Novo álbum de Iago Fernández: "LUZADA"

"Luzada" é o cuarto álbum do baterista galego Iago Fernández na súa faceta de líder. As dez composicións, nove de Fernández e unha do seu "irmán musical" Xan Campos, conteñen numerosas fontes musicais de inspiración - do jazz a Radiohead e da música clásica á música popular galega e brasileira. "Luzada" é probablemente o traballo máis persoal do baterista residente en Suiza ata a data.

A inspiración emocional para escribir esta música está ligada ao meu proceso de cura interior. En 2019, comecei a procesar profundamente traumas da miña infancia en terapias e tamén a practicar ioga e meditación con regularidade. Iago Fernández

"Luzada" é un termo galego que significa "luz desprendida por un corpo, propia ou reflectida" e "a primeira luz do día, cando sae o sol". Fernández tamén escribiu dous poemas na sua lingua materna, o galego, que poden ser ouvidos no álbum: "Almas Viaxeiras" descrebe o desexo de proximidade física entre dúas almas conectadas que inevitablemente non se podían ver durante a pandemia. A outra obra chámase "Flor Esvelta”.

"Flor Esvelta" é sobre curación espiritual, crecemento e madurez dunha forma moi metafórica. Fala de persoas que coñecín ben, de min mesmo, e do sufrimento emocional da sociedade, pero cunha mensaxe de aceptación e optimismo. Iago Fernández

A decisión da formación da banda influenciou aínda máis o proceso de composición debido aos instrumentos e ao estilo único de todos os músicos participantes. A peza "Doces", por exemplo, comezou como unha melodía dodecafónica (doce notas) e foi inspirada polo saxofonista Mark Turner, que toca en "Luzada". O resto da formación é constituída por Joris Roelofs (clarinete baixo), David Virelles (piano), Ben Street (contrabaixo) e Iago Fernández (batería, voz, teclado, djembe). Tamén hai convidados selectos, nomeadamente Yumi Ito (v), Song Yi Jeon (v), Wilfried Wilde (g), Sam Barnett (s) e Kuba Dworak (b). O disco foi gravado no estudo do Jazzcampus en Basilea por Daniel Somaroo. Sam Barnett e Mário Barreiros foron responsables da mestura e da masterización respectivamente. "Luzada" será publicado polo coñecido selo "Fresh Sound Records”.

sobre as recompensas

15€: bolsa ou debuxo (impresión dixital)

18€: camisola

20€: CD

22€: lámina serigrafiada

30€: Vinilo (LP)

Sobre Iago Fernández

Iago Fernández é un batería e compositor de Cangas, Galicia, principalmente no ámbito do jazz. Desde os 18 anos actúa habitualmente en festivais e clubs de América, Asia e toda Europa, especialmente en Suíza, España e Portugal. Actuou con recoñecidos artistas como Avishai Cohen (trompeta), Perico Sambeat, Jesse van Ruller, Jorge Rossy e Steve Nelson, entre outros. Fernández tamén se pode escoitar en máis de 40 discos, catro deles como líder e compositor: "Agromando" (2011), "Acougo" (2015), "Brisa" (2016) e "Luzada" (2022). Outros proxectos actuais son Yumi Ito, WIZ, Ghost Beast e Xan Campos Trio.

Para que necesito o diñeiro

Para cubrir os costes de fabricación dos vinilos e a creación de varios vídeos.

Calendario estimado

Todas as recompensas estarán listas para enviar a partir do 2 de Xaneiro de 2023.

+ Info

web
Instagram
Facebook
YouTube