Festival Internacional de la Gaita de Villaviciosa

¡NECESITAMOS LA TO AYUDA!

Esti añu queremos enllenar las cais de La Villa de música, cultura y gaita como nunca.

El festival tendrá llugar en Villaviciosa los díes 31 d'agostu, 1, 2, y 3 de setiembre de 2023.

Sofita de manera activa mercando una de les camisetes oficiales del festival, bolses, vasos, packs, etc., y tarás totalmente equipáu pa ser un auténticu festivaleru folkie.

Nel casu de les camisetes unviaremos un email con un cuestionariu para escoyer la talla. La recoyida física tendrá llugar nel puestu de la B.G.V., nel propiu festival.

Nun pierdas la oportunidá de tar a la última colos nuesos diseños oficiales del F.I.G. 2023 fechos pola diseñadora asturiana Nieves González @nieve_sita, al empar que mos eches un gabitu pa poder desendolcar el que yá ye ún de los festivales de folk más importantes d'Asturies.

Vas poder mercar camisetes, tote bags o'l pack completu del F.I.G., que inclúi la camiseta y la tote bag, amás d'una chapa, una cerveza del nuesu patrocinador oficial “La Cruz de Asturias”, un vasu del F.I.G. 2023 y una pegatina del festival.

El dineru recaudáu va emplegase íntegramente nel desarrollu del festival.

El festival cuntará con una programación cultural qu'inclúi conciertos, charres, esposiciones, nueche en danza, festival de bandes de gaites, nueche folk, "mercáu artesanu y ecolóxicu", alcuentru de luthiers, certame de tonada, concursu de gaiteros solistas... ¡y mucho más!

¿Quiénes somos y qué facemos?

Somos la Banda de Gaites Villaviciosa “El Gaitero”, entidá cultural con más de 35 años d'hestoria, convirtiéndonos esto na banda de gaites asturiana n'activu más antigua.

Llevamos los últimos 19 años desendolcando'l F.I.G. (Festival Internacional de la Gaita de Villaviciosa) gracies al enfotu de los integrantes de la banda gaites, l'ayuda del Ayuntamientu y el sofitu de los comerciantes hosteleros y llagareros del conceyu de Villaviciosa, siendo yá un eventu que la xente espera con ilusión añu tres añu, convirtiéndose nún de los principales referentes turísticos del conceyo en branu y ganando pesu pocu a pocu nel panorama de los festivales folk y intercélticos del norte la península.

¿Por qué una campaña de Crowdfunding?

Dempués de dos años de formatu reducíu poles restricciones derivaes del covid-19, esti añu queremos volver al formatu “grande” del festival, y volver a enllenar las cais de La Villa de música, gaita y cultura.

Dende'l Festival Internacional de la Gaita de Villaviciosa llanzamos esti crowdfunding porque tamos buscando nuevos sofitos pa la so financiación.

Dempués de tener de realizar el festival en formatu reducíu estos últimos años de pandemia, alcontrámonos con unes ganes pergrandes de que'l festival vuelva al so formatu orixinal, pero desgraciadamente tamién mos alcontramos con un gran incrementu nos precios en xeneral, lo que mos ta dificultando'l poder llevar a cabu'l festival tal y como lu teníemos plantegáu esti añu.

Dempués de pensar en varies opciones, animaos pola buena acoyida de la edición pasada y, amás, queriendo caltener l'espíritu divulgador y gratuitu d'esti, decidímonos a buscar nueves fontes de financiación y apoyu pa poder siguir trayendo cultura al conceyu de Villaviciosa. El festival ta pensáu como un escenariu nel que se pueda esparder tol universu cultural que xira alredor del nuesu instrumentu estrella, totem y seña carauterística de la nuesa rexón, la gaita, coneutor de diverses cultures d'Europa y siempres presente na nuesa hestoria y cultura.

Nestos últimos años incluyimos nel festival cualesquier creación, espresión artística o cultural que tuviera rellación con esti instrumentu: artesanos, músicos nacionales y internacionales de primera llinia, presentación de llibros, concursos, charres divulgatives, charres hestóriques, presentación d'estudios, tonada, festival de la sidra, bandes de gaites de dientro y fuera la península, nueche en danza, baille y clases de baille de diferentes rexones europees, asina como asturianes, luthiers, artesanos del traxe’l país… Tou un mundu de cultura que tien como elementu coneutor la gaita.