Volvemos en 6 minutos: el proyectu
'Volvemos en 6 minutos' ye un llibru n'asturianu innovador dafechu: pues colos spots que nos arrodien fai una obra poética qu'axunta tradición, cultura pop y una visión singular de la realidá dende un zapping televisivu.
El llibru, amás de tar entamáu d'esa manera conceptual, va poder lleese o escuchase, pues los poemes van dir en cada páxina con un códigu QR onde podrá escuchase al autor recitar les composiciones. Amás tol proyectu sofítase nes ilustraciones de la diseñadora gráfica Inés H. inspiraes nos poemes del autor. Poesía que se llee y siente, qu'entretién y emociona, que forma parte de la lliteratura pero tamién del mundu qu'habitamos: poesía total.
Preténdese, con ello, asoleyar una campaña publicitaria (qu'amás ye parte del propiu proyectu artísticu) ensin precedentes na lliteratura asturiana onde colos poemes y ilustración se faigan camisetes, llámines, totebags, marcapáxines y merchandising variao, amás de vídeos promocionales orixinales con diches composiciones
Les ¿recompenses?
Magar que les nomamos 'recompenses' por facilitar que más xente entienda lo que proponemos, los productos que sacamos y que creamos son parte del proyectu en sí, ye dicir, nun ye menos importante la camiseta o la taza qu'el propiu llibru. Queremos sacar la poesía del textu, que convivamos con ello como una referencia más, bebiendo de les fontes clásiques, contempóranies y ¿por qué non? de la publicidá, cola que xugamos y de la que faemos de nueso'l so llinguaxe para crear arte.
D'esa manera, amosamos darréu una serie los productos fechos a costafecha pa Volvemos en 6 minutos:
Otres recompenses posibles son:
*Los productos pueden tovía presentar cambios nel formatu físicu, yá que les imaxes son namás una propuesta de presentación.
¿Quién somos?
El ceador d'esta idea y esti imaxinariu ye Diego Solís. L'autor diz crear esti llibru y esti proyectu enantes y mientres el confinamientu. "Pensando que neses redes sociales, eses series o eses películes y na pulicidá que nos bombardea, hai un llinguaxe poéticu que podemos faer de nueso y desautomatizar".
Diego Solís (Xixón, 1991), ye escritor, profesor y codirector de la revista Formientu. Autor de tres llibros de poemes en castellán y asturianu como Hágase abril *(Ruleta rusa, 2018), *Y el mundu marcha (Saltadera, 2019) y Cállanos con esa música (Impronta, 2019) col que resultó ganador del Premiu Asturies Xoven de Poesía en 2018. Volvemos en 6 minutos sería'l so cuartu llibru y, ensin dulda, el so proyectu más ambiciosu.
Ines H. ye Inés Hevia (Xixón, 1995), diseñadora Gráfica y DJ. Anguaño continúa formándose no que yá ye profesión na Escuela Superior d'Arte del Principáu d'Asturiaes. Fixo trabayos editoriales, cartelería, branding e inclusive diseñu web. Realizó trabayos editoriales, cartelería, branding ya inclusive diseñu web. Ye destacable la so collaboración col colectivu Fame Poétika, que confió nel so trabayu dellos años . Inés H ye l'autora de toles ilustraciones y la encargada de la parte gráfica d'esti proyectu.
Pueden siguir el so trabayu en instagram:@inesharrisign
¿A qué vamos destinar les vueses aportaciones?
A la maquetación, impresión y distribución del llibru, según del restu de los productos colos sos correspondientes gastos d'unvíu y al pagu de la xente que lo fixo posible (hai una de les recompenses na que podéis facer una donación específica pa esto)
Calandariu previstu
Una vegada soltemos el crowfunding va haber 40 díes pa collaborar nelli. Una vegada consigamos l'oxetivu, vamos dar en sacar alantre'l proyectu d'edición con dellos puntos de recoyida, cola opción puntual de facelo llegar a les vueses cases. Cuanto más nos ayudéis, primero vamos poder trabayar na maquetación física.
¿Cuándo vais poder tener el vuesu pagu? Calculamos qu'a final d'abril o mayu pueda tar, anque siempres puede haber retrasos non previstos. Si esto asocediere, siempres se comunicaría al traviés del corréu lletrónicu o bien nes distintes redes sociales:
Twitter: @dsolislletres
Facebook: https://www.facebook.com/Diego-Sol%C3%ADs-Lletres-1880248622285809
Instagram: @diegosolislletres
3 comentarios
Si ya eres mecenas, Inicia sesión para comentar.
Lorena Corte
Colaboraciómn fecha, mola la tazuca, avisar cuando se pueda ir a recoger !!!! Tola la suerte del mundu primu !!!
Serena Perez
Un placer poder ayudarte! Besos!
alfonsopalacioestrada
Este tipo escribe pólvora, un placer colaborar con un camarada del arte.