Sempre Fixe EP

Comezamos a nosa andaina a principio do ano 2020 sen saber todo o que viría despois. Inda así, ningunha dificultade conseguiu mermar os nosos pulos de continuar.

No mundo sonoro de Fixe trío poderás atopar composicións propias e cancións populares do mundo. Unha viaxe atlántica de músicas e verbas que rezuman agarimo, consciencia e liberdade.

Un proxecto que agroma da vontade de xerar un espazo onde poder expresar as nosas inquedanzas e desexos a través da música.

Con este crowdfunding queremos poder costear os gastos do noso primeiro EP “Sempre Fixe”.

Gustaríache formar parte?

Sobre as recompensas

No panel que tes ao lado poderás atopar un listado de recompensas. Elixe a que prefiras e te encaixe mellor.

Tódolos CDs irán con adicatoria en agradecemento á vosa confianza e apoio. MIL GRAZAS de ANTEMÁN

E sabes que? ... A nosa compañeira cellista e multidisciplinar, Blanca Marigómez Subversiva Desing, foi a artista que fixo o deseño do logo e da carauta do disco. E non só iso, senón que fará unha a unha as vosas camisetas e bolsas coa técnica de sublimación. Así que se optades por esa recompensa que saibades que son produtos "muito fixe".

Sempre que poidamos (para aquelas persoas afincadas na provincia de Pontevedra) entregaremos as recompensas en man. Así de paso poderemos agradecervos a achega en persoa e coñecervos.

Se non vivides nesta provincia, podemos facer envíos cos custes que aparecen refrexados no panel de recompensas (nacionais e internacionais).

Quen somos

Xela Conde F.: voz e diversos instrumentos

Blanca Marigómez: cello e coros

Joel Fontán: guitarra e voz

E tamén contamos con máis xente marabillosa na equipa como; Xosé Liz, Paula Gómez, Pablo Dosio ...

... * E agora tamén tí!*

A que destinaremos as vosas achegas

Integramente a elaboración do CD e parte da súa publicidade.

1400€ - Fabricación de Cds

600€ - Edición musical

250€ - Deseño e materiais

250€ - Vídeo promocional

150€ - Publicidade

350€ - Xestión

Calendario previsto

Ao mesmo tempo que estás lendo isto nós estamos escoitando e escoitando a gravación para axeitar a mezcla e masterización.

A nosa idea e enviar o resultado a fabricar a finais de abril/principios de maio para poder ter o disco físico de cara mediados/finais do mes de maio e poder comezar a facer as entregas o antes posible.

Estamos traballando arreo para que isto sexa así, e co teu mecenazgo seguro que o conseguimos!

Nas vindeiras semanas iremos poñendo por aquí e nas nosas redes os concertos de presentación que teremos próximamente e nos que estaremos encantadísimas de recibirvos coa nosa música e gratitude.

+ Info

Pódesnos atopar en:

Facebook: @fixe.trio

Instagram: @fixe.trio

E se tiveras algunha dúbida ou suxestión podes comunicarte con nós a través de Verkami ou cunha mensaxe nas nosas redes.

MIL GRAZAS DE NOVO!

VÉMONOS PRONTO!