Felpeyu Cerquina
Col envís de festeyar el 25 aniversariu del grupu, echamos andar esta campaña de micromecenazgu pa espublizar un LP en vinilu, yá qu'hasta anguaño nun tenemos nengunu.
El nuevu discu ta compuestu por dolce cortes, seis cantares, escritos por Felpeyu y Boni Pérez y seis pieces instrumentales que faen un percorríu pelos ritmos más comunes de la tradición asturiana: pasucáis, muñeres, saltones, xotes, dances y alboraes. Tanto los cantares como los instrumentales lleven melodíes en parte tradicionales, en parte compuestes.
La grabación féxose nos Estudios 15:40 col nuestru cantante, Senén Fernández como técnicu de grabación. L'amiestu y masterización corrió al cargu de Sergio Rodríguez en Tutu Estudios. Les semeyes fixéronles Xurde A. Chachero y el nuestru percusionista, Ruma Barbero que tamién foi l'encargáu del diseñu gráficu.
Les recompenses
El discu va tar fabricáu en vinilu de 140 gramos, la carpeta del álbum va en formatu desplegable de 31 x 62 centímetros a tou color y con una fueya interior colos creitos y les lletres del discu n'asturianu y n'inglés, too ello dientro d'una funda de plásticu tresparente pal so meyor caltenimientu. Les vuestres aportaciones, van dir destinaes principalmente a la fabricación y unvíu de los discos de vinilu. En casu de consiguir dineru extra, vamos usalu pa pagar los gastos de grabación y pa la realización de dos videoclips que yá tenemos guionizaos.
Los discos anteriores, anunciaos en dalguna de les recompenses, tán fabricaos en digipack a tou color de gran calidá. Contienen tamién llibretos con semeyes a tou color, creitos y lletres de los cantares n'asturianu y n'inglés.
Felpeyu, "Canteros", Tierra Discos 2008
Felpeyu, "Yá!", Tierra Discos 2003
Calendariu previstu
Calculamos que vamos poder entamar a faer les entregues de les vuestres recompenses un mes o mes y mediu depués de rematar el micromecenazgu.
Contactos
Nestos enllaces, vas poder dir siguiendo les nuestres novedaes y los conciertos nos que podrás venos nes próximes feches.
felpeyu.com
felpeyu en facebook
8 comments
If you are already a sponsor, please Log in to comment.
Minin
falta munchu pa que mos manden el pediu ???
carlopsychiatry
Hola Felpeyu: soy Carlopsychiatry. Verkami me envió un mail para colocar mis datos para la autógrafa: Mi nombre es Carlos Vera Scamarone. Los sigo desde hace casi diez años y anhelaba tener un vinilo de vosotros. Vivo en Perú. Así que si llega el vinilo ya es bastante. dedicarlo a Carlos, seguidor de Felpeyu, saludos al Perú. Nada más.
Felpeyu
Author
Gracias por tu aportación. Un placer recibir apoyos desde tan lejos. ¿Cómo nos conociste?
carlopsychiatry
Más que pregunta, un comentario. Desde Perú, los felicito. Es una alegre noticia saber que sacan un vinilo conmemorativo. Los sigo desde hace mucho. Ahí va mi aporte, y para adelante.
Felpeyu
Author
Hola, Víctor.
Podríamos mandate los tres últimos discos "Yá!", "Canteros" y "Cerquina" (de la que salga). Anque pa esto, lo meyor ye qu'aportes na opción que tenemos pa ello nesti micromecenazgu. Podemos conseguite tamién el "Live Overseas" (discu en directu editáu namás n'Australia) ensin mayor problema. Lo que va tar más complicao ye que consigas los dos primeros "Felpeyu" y "Tierra", editaos pol sellu Fonoastur, que yá peslló.
Víctor
Hola buenes, la mi entruga ye si habría alguna posibilidá de facese con toda la discografía orixinal. Munches gracies po la vuestra atención. Bayurosu aniversariu!!
Felpeyu
Author
We can send you the CD's "Live Overseas", "Yá!" and "Canteros". The first two CD's, "Felpeyu" and "Tierra", recorded with "Fonoastur" label, are difficult to get today.
Please send us a e-mail to [email protected]
eric edwards
I will make a pledge but how do I get all the back catalogue of music my CDs are very overused and need replacing Eric