GRAVACIÓN DO NOVO CD DE OS CEMPÉS COA ESCOLA LIVRE DA MPG
Os Cempés estamos de volta, e facémolo con moita forza.
Andamos a rematar un novo traballo discográfico que se empezará a gravar en xaneiro de 2012. Este ano cumprimos o 20 aniversario da nosa primeira actuación, nun concerto benéfico en Cedeira no ano 1992.
Para celebrar o aniversario, queremos convidar á Escola Livre da Musica Popular Galega a colaborar na gravación deste disco. Este centro de ensino cumpre este ano, o décimo aniversario dende que se impartiran as primeiras aulas en 2001 como Conservatorio de Música Tradicional e Folque de Lalín.
O disco será unha mostra máis do espírito festeiro que Os Cempés sempre demostramos nas gravacións e nos concertos en directo, tan sinxelo e tan complicado como facer cantar e bailar. Para esta ocasión queremos, ademais, axudar a facer visibles iniciativas como a da Escola Livre da MPG e a músicos mozos que gustan de coñecer e interpretar a música popular.
O tema central do novo traballo é a xente nova, os pícaros, os rapaces, a enerxía e imaxinación da mocidade. Lembrando que a música que queremos facer está baseada na que aprendiamos doutros cando os mozos eramos nós.
No disco incluiremos novas pezas de autor, arranxos de temas clásicos da música galega … creemos que vai ser moi bonito e por suposto: ¡¡¡bailable!!!
CONVIDÁMOSVOS A COLABORAR
Propoñemos a todos os que simpaticedes con esta aventura musical financiar a gravación: ser mecenas do novo disco de Os Cempés coa Escola Livre da MPG.
O micromecenazgo, o financiamento en masa ou “crowdfunding” é un sistema no que moitas persoas identificadas co proxecto proposto e que desexan que se leve adiante, fan aportacións económicas segundo as súas posibilidades, e optan a diferentes recompensas.
Verkami aloxa a web na que se explica este e outros proxectos: os obxectivos, as recompensas e tamén xestiona as aportacións realizadas que só se farán efectivas na vosa tarxeta de crédito, se no tempo máximo de 40 días se consegue o obxectivo. Se neses 40 días non se chega á cantidade que precisamos, o proxecto terá que financiarse doutro xeito.
Este sistema de financiamento permite realizar o traballo creativo e de coordinación coa seguridade de que se vai poder pagar nun prazo razoable os servizos dos técnicos e os gastos de desprazamento, manutención, etc. dos músicos participantes.
O CD e o acceso á versión en formato en Mp3 en exclusiva antes da edición oficial, é a principal recompensa que ofrecemos aos mecenas, pero non a única.
No lateral dereito desta páxina descríbense detalladamente.
O OBXECTIVO
O custe estimado para rematar o “máster” ou a mistura final do traballo é de 5.500€ incluíndo a comisión do 5% de Verkami e os custes polas xestións bancarias.
Eses 5.500€ destinaránse ao pagamento duns 25 días de gravación, edición, mistura e masterización nun estudio profesional, así como os gastos dos músicos do grupo e os dos convidados durante as sesións de gravación.
Falamos de máis de 20 persoas: queremos que neste disco soen os acordeóns diatónicos, as frautas, os violíns, as zanfonas, a percusión, as gaitas e as voces da ELMPG. Teremos que realizar un complexo traballo de preparación de arranxos e de ensaios que xa comezou en xulio do pasado verán.
AS RECOMPENSAS E A DIFUSIÓN DO PROXECTO
As aportacións e recompensas que propoñemos son variadas e esperamos que para todas as posibilidades: o acceso á versión dixital en Mp3, o CD físico, aparecer nos créditos do CD como mecenas, invitacións aos concertos de presentación do disco, mesmo gozar dun concerto/festa con Os Cempés na vosa casa máis a degustación ese mesmo dia de percebes de Cedeira capturados e cociñados ¡¡¡polo mismísimo Serxio Ces!!
É moi importante que este proxecto teña a máxima difusión, que se comparta o evento coa maior cantidade de xente a través das redes sociais, coa familia, no traballo…
As aportacións pódense facer individualmente, en grupo, dende asociacións, ou tamén directamente aos Os Cempés, comprometéndonos a entregar as recompensas que veñen explicadas en Verkami por igual para todos os mecenas.
De conseguir o obxetivo fixado antes dos 40 días, poderanse seguir facendo aportacións. Isto proporcionará aínda máis marxe de manobra na realización da gravación, na calidade da edición, mesmo poderiamos optar pola auto-edición.
No Facebook de Os Cempés ou Os Cempés Volven, no blog poderedes seguir todo proceso de creación, facer suxerencias, críticas e ir coñecendo os prazos nos que se fará a entrega das recompensas.
Os Cempés dámosvos as grazas por adiantado pola vosa colaboración. ¡¡Opa iii!!
8 comentarios
Si xa eres mecenas, iniciar sesión para comentar.
Os Cempés
Autor/a
Ola Blues and Blues, a traves de Verkami xa non...
So si contactas con nos... pero realmente as condicións xa non son as mesmas.
Ainda non sabemos como facer, pero por exemplo, xa non podemos dar en recompensa máis entradas para as presentacións. (temos comprometidas unhas 400!!!!.)
Contáctanos polo Facebook ou no meu correo: [email protected]
Un Saudiño e gracias polo interés!!
Oscar-Os Cempés
Bluesandblues
Unha pregunta rapida e simple...se pode seguir colaborando o xa unha vez conseguido o fin xa non se pode...ata cando se pode colaborar?
Os Cempés
Autor/a
Ola Xesus, non te adiantas!! da contratación encargase Montse ou Miguel, eles son unha axencia de promocion cultural, tamen levan a máis artistas. Podes contactar con eles nesta web:
http://www.merlobranco.com
telef, e enderezo electrónico:
+34 981 807 642 / +34 615 400 050
[email protected]
Un Saudo Xesus.
Xesus
Boas!! Quero felicitarvos por volver.Son un seguidor voso e da musica de raíz!!Por ese motivo, colaborarei com este tipo de proxectos sempre.Non sei se me adianto d+iado, pero gustariame saber como ou donde se pode falar de contratarvos. Unha aperta!
Os Cempés
Autor/a
Ola Bermuy, claro que podremos hablar de eso en el futuro... sigue en contaco por este web o a traves del feisbu.
Un Saludo
Oscar-Os 100pes
Bernuy
Salud; me ha gustado mucho la canción que tocáis en el vídeo. He visto imágenes en mi cabeza al escucharla. ¿Sería posible que me permitierais utilizar alguna de vuestras canciones para un proyecto de serie negra con toques fantásticos en el futuro?
Os Cempés
Autor/a
Alégrome que preguntedes iso!! está ben que se aclare:
Antes de comenzar, pensamos en facer a edición por medio de Creative Commons, ainda estamos investigando a opción, ainda que cada dia o vemos máis lonxe.
Realmente queriamos dar un toque de atención á SGAE da que somos socios 3 membros do grupo, dende que fixemos o primeiro C.D. xa que a mala fama que ten entre a xente no é por nada, tena ben gañada,e mais ultimamente.
Pero tamen hai moito descoñecemento do que é a SGAE, e moita xente está confusa.
Isto leerano os demáis mecenas, asi que intentarei expor un par de conceptos:
O Copileft ou creative commons non significa que a descarga seña gratuita nin que se poida usar a grabación para todo o que queiras, hai varios niveis de protección das obras aos que pode acoller as obras o autor ou arranxista, o nivel máximo é prácticamente o mesmo que aplica a SGAE: (non reproduccion con fins comerciais, Non modificación da obra e inclusión noutra sin recoñecemento expreso ao autor...etc. ).
A principal ventaxa de este modelo é que se permite (se o tipo de licencia que escolles o contempla) reproducir de xeito gratuito en medios de difusión, radio, internet (principalmente), sin que ninguén vaia reclamar nada aos medios.
Isto é mui util cando un artista novel precisa a máxima difusión para un proxecto novo, e quere darse a coñecer.
Tamén cando queres que esa obra seña interpretada por outros e modificada sin medo a que ninguén lle vaia pedindo contas cun xuiz.
Pode ser unha boa filosifia, e por iso estamos enterándonos da posibilidade de usar este método.
Non estamos mui dacordo con algunhas prácticas de SGAE, e nada de acordo con cousas como o Canon Dixital e perseguir interpretacións en concertos benéficos, etc. pero hoxe por hoxe é a única entidade de xestión de dereitos, que ten infraestructura para realizar o seu cometido teórico: cobrar polo uso das músicas que crean ou recrean os seus socios cando estas se reproducen nun ambito no que axudan a gañar cartos a outros cando se reproducen en locais de ocio, concertos nos que se cobra entrada ou ainda sendo gratuitos, vendense outros artigos, (alcohol por exemplo), radios comerciais, programas de televisión, cine...
Existe a posibilidade de que a xente ao ver no C.D. o simbolo da licencia Creative Commons, considere que o CD se pode colgar en internet para descargar libremente ou usar en calquera situacion sin que se lles poida reclamar nada, co posible perxuicio para eles mesmos si se lle reclama dende a entidade de xestion.
O tema é lioso, e mui extenso, e estamos mirándoo, pero respondendo xa á túa pregunta:
É mui probable que o Disco se licencie na SGAE:
As obras compostas por nos sendo nós os autores, e as que son arranxos de temas tradicionais e de obras de dominio público figurando como arranxistas quenes fagan os arranxos.
Se temos a capacidade de autoeditar o disco, o 100% dos dereitos serán para os autores, (nós) se non é asi e temos que chegar a un acordo con unha editora. Probablemente teremos que compartir durante un tempo unha parte de eses porcentaxes con ela, para que recupere a sua inversión en fabricación, xestión e promoción da edición. pois na venda de discos de folc e tradicional hoxe so os músicos nos directos teñen oportunidade de rentabilizar a edición... as casa discográficas venden mi pouquiños discos nas tendas, e do que venden pouco lles queda (e menos aos que os grabamos).
Espero ter respondido á pregunta.
Se tedes máis preguntas adiante, responderémolas o antes posible.
Oscar (por Os Cempés).
Un Saudo.
Birnarem
Cales serán os dereitos de autor da obra gravada? Distribuirase de modo copyleft ou baixo copyright e xestionada por algunha entidade de dereitos de autor?