Disco/Libro Poética D'Un Carbayu

Poesía, música y árbol

“Poética d’Un Carbayu” ye un proyectu de Musa Cafeína suañáu como la rama de la poesía que se ta escribiendo agora mesmo n’Asturies.

Cada ritmu y cada cantar, un tiempu de solombra y de brotos verdes pa garrar la forma d’un discu con diez cantares: una compuesta por Chema Aladro a partir d'un poema d'Ana y les otres nueve creaes por Tierra (Ana Lamela) a partir de poemes o fueyes con nome propiu:

Julia Navas Moreno, Alfredo Garay, Ángeles Carbajal, Pedro Luis Menéndez, Vanessa Gutiérrez, Marta Mori, Esperanza Medina, Armando Vega y la mesma Ana Lamela

Para'l diseñu del discu y el llibretu de los poemes/cantar, l´asturianu Félix Ordás ilustró cada idea con tol ciñu y la ilusión de los que s’alimenta esti proyectu.

Pa la creación y producción de los cantares, Ana Lamela va contar con collaboraciones musicales como la cantautora, compositora y musicóloga gallega Antía Eseuve (Primas Hermanas, Casa Manuela), el productor y compositor Germán Mingote (Mingote, Tigra) o’l cantautor asturianu Chema Aladro.

El discu va grabase nos estudios “House of Light” d’Uviéu.

Sobre les recompenses

Cada recompensa tien un nome rellacionáu col ciclu de la vida del carbayu, nelles vais poder alcontrar packs que contienen:

🍃 Tarxetes illustraes con cádigos QR pa sentir y descargar dellos temes.
🍃El discu nun dixipack con tarxeta USB xunto al llibretu illustráu coles lletres/poemes.
🍃Una tote bag o bolsa de tela d’algodón col diseñu de la portada del discu.
🍃Una publicación de Musa Cafeína (un llibru d’artista).
🍃Un almuerzu o una cena con Ana Lamela.

Quién somos

Pa realizar esti proyectu, vamos axuntar fuerces:

Ana Lamela Rey: Ana ye quien ideó’l proyectu, amás de poner música a los más de los poemes baxo’l nome de “Tierra”.

Llicenciada en Filoloxía, especialista en Lliteratura Española con estudios de guitarra y pianu, lleva dende siempre creando proyectos onde se mecen poesía y música.

Col grupu Esta Noche Tampoco (finales de los 80), les sos lletres yá espeyaben el so mundu poéticu, pero ye dende la creación de Musa Cafeína, Colectivu Artísticu-cultural (2012) y les publicaciones de los sos poemarios “La exhibicionista” (2014) y “La Otra” (2019) cuando’l so mundu y les sos actividaes se centren entá más na poesía: alcuentros poético-musicales, festivales de poesía, talleres d’escritura creativa y proyectos musicales onde la base son los sos poemes o los d’otres y otros poetes.

Antía Eseuve: Antía ye la encargada de redes y medios del proyectu, amás de participar como collaboradora musical nel discu. Musicóloga especializada en márketing y industria, compositora y intérprete, la so pasión ye la música: escribir sobre ella, tocala y pensala, y a ello ye a lo que se dedicó nos últimos años. Toca dellos instrumentos y canta en Concertino, Primas Hermanas (con Covadonga de Silva), Casa Manuela (con Pablo Wilson) y Otra Bruja (con Ana Lamela), y ta empezando un proyectu nuevu de poesía y música cola escritora y actriz Blanca Castillo.

Félix Ordás: Félix ye l’encargáu de tola parte gráfica y visual del proyectu. Dedícase al diseñu d’imáxenes corporatives, gráfica publicitaria y packaging.

Tien una trayectoria profesional qu’entama nel añu 1988, y qu’avala un bagaxe repletu de trabayos rellacionaos con estayes distintes de la sociedá, tanto no que cinca al diseñu gráficu como a la illustración, y siempre nun reciclaxe continuu onde’l color, la lluz y el ciñu que tien pol so llabor conviértense n’ingredientes fundamentales, arriqueciendo de positivismu tola obra.

A qué vamos destinar les vuestres aportaciones

Les persones que participamos nesti proyectu consideramos mui importante mostrar a qué vamos destinar les vuestres aportaciones. Queremos que confiéis nel proyectu y nun tengáis dulda nenguna a la hora de donar. Poro, equí enseñamos los ítems onde vamos a invertir el dineru que recaudemos:

Calendario previsto

🌱8 d’agostu, comienzu de la campaña de micromecenalgu
🌿Del 24 al 28 d’agostu, grabación del discu
🌷28 de setiembre, final del crowdfunding
🌳Finales d’ochobre, presentación del discu/llibru
💫Primeros de payares, repartu de recompenses :)

+ Info

Pa conocer meyor la campaña podéis siguinos en redes:

• Páxina de Facebook

• Instagram