Too Castañón

OBXECTIVO 8.000 €

Acércase la fin de la campaña y presentámosvos un obxectivo nuevu. Si llegamos a los 8.000 € recaudaos, incluiremos un facsímil del cómic Little Memo, de venti páxines, qu'Ígor autoeditó l'añu 1996. Esti será un regalu pa tolos y toles mecenas, pa quien tais agora y pa quien vos apuntéis de qui p'alantre hasta alcanzar l'obxectivo propuestu.

NUEVU OXETIVU

Como yá vistis, algamamos l’oxetivu en pocos díes, asina que vamos proponer un oxetivu nuevu.

Si llegamos a 7.000 €, vamos facer entrega, en nome de tolos mecenes d’esti proyectu, de 150 exemplares de Too Castañón a la Conseyería de Cultura, Política Llingüística y Turismu pa la so distribución ente les Biblioteques Públiques d’Asturies, los Servicios de Normalización Llingüística de los conceyos y los clubes de llectura de los Centros Culturales asturianos.

Esperemos que vos preste esta idea.

TOO CASTAÑÓN

Edición integral con material inéditu de la tira d'humor gráficu n'asturianu “La Familia Castañón” creada por Ígor Medio.

Sobre el proyecto:

Ábrese esta campaña col envís d'espublizar un volume que contenga la edición integral de “La Familia Castañón” d'Ígor Medio: tira diaria que fexo pal periódico La Nueva España mientres los periodos branizos ente 1997 y 2005.

El volume va consistir nun llibru de 320 páxines en blancu y negru, editáu en formatu de 31,5x24cm en papel de 135g, portada con solapes a color y encuadernación rústica cosida.

Creación emblemática del humor gráficu asturianu, “La Familia Castañón” ta compuesta por un neñu, la so hermana adolescente, los sos padres y el peculiar güelu (aficionáu a cantar tonada a les 4 de la mañana o a tocar la gaita nel patiu de vecinos ensin previu avisu); personaxes al traviés de los qu'Ígor Medio consiguió esplegar un axilosu, afiláu y certeru sentíu del humor, con una importante carga crítica. Too ello ellaborao por aciu lo que paecía ser un talentu innatu pal gag visual, el diseñu de personaxes y un brillante y personal usu de les onomatopeyes.

Bona parte de la producción de la serie foi atropada pol mesmu Ígor Medio nel llibru “Too Castañón. 1997-2004”, nel qu'amás de recoyer tolo apaecío nesi tiempu, apurría testos sobro la creación de la serie y comentarios sobro los rellabicos de la realización de delles de les tires. La edición qu'agora se presenta va caltener intactu tol conteníu d'aquel volume, que va vese ampliáu poles tires apaecíes nel añu 2005 y coles qu'Ígor tenía adelantaes pa la campaña del añu 2006 y que permanecen inédites hasta'l momentu.

¡Echa un güeyu! 👇

Sobro las recompensas:

Les Taces

Taces blanques, bien resistentes a la decoloración inclusive llavándoles nel fregacacíes. Decoraes por aciu la técnica de la sublimación. Preséntense 5 modelos distintos: unu pa cada integrante de la familia.

Totebag

Una totebag ye una bolsa cenciella de tela. Nesti casu atópase ilustrada con una imaxe emblemática del Güelu Castañón.

Irreverentes. Viñetas incomodas

Llibru-catálogu de la esposición de la Selmana Negra de 2007 del mesmu títulu. Llibru de 174 páxines en blancu y negru y color, más cubiertes en color, enllibráu en rústica. Contien un estudiu escritu por Pepe Gálvez y Norman Fernández, referíu a aquellos trabayos nel campu del cómic que cuestionen l'orde establecíu dende la trasgresión y l'humor críticu.

A qué vamos destinar les vuestres aportaciones:

El dineru recaldáu va dir destináu na so totalidá a la edición y distribución del llibru.

Calendariu previstu:

Si se cumplieran los oxetivos, el llibru va tar impresu y llistu pa unviar en xunetu de 2021.

Quiénes somos:

Ígor Medio: Nacíu en Xixón en 1972, Ígor Medio Tuya foi un ceador al que la etiqueta de multidisciplinar podía aplicáse-y en tol so sentíu. Sicasí, les sos prometedores trayectories profesionales viéronse tempranamente atayaes pol so fallecimientu nun accidente de tráficu en 2006. En 1990 formó parte, xunto al tamién xixonés Ruma Barbero, del grupu d'alumnos de Belles Artes de Salamanca que daría llugar al grupu musical Felpeyu, nel qu'Ígor, amás de la voz principal, encargábase de composiciones, arreglos, y tocaba guitarra, mandolina y buzuki. Paralelamente a la so faceta como músicu, Ígor desendolcó una importante actividá nos campos de la historieta, la ilustración y l'humor gráfico, na que la so creación más notable foi la tira diaria “La Familia Castañón”.

L'Equipu: la realización d'esti volume recopilatoriu ye un trabayu colectivu y desinteresáu de munches persones, que'l so principal oxetivu ye caltener viva la memoria d'Ígor y el so trabayu.