❗️ In order to use Verkami you must do it from another browser. Install or enter from: Microsoft Edge, Chrome or Firefox. Microsoft has stopped updating the Internet Explorer browser you are using and it is no longer compatible with most websites.

Erraustegiaren kutsadura kontrol independentea

Herritarrontzat ezinbestekoa da kutsadurari buruzko datu fidagarriak eskuetan izatea. Proiektu honekin autodefentsarako prestatuko gara.

76%
18
days
193
Patron
9.935€
From 13.000€
Contribute to the project
View project in Castellano

Markel Olano buru duen Gipuzkoako Foru Aldundiak Donostialdeko erraustegia pizten badu, kutsaduraren kontrol independentea egingo dugu urtero. Munstroa piztu aurreko datuak esku artean izatea oso garrantzitsua zenez, Zubieta Lantzen elkarteak zirt-edo-zart egin eta bi enpresa zientifiko kontratatu zituen:

Batetik, Herbehereetako ToxicoWatch fundazioa –mundu osoan erraustegien eraginak aztertzen ditu–, eta bestetik, Eusko Jaurlaritzak akreditatutako Euskal Herriko enpresa bat. Irail hasieran hartu dituzte laginak, azpiko argazkian ikus daitekeenez.

ToxicoWatch fundazioko kideak arrautzen laginak hartzen. (Argazkia: Donostitik.com)
ToxicoWatch fundazioko kideak arrautzen laginak hartzen. (Argazkia: Donostitik.com)

Erraustegiaren eragin eremuaren barnean, 10 kilometroko erradioan, milaka lagun bizi dira. Horregatik, kutsaduraren eragina neurtzeko ondorengo lekuak hautatu dira eta dagoeneko lehen laginak hartu dira geolokalizazio bidez lekuak ongi finkatuta utziz etorkizunerako:

Zubieta herrian, Añorgan, Donostian, Usurbilen, Lasarten, Urnietan, Hernanin, Andoainen eta Zubietan, Realak entrenatzen duen lekutik eta ondoan dagoen Landaberri ikastolatik hurbil. Eta erraustegitik urrunago, Goierriko Zaldibian.

Azken batean, borrokatzeko bide berritzailea da herritarrok azpiegitura kutsatzaile batek eragingo duen kutsadurari buruzko datu zientifiko fidagarriak izatea. Erraustegiaren Aurkako Mugimendutik babes osoa ematen diogu ekimenari eta finantzaketa lortzen lagundu nahi dugu.

Sariei buruz

Sari nagusia gizarteari egingo diogu denon artean, kutsadurari buruzko datuak modu gardenean jakinaraziko baititugu, eta erraustegia pizten badute, urtero-urtero egingo baititugu kutsadura ikerketak. Erraustegiek askatzen dituzten kutsadurak akumulatzaileak dira, hau da, izaki bizidunek jaten badituzte pilatzen joaten direla eta ezin direla kanporatu, horrenbestez, urtez urte kutsadura igotzen nola joango den ikusiko dugu.

Diru ekarpena egiten dutenei leihoan jartzeko erraustegiaren aurkako banderolak emango dizkiegu opari. Baita, ikerketa independentearen babesle gisa agertzeko aukera eman ere.

Erraustegirik gabeko munduaren alde.
Erraustegirik gabeko munduaren alde.

Nor garen

Erraustegiaren Aurkako Mugimendua Gipuzkoako erraustegiaren aurka borroka egiteko sortutako herritarron eragilea da. Herriz herri antolatutako herri mugimenduon batura da: Donostia Bizirik, Hernanin Zero Zabor, Andoaingo Ipar Haizea, Lasarteko Aire Garbia eta Gipuzkoa Zutik taldeok batu ditugu indarrak bertan.

Ehunka protesta egin ditugu azken 17 urteotan.
Ehunka protesta egin ditugu azken 17 urteotan.

Kontsultatu gure webgunea: erraustuez.org
Kontsultatu gure Twitter kontua: @ErrausAurkaMugi

Zertara bideratuko ditugu zuen ekarpenak

Jasoko dugun diru guztia bi enpresa hauei beren lana ordaintzeko baliatuko dugu. Nazioartetik zientzialariak Euskal Herrira ekarri, laginak hartzeko estantzia ordaindu eta batez ere, gerora beren herrialdean analitika egiteak kostu hau du.

13.000 euro baino gehiago jasoko bagenu, mugimendu gisa buruan ditugun ekimen batzuk prestatu eta finantzatzeko bideratuko genituzke. Beti ere, erraustegia gelditzea helburu izango duten ekimenak.

Aurreikusitako egutegia

ToxicoWatch fundazioko kideek emaitzak edukitzeko bi hilabete-bi hilabete eta erdi beharko dituztela adierazi ziguten. Datuok ardura osoz kudeatuko ditugu, eztabaida antzuak ekidin asmoz.

Sariak azaroan banatuko ditugu, banderolak helaraziz ekarpena egiten dutenei.

FAQ

There are none published yet.

Do you have any other queries or questions?

3 comments

If you are already a sponsor, please Log in to comment.

  • Maköki

    Maköki

    4 days

    Gure eskura dago, bihar itxiko duten erraustegiaren kontrola egitea!

  • pichardonuba

    pichardonuba

    14 days

    A seguir luchando

  • juanluiseizmendi

    juanluiseizmendi

    21 days

    Ez dezagun etsi! Gure osasuna garrantzitsuena da!

10€
33 backers
Eskertza

Ikerketa posible egin dutenen eskertza orrian aipamena.

Estimated delivery June 2020
20€
53 backers
Erraustegiaren aurkako banderola

Erraustegiaren aurkako banderola bat opari, ikerketa independentea finantzatzen laguntzea saritzeko.

Nahi izanez gero, ikerketa posible egin dutenen eskertza orrian aipamena.

Estimated delivery June 2020
35€
17 backers
Erraustegiaren aurkako 2 banderola

Erraustegiaren aurkako 2 banderola opari, ikerketa independentea finantzatzen laguntzea saritzeko.

Nahi izanez gero, ikerketa posible egin dutenen eskertza orrian aipamena.

Estimated delivery June 2020
50€
59 backers
Erraustegiaren aurkako 3 banderola

Leihoan edo nahi den lekuan jartzeko 3 banderola erraustegiaren aurka, ikerketa independentea finantzatzen laguntzea saritzeko.

Nahi izanez gero, ikerketa posible egin dutenen eskertza orrian aipamena.

Estimated delivery June 2020
100€
30 backers
6 banderolas contra la incineración

Regalo 6 banderolas contra la incineradora.

Agradecimiento en la página web por ayudar a sacar este proyecto adelante.

Estimated delivery June 2020
1.000€
0 backers
Erraustegiaren aurkako 10 banderola

Kutsadura informe independentearen babesle gisa agertzeko aukera.

Erraustegiaren Aurkako Mugimenduaren 10 banderola jasoko dituzue, eskertza gisa ikerketa finantzatzen lagundu izana eskertzeko.

Estimated delivery June 2020
2.000€
1 backer
Erraustegiaren aurkako 20 banderola

Kolektibo bezala kutsadura informe independentearen babesle gisa agertuko zarete.

Erraustegiaren Aurkako Mugimenduaren 20 banderola jasoko dituzue, eskertza gisa ikerketa finantzatzen lagundu izana eskertzeko.

Estimated delivery June 2020
Cookies help us to offer our services. Continuing to browse entails acceptance of their use.