Saji disko berriaren proiektua aurrera eramateko laguntza

Entzun lasai gure lehen kanta!!

Zuen lagutzari esker proiektu honi bultzada ezinbestekoa ematen diozue, gure lan berri hau estudio profesional batean grabatzeko aukera eta esagutzera eramatea da gure nahia.

Zuen ekarpenak

Zuen ekarpenek sariak dituzte eta modu desberdinetan lortzeko aukera daukazue, diskoa, formatu digitalean , baita fisikoan ere, CD formatuan, eta kamixetak ere aterako dira.

Sari bereziak eta abantailak

Oraindik diseinurik gabe daude diskoaren azala eta kamixetena ere, hori bai, ekarpenak egiten duzuenoi erakutsiko zaizue lehendabizi.

Cd eta kamixetak kanpaina bukatu eta 1-3 hilabetera (ekoizpenak irauten duen arabera) helduko zaizkizue etxera baina disko digitala PRIMIZIAN!! jaitsi ahal izango duzue kanpaina bukatutakoan, sare sozialetan agertu baino lehen.

Baita ekarpenak egiten duzuen denon izenak Cd-ko eskerretan agertuko zarete.

Zertara bideratuko da dirua

Zuen laguntzaz, diskoaren grabaketa, masterizazioa, portadaren diseinua, Cd eta kamixeten ekoipena egiteko erabiliko da eta ez bakarrik hau, zuen laguntzaz gure proiektuari bultzada ezinbestekoa emango diozue bai orain eta bai hurrengo pausoetan ere, ilusioz eta hobetzen segi dezagun.

SAJI taldea

Bakarkako proiektu batetik hasitako taldea da Saji, 2008-an grabatu genuen gure lehen lana, beste taldekide batzuekin, disko akustikoagoa behar bada. Urte batzu pasa ondoren geldirik, kanta akustiko intimo batzutatik hasi eta gutxinaka eta mimo handiz osatuak izan dira azken bi hiru urte hauetan. Kantak biluztasun horretatik aldendu eta beste instrumentu batzuekin aberastea eskatzen zuten, hortaz pianoa sartzeko aukera eduki eta bere emaitza bikaina ikusita bateria eta baxua sartzea erabaki genuen, abesti bakoitzak eskatzen zuen bezala. 2021 inguruan taldea bezala batu eta kontzertu batzuk eskaini genituen eta baita kanta berriak egin ere, pop musika eta rock ikutu batzuekin, bakarkako kantu akustiko eta intimoekin uztartuz.

Nortzuk gara

Iker "Saji" gitarra eta ahotsak, Amaia pianoa, Joni bateria eta Paulo baxua.

"Amuak"

Amuak deituko da gure lan berria, 7 abestiz osatutako disko anitza da, bertan pop, rock eta doinu akustikoak sartu ditugu, ez da itsasoaz eta inguruko gaietaz arituko den disko bat, egoera sozial eta intimoeri buruz hitz egiten da orokorrean.

Kolaborazioak ere sartu ditugu kantuei bere berezitasun puntua emateko, Gaizka Fernandezek ahotsak sartu ditu, Iker Jimenezek biola eta Eider Saezek ahotsak. Ederra fenomeno kuadrilla...Eskerrik asko benetan!

AME estudioan grabatu eta ekoiztu da Axular teknikariarekin batera eta Paxkal Etxeparek masterizatu ditu.

Lan bikaina!

Beste barik, ESKERRIK ASKO HANDI BAT parte hartzen dozuen danori !!

Info +

• Instagram