A "Banda de Gaitas Xarabal" foi seleccionada para participar no 254 Desfile de San Patricio que se celebrará o día 17 de Marzo de 2016 polas rúas de Manhattan (Nova York), nesta viaxe contará coa colaboración do grupo de baile "Lembranzas Galegas".
Para qué precisamos a vosa colaboración
Para poder acudir a tan importante cita necesitamos sufragar os gastos derivados do desplazamento do grupo de 40 persoas ademáis dos correspondentes hospedaxe e manutención durante a estancia.
A nosa actuación ainda que sexa o día 17 no desfile tamén propiciou a posibilidade de tocar na Casa de Galicia en Queens, polo que a estadía da banda e bailadores en terras americanas será dende o dia 15 o 20 de marzo.
Obxectivos da nosa participación no desfile de San Patricio
A "Banda de Gaitas Xarabal" xunto con "Lembranzas Galegas", coa súa participación no desfile de San Patricio en Nova York, pretenden a consecución dos seguintes obxectivos:
Difundir a música e a cultura galega fóra das nosas fronteiras.
Dar a coñecer o nome de Xarabal e de Galicia, xunto coa do Concello de Vigo á cidade de Nova York.
Valorar a gaita e a música e baile tradicional galegos como formas da música actual.
Fomentar a unión de culturas a través das diferentes actividades a realizar.
Promocionar a marca galega en Estados Unidos.
Enriquecer ás novas xeracións da Escola de Gaitas coa mestizaxe de culturas que hai no desfile de San Patricio.
Axudar á proxección das bandas de música tradicional galega en Estados Unidos, coa colaboración da Casa Galega de Nova York.
Contribuír a visibilizar a imaxe dos organismos cofinanciadores galegos no estranxeiro.
Qué vos ofrecemos a cambio
Como recompensa a tódolos mecenas que farán posible a nosa participación en tan importante acontecemento, teremos a honra de contar con eles no concerto que se realizará no Teatro García Barbón o vindeiro 21 de Febreiro con artistas convidados da calidade de Xose Manuel Budiño, Riobó, Anxo Pintos, Ernesto Campos, o grupo de baile Lembranzas Galegas entre outros membros e ex-compoñentes da banda.
Ademáis de conseguir diferentes obsequios personalizados co noso logo para que no día a día poidades acordarvos da nosa banda.
Sen máis , gracias por ler estas líneas e axudarnos a facer posible este soño aportando a vosa axuda tan valiosa.
0 comentarios
Si ya eres mecenas, Inicia sesión para comentar.