¿Qué ye Vou?
Vou ye un proyectu multidisciplinar nel que conflúin música, pallabra ya imaxe.
Cada pieza del proyectu, instrumental o vocal, tien un poema/lletra y un vídeu que lu acompaña, como trés caminos que te lleven al mesmu destín.
Nesti enllaz vas poder ver de qué falo. Vas atopar cuatro senciellos que van tar incluyíos nel discu, amás de los resumes de dos conciertos ya
esplicaciones pequenas de las piezas:
¿Para qué ye esta campaña de crowdfunding?
Este ye'l mio primer proyectu en solitariu, busco financiamientu para sacalo a la lluz cola meyor calidá posible. Yá ta grabáu y premezclado, queda l'últimu emburrión: masterización y copies.
La resultancia d'esti trabayu va salir como discu y como llibru:
El discu: va incluyir 11 pieces y nel llibretu vais atopar un fotograma del vídeu xuntu col poema-lletra. Amás d'incluyir un enllaz para la visualización de los vídeos.
El llibru: nél cunto la hestoria del orixe de cada pieza, va dir acompañada d'un fotograma de so vídeu, el poema/lletra y la partitura de la melodía desenvuelta. Amás va incluyir un enllaz de descarga pa la música y la visualización de los vídeos. La maquetación va correr al cargu de Editorial Trabe.
¿Quién hai detrás?
Vero Rubio
Cantautora, multiinstrumentista (pianu, trompa, trompeta, bodhran), compositora y arreglista. Con formación clásica y esperiencia en distintos estilos: folk y tradicional, jazz, improvisación libre, rock...
Ganadora del Premiu Camaretá al Meyor Cantar col cantar Dixo miou padre, una de las 11 piezces que formen parte de este proyectu, Vou.
Esti proyectu vien de les mios paranoyes, de les mios elucubraciones y de la mio necesidá d'entender, esplicar y poner una banda sonora a cada pasu que doi na vida.
Tola música ye orixinal, sacantes la melodía de Vou cantar que vien d'una pieza tradicional gallega. Toles lletres son orixinales, sacantes la de el día que vien d'un poema de Miguel Monteavaro. Los arreglos, los vídeos... tou ye orixinal, tou ye frutu del mio trabayu.
Nel discu canto la voz principal salvu en Nuna mañana (Anabel Santiago) y de dellos coros; toco'l pianu, distintos teclaos, armonio, trompa, trompeta, fliscorno y bodhran. Amás de faer la producción y una primer fase de la mezcla.
Hai enforma acorico detrás, enforma pensamientu, enforma curiáu en tolos detalles... enforma aprendizaxe... y entá más hores.
Pero nun toi sola...
Collaboradores nel proyectu:
Sección de cuerda: Cristina Gestido (viola/violín), Juanjo Marqués (violín), Paula Menéndez (violonchelu); Miguel García (violín en Dixo miou padre), Mónica Jivanescu (viola en Dixo miou padre), Javier San Marcos (violonchelu en Dixo miou padre).
Nos vientos: Pepín de Muñalén (traverso).
Nes voces: Anabel Santiago (voz principal en Nuna mañana), Puri Penín (coros), l'agrupación vocal femenina Siset (coros en Por casualidá).
Na percusión: Javier Bergia (tabla india en Mundu).
A los mandos técnicos: Andy da Silva
Grabaciones realizaes en La cámara discos, ente otros llugares; en concretu los pianos grabáronse nel estudiu de grabación de Cesar La Torre, col so colín Kawai.
Na sección de imaxe: Arturo Santiago Pérez
Autor del poema del cantar el día y corrección llingüística: Miguel R. Monteavaro
Y hai más xente detrás...
Llista de pieces:
(Déxovos esta llista por que podáis escoyer la pieza de la que queráis la partitura completa o manuscrita, amás vais poder sentir un fragmentu de toes elles nel resume del conciertu que tenéis enriba.)
El proyectu axunta 11 pieces que son significatives para mi:
Arturo, Bichín, Dixo miou padre, Nuna mañana, el día, Vou caminando, Por casualidá, Vou cantar, Mundu, Qué faréi y CaBeleño.
En conciertu:
Al directu, esti proyectu puede llevase de cuatro maneres:
Yo sola cola mio música (esti formatu ye una ufierta especial pal crowdfunding). Interpretando la mio música acompañándome del pianu, la trompa y la trompeta.
Yo sola cola mio música y los vídeos. Amás de la música, van reproducise los vídeos qu'acompañen a cada pieza.
A Cuartetu. Sumando a lo yá mentao, sobre l'escenariu tendríamos otros trés músicos: voz/armonio, violonchelu y traverso.
Cola Banda Completa: Xuniríensenos un violín y una viola pa completar el tríu de cuerda.
Gastos:
El preciu total del proyectu ronda los 6.000€, ensin cuntar les mios hores y dependiendo de cuántes copies del llibru y del discu vaigan faese finalmente.
El mínimu que garantiza la viabilidá del proyectu son 3.000€, que dexaríen cubrir los gastos qu'entá queden y que sala tou cola calidá que se busca.
Grabación: 1.500€
Imaxe y maquetación: 1.000€
Mezcla y masterización: 1.500€
Copies del CD y del llibru: ~ 2.000 €
Temporalización:
Crowdfunding: xineru-febreru 2025.
Recompenses: marzu-abril 2025.
10 comments
If you are already a sponsor, please Log in to comment.
Alejandra Caldevilla Antuña
Vamos!!! Ya casi está, querida amiga 🍀💜
cokorina
Adelante con el disco , Vero !! 🎵🎵💜
Lean
Mucho ánimo 💪
Alicia
Vero!! Que ilusión me hace ver este proyecto materializado, siempre me emocionas cuando te escucho y es increíble cuanto lo haces llegar en cada gesto, en cada nota!! Mucha suerte con "Vou" y que esos cuartiquinos lleguen muy lejos y se abran a todos!! Un abrazo inmenso de todo corazón.
XXX YYY
Du schuldest mir einen Besuch ,,,😘
Vero Rubio
Author
Muitas gracias por tou esti sofitu, quedan unos pasos por dar, ¡pero yá son menos! :)
José Manuel Fernández Suárez
Vero, norabona! Un pasu más, un abrazu.
Ángel Amago Martínez
Ojalá lo consigas
Reyes
Lo vas a conseguir Vero💪💪
marian
grande!!!!!!