(m) ropa afayaizo, diseñu asturianu, ecolóxico y 100% orgánico.

Vamos entamar (m)

Porque somos muncho de faer les coses al otru andar. Porque vemos el mundu colos güeyos d'esta tierra y porque queremos vistir cola ropa que mos sal de dientro.

Así ñaz (m), ropa d'Asturies, comprometida cola ética llaboral y col territoriu.

¿Qué ye (m)?

(m) ye la gana que tenemos de faer ropa cola que mos afayemos.
(m) ye ponemos d'acuerdu en gastar ropa que nun vien de la esplotación llaboral.
(m) ye vistir y trabayar con ropa ecolóxico, orgánico, sostenible...
(m) ye valorar el territoriu asturianu y les persones que vivimos nél.
(m) ye falar de lo que somos.
(m) ye compromisu col mediu rural.

¿Cómo vamos trabayar?

Vamos asitianos al pie'l cordal de Peñamayor. Apostando pola actividá nel mediu rural asturianu. Sabemos que trabayar equí contribúi a diversificar la economía local, asentar y remocicar la población.

Trabayar nel mediu rural ye un compromisu venceyáu col respetu y proteición del territoriu. Por eso vamos trabayar con productos y materiales que cumplan colos requisitos medioambientales, ecolóxicos y llaborales esixíos.

De la mesma manera, vamos trabayar con productos llibres de cualesquier esplotación o esperimentación con animales, y nun vamos usar plástico na producción, usando papel y cartón reciclao.

El nuesu compromisu col territoriu va tar venceyáu enteramente cola cultura asturiana. Polo que la llingua vehicular va ser la de nueso.

Vamos trabayar con persones de la contorna pa tol llabor que seya preciso: costura, empaquetaos, unvíos...

Queremos faer un productu distintu, que nun vos dexe indiferentes y que valore la tierra y la xente de nueso.

Diseñu

Les camisetes, sudaderes y bolses lleven un diseñu fechu namás pal crowfounding. Estampáu sobre prendes d'algodón orgánico, ecolóxico, sostenible y vegano.

Recompenses

Talles

Unvíos

Toles recompenses inclúin unvíu dientro l'estáu español. Si ye pal restu d'Europa, has mercar la recompensa "Unvíos a Europa".

¿A qué destinamos les vueses aportaciones?

Les vueses aportaciones van destinase a producir la ropa, pa lo que vamos necesitar dalguna qu' otra infraestructura. A unviala y a pagar los gastos de la campaña.

¿Cuándo van tar disponibles les recompenses?

Les recompenses cuntamos que tean pa xunu.

Pues atopanos en:

• mail: [email protected]

• instagram: https://www.instagram.com/masturies/

• facebook: https://www.facebook.com/masturies/