Nó-las dúas

Nó-las dúas: O proxecto

Nó-las dúas é unha correspondencia fílmica a través da cal dúas amigas conversan sobre o paso do tempo, a beleza e a memoria. Unha curtametraxe sobre as vivencias de dúas universitarias en Santiago de Compostela, que pretende destacar os parques e zonas verdes da cidade coa súa imaxe visual.

Sobre as recompensas

Dada a importancia da escritura e a fotografía no noso proxecto, preparamos para vós as seguintes recompensas:

Unha carta de agradecemento e invitación a estrea da curtametraxe que terá lugar na primeira semana de xuño na Facultade de Ciencias da Comunicación da USC.

Uns adhesivos co logo de Nó-las dúas para que poñas na túa libreta, no portátil...

Unhas postais e uns marcapáxinas deseñados a partir de fotografías feitas por nós mesmas.

E tamén poderás recibir o póster oficial do proxecto deseñado por nós!

Se queres participar neste proxecto só tes que darlle ao botón de aportar da dereita e seleccionar o pack que máis che guste.

Unha vez te rexistres a través da túa conta de Google ou Facebook, Verkami solicitará os teus datos bancarios e de contacto.

Non te preocupes, porque Verkami non realizará ningún tipo de cargo na túa tarxeta ata que a campaña finalice.

Animámoste a que aportes e apoies o noso proxecto!

Quen somos

Somos Iria e Candela, dúas estudantes de Comunicación Audiovisual apaixoadas polo mundo do cinema. Traballamos xuntas en varias rodaxes, como na da curtametraxe A despedida para o Fas Muvis do OUFF.

Ademais, temos experiencia traballando na televisión e en produtoras de cine de Galicia.

Nó-las dúas é o noso Traballo de Fin de Grao e por iso precisamos da túa axuda para facelo realidade!

A que destinaremos as vosas achegas

Unha parte do presuposto estará destinado á adquisición do material necesario para levar a cabo a exposición de fotografía sostible.

Tamén empregaremos o diñeiro para asumir os gastos de soportes de almacenamento de arquivos para a posprodución e a promoción e difusión da obra en diferentes cirucuitos culturais, como por exemplo festivais.

Calendario previsto

A posprodución e desenvolvemento da exposición de foto terá lugar durante os meses de maio e xuño.

Prepararemos as vosas recompensas e as recibiredes no mes de XULLO!

+ Info

Podedes seguirnos no noso Instagram @no.las.duas e no noso perfil de TikTok no.las.duas para coñecer máis o proxecto e as súas novidades!

Ademais, podedes aproveitar e comentarnos calquera dúbida que vos xurda respecto ao Verkami!