Afeminadas

Afeminadas é un fashion film de 10 minutos que rompe os moldes sobre a expresión da feminidade das personas queer e das mulleres. Unha historia que lle dará un bo susto á heteronormatividade!

As tres scream queens protagonistas desta historia sáense do establecido, expresan a sua feminidade enfrontándose aos prexuízos e expectativas que intentan encorsetalas. Como boas defensoras da pluma e o glitter, a súa rebelión desencadea un conflito que as levará a enfrontarse a ataques inesperados.

Por suposto, a estética é clave. Elementos como a escenografía, maquillaxe e vestiario crean unha atmosfera única e perturbadora e impulsan a historia cara diante.

Inspirado nos grandes clásicos do cine de terror dos 70 e cun toque surrealista que deixarían a Kenneth Anger coa perruca no chan, Afeminadas é unha festa visual de ritmo, teatralidade, expresión corporal e hedonismo que vai sacudir as túas bragas. Prepárate para unha experiencia sensorial que che deixará pedindo bis, cariño!

Ligazón de visionado: Terás acceso exclusivo ao filme para que poidas desfrutar de Afeminadas desde a comodidade do teu sofá.

Agradecemento en créditos: O teu nome aparecerá nos créditos finais, recoñecendo o teu apoio esencial para facer este proxecto realidade.

Crédito de "mecenas": Non só estarás nos créditos, senón que tamén serás destacada como unha mecenas, subliñando o teu papel vital na nosa produción.

Playlist Spotify: Unha colección de cancións seleccionadas especialmente para acompañar a estética e a atmosfera de Afeminadas. Ideal para escoitar mentres te preparas para unha noite de glamour.

Pegatinas: Personaliza o teu espazo coas pegatinas cos deseños orixinais de Afeminadas.

Póster: Un póster exclusivo que reflicte a esencia da peza.

Dossier do proxecto: Un documento detallado que inclúe insights, bocetos e o proceso creativo detrás de Afeminadas. Perfecto para amantes do cine e do deseño.

Fotos exclusivas da rodaxe: Descubre os momentos máis íntimos e máxicos do set de rodaxe con estas fotos exclusivas que non verás en ningún outro lugar.

Ligazón á Banda Sonora Orixinal: Accede á música que dá vida e intensidade a cada escena de Afeminadas.

Tanga co deseño orixinal de Afeminadas: Unha prenda única e atrevida que che permitirá levar unha parte do filme contigo, literalmente!

Bby Tee co deseño orixinal de Afeminadas: Unha camiseta estilosa e cómoda, perfecta para mostrar o teu apoio ao proxecto con orgullo.

Anel de Tarti Tailored para lucir como unha estrella da talla das nosas protagonistas.

Catuxa Prieto

Estudante de último curso de Comunicación Audiovisual pola Universidade de Compostela e do Ciclo Superior de Produción Audiovisual e de Espectáculos pola Escola de Imaxe e Son de A Coruña (2º ano).

Con experiencia en produción en eventos como O Son do Camiño, Atlantic Fest, Gozo Fest, e concertos de artistas como Guns & Roses e Black Eyed Peas. Especializada en produción, participei no I Foro da Industria Galega do Audiovisual e nos premios Mestre Mateo. Tamén fun auxiliar de produción na CRTVG en programas especiais e no Luar, entre outros.

Participei en varios proxectos audiovisuais e de fotografía, como o videoclip "Fotos" (Bruno Arias, 2023) da artista Andi como script, a serie de videos "Musicalízate coa OUSC" (2020) como editora de video, ou a sesión fotográfica da colección de moda "Trashy Kitties" (Carlos Barva, 2023) como maquilladora.

Carlos Barba

Estudante de último curso de Comunicación Audiovisual na Universidade de Santiago de Compostela e graduado en Deseño de Moda por Pin Factory en Vigo.

Desde 2023, especialiceime no departamento de vestiario a través de diferentes proxectos audiovisuais, como xefe no videoclip "Fotos" (Bruno Arias, 2023) da artista Andi, codirixindo para o videoclip "Morena" (Alba Domínguez, 2023) do grupo musical De Ninghures e como axudante nas curtametraxes "La Casa De La Abuela" (Ashling Docampo, 2023) e "Boca De Asno" (Carlos Calvar, 2024).

Entre 2022 e 2023 creo a colección de moda "SWISHY" baixo o eido da escola Pin Factory (Vigo). En 2024, unha editorial da revista "Moevir Paris Magazine" emprega algunha das pezas para unha sesión fotográfica. Así mesmo, asumo a dirección creativa e o estilismo da sesión de moda "Trashy Kitties" (Carlos Barba, 2023).

Queremos coidar á nosa maravillosa equipa, así que destinaremos o recaudado ca vosa axuda a cubrir os gastos de desprazamentos e dietas durante a rodaxe. Porque mesmo as reinas necesitan combustible!

• Rodaxe: 23, 24, 28 e 29 de Maio

• Posprodución: Xuño - Setembro

• Produción recompensas: Finais Xuño - Agosto

• Entrega recompensas: Agosto - Setembro

Afeminadas non é só un fashion film, é unha declaración de intencións. Unha oportunidade para explorar a beleza da diversidade e abrazar a nosa feminidade. Un berro de liberdade e creatividade que necesita ser escoitado.

Se buscas unha historia que rompa moldes e unha estética que che deixe sen alento, únete a nós nesta celebración da feminidade disidente e axúdanos a levar Afeminadas á realidade!

Podes seguirnos en Instagram para estar atenta aos cotilleos de Afeminadas: @afeminadas.ffilm