguistas que reclamaban mellores condicións laborais e máis seguridade, tras a morte de 26 operarios durante a construción da central.
A acción prolongouse durante 36 horas, durante as cales fixeron sinais aos xornalistas que cubrían o suceso. Ao descender, foron detidos, soltados e posteriormente arrestados de novo en Ferrol, sendo sancionados cunha multa de 100.000 pesetas.
Ao declararse insolventes, cumpriron un mes de cárcere. O obxectivo que pretendían era servir de chivo expiatorio, salvando o resto dos miles de compañeiros folguistas e acadar así as reivindicacións.
Símbolo da loita obreira
Esta protesta converteuse nun símbolo da loita obreira contra a represión franquista e a precariedade laboral da época.
A piques de cumprirse 50 anos desta acción, a Plataforma en Defensa do Patrimonio Industrial das Pontes quere lembrar esta protesta, que permanece na memoria colectiva dos veciños como un símbolo da loita obreira, e reivindicar a importancia sociocultural da cheminea mediante a creación dun mural artístico.
O autor do mural
A obra será realizada por Yoseba Muruzábal (Yoseba MP), un dos expoñentes da pintura galega contemporánea e fillo dun dos protagonistas da acción.
O autor do mural, Yoseba MP, recoñece a forte carga simbólica deste proxecto, polo que non cobrará, e impulsarase unha campaña de crowdfunding para financiar os custos dos materiais e da manutención. A grúa será aportada polo Concello das Pontes.
Execución do mural
A execución do mural está prevista para a segunda quincena de abril, na rotonda da Rúa Sergio Rivera Cao coa Avenida de Galicia, no pobo das Pontes. A súa inauguración celebrarase cun acto especial o SÁBADO 10 DE MAIO no CINE ALOVI, coa participación de varios protagonistas da acción.
10 comentarios
Si xa eres mecenas, iniciar sesión para comentar.
Miño Guerreiro
"Amigos de Navarra" que han aportado cien euros cada uno. J.M. Sarasibar, Lourdes Zabaleta, J. M. Compains, Esther Compains, Ioseba Compains, Eneko Compains, Ana Recalde, Pablo Ibáñez, César Osanz, Patxi Urrutia, Ramón Urtasun, J A. Solano, Germán Eslava, Luis Rodrigo, Máximo Martinez, J.F. Landa.
mayerra
Zorionak por el proyecto, y por la memoria de las personas, que contribuyeron, como tú padre, a logros de la clase trabajadora.
Paco Sebio
Luis Muruzábal un militante obreiro, que honrou ao sindicalismo de clase.
José Manuel Pazos Riveiro
Para memoria de todas e todos os que deixaron vidas e afáns a prol de gacer un mundo máis solidario
Daniel Cando Cando
Sempre coa memória de Muru e da loita obreira!
Xan da Torre
En apoyo de la memoria. Manuela.
Xan da Torre
Alí estivemos apoiando na base.
Xan da Torre
Alí estivemos recolzando na base.
cibernia
Noraboa pola iniciativa 👏👏👏
Juan_BD
Vamos!!