Humanes naz como un proyectu global; proyectu de discu y espectáculu, que va ver la lluz el prósimu 11 de xineru nel Teatru de La Laboral de Xixón´.
"Muyeres" tenemos la necesidá de siguir avanzando como colectivu musical, dende un nuevu puntu de partida. Por primer vegada, tolos cantares d'esti trabayu , non son temes recuperaos de la música tradicional , sinón que se crearon a costafecha pa HUMANES.
Hestories que ñacen d'otres; dalgunes reales y otres ficticies, de muyeres que pudieron esistir o non, pero que dexen venos y ver a otres, dende un prisma distintu, buceando na contradicción, imperfeición y na fraxilidá de cualesquier ser humanu. Humanes, ensin más.
Dende hestories de muyeres qu'alternen con Lorca, a chigreres que se dexen querer, dende ermitañes arrodiaes de llobos (y llobes) a estravagantes solitaries nun pequeñu pueblu o aquelles que venguen la muerte d'un ser queríu con otra muerte más.
Muyeres ensin mieu ya imperfeutes, pero que na so maraviyosa ya imperfeuta esencia, tamién son humanes. Como nosotres, como tantes otres.
HUMANES y contradictories.
HUMANES y rares.
HUMANES y aventureres.
HUMANES y vengadores.
HUMANES y charranes.
HUMANES y frívoles.
HUMANES y comprometíes.
HUMANES, ensin más.
Un nuevu espectáculu del grupu "Muyeres", cola direición musical de Marta Elola y la direición escénica de Borja Roces.
Sobro les recompenses
A la manzorga pues ver les diferentes recompenses, que van dende los 10 Euros, hasta los 300 Euros.
Quiénes somos
Anguaño somos 28 persones d'estremaos llugares d'Asturies y, ente canción y canción, queremos y buscamos al traviés de la música, emocionar y tresmitir. Tamos enfotaes na tresmisión del patrimoniu musical y por él damos el tiempu que tenemos y el que nun tenemos. Si de daqué tamos arguyoses, ye de qu'a lo llargo de 25 años d'esistencia, formaron parte del grupu más de 150 muyeres y collaboradores que güei participen o dirixen munches asociaciones, grupos o escueles de música tradicional y que son una bona parte de la historia viva de la música asturiana.
WEB www.muyeres.org
Pa que son les perres.
El discu yá lu tenemos preparáu dafechu p'asoleyalu, con tolos costos de producción asumíos, pero pal espectáculu en direuto, diseñáu y dirixíu por Borja Roces, entá nos falten dellos elementos, poro, les perres que saquemos con esti micropatrociniu van ser invertíes dafechu nel diseñu y fechura de la vistimienta, que correrá al cargu de la diseñadora Azucena Bedia, asina como pa la escenografía del espectáculu.
Si nun algamáremos l’oxetivu d’esta campaña crowfunding, tolos mecenes qu’aportaron nes recompenses qu’incluyen entrada pal estrenu'l día 11 de xineru nel Teatru de La Llaboral, tendrán reservada ellí al so nome la/es entrada/es, teniendo que pagala en taquiya. Toles butaques reservaes pa esta campaña, tanto na zona del patiu como na zona anfiteatru son céntriques y de bona visibilidá.
Calendariu previstu
Les recompenses van dase'l sábadu 11 de xineru nel Teatru de La Llaboral (Xixón) o unviaes a casa la selmana siguiente a la presentación.
+ Info
WEB: www.muyeres.org
FACEBOOK: amtMuyeres
INSTAGRAM: @amtmuyeres
15 comentarios
Si xa eres mecenas, iniciar sesión para comentar.
Ivan Alvarez Garcia
Por lo pelos....casi no llego....
María Elisa
Adelante Humanes!! Lo conseguiréis.
María Elisa
Adelante Humanes!! Lo conseguiréis.
Sandra Martinez Salvador
Marisa y resto de Muyeres. ¡Qué ganes de veros ya!
Marisa Luque
Tamos na recta final ánimu. ¿Tovía nun yes mecenas? Pos el proyeutu lo val. Pasa y participa.
Ochobre_34
P'alantre moces!
Lena Muñiz Lopez
Aportación hecha por NORA y XELAZ
Tere
Esperemos se haga!!!
Arturo Gonzalez
Suerte!
Angeles Roso Perez
Ya soy mecenas,espero que tengáis mucho éxito, suerte