SOS Revista Soberanía Alimentaria

Temos logrado, grazas ao voso compromiso, pechar este ano mantendo viva a revista e sorteando o risco de quebra. Porén, aínda nos atopamos nunha situación de debilidade que precisamos transformar en continuidade, aumentando a nosa comunidade de socias e subscritoras.

O noso obxectivo é chegar aos 35.000 euros nesta campaña. Este fondo vainos permitir, para o vinderiro ano:
• Actualizar o deseño da maquetación e da web.
• Impulsar o noso labor de investigación en profundidade.
• Crear novos formatos audiovisuais.

A revista

Nacemos para poñer a terra e a alimentación no centro, porque o pode cambiar todo. Alimentación é terra, ruralidade, sector primario; é memoria, relacións e coidados; é creatividade, soberanías e reprodución da vida, entre outras moitas cousas. Estamos convencidas de que abrir a mirada ao noso vínculo político coa terra e a alimentación enriquece, axita e transforma o que temos ao redor.

Convidando a autoras ao redor dun tema, con tres números anuais, temos conformado unha hemeroteca na que habitan xornalistas, labregas, investigadoras, activistas ou simplemente persoas inquedas de aquí ou de territorios máis lonxanos. Conviven tamén as linguaxes, que temos procurado que sempre conviden, que sexan accesibles e amables. Relatos, experiencias, entrevistas, reportaxes, ensaios, conversatorios, recensións, poesías. Tamén, 54 ilustracións de portada que protexen e acompañan cada conxunto de textos, un agasallo en tamaño A3, papel reciclado e a todo color.

E neste camiño, tamén se xerou, sen publicidade nin promocións, unha contorna de afinidades de decenas de organizacións e persoas lectoras, socias e suscriptoras. Unha contorna que respira, reacciona e confronta.

Moito máis que unha revista

En Soberanía Alimentaria non só publicamos unha revista. O noso obxectivo é xerar debate e pensamento crítico e para iso organizamos e colaboramos en encontros presenciais xunto a otras organizacións, universidades ou administracións e temos presenza noutros medios de comunicación (Radio 3, O Salto, La Directa, etc.). Tamén impulsamos webinars de acceso gratuito, para afondar en determinados temas e, puntualmente, lanzamos manifestos públicos. Entre eles, destacou no 2022 a Declaración por un sistema alimentario baseado na agroecoloxía e na soberanía alimentaria, que subscribiron máis de 500 colectivos.

Considerámonos unha publicación feminista que coida a linguaxe, os enfoques, a diversidade, os procesos e o diálogo de saberes. Participamos habitualmente en foros de comunicación feminista e o noso traballo foi recoñecido pola Asociación de Mulleres Xornalistas de Catalunya, co Premio de Boas Prácticas de Comunicación Non Sexista.

Por que o papel é un acto de resistencia?

Hoxe, pensamos que o papel representa unha ferramenta política a reivindicar:

• Permite una pausa fronte á velocidade. Nun mundo abocado ao inmediato e ao disperso, o papel fai que nos deteñamos e entreguemos a unha lectura plácida e reflexiva. Non interrompe con notificacións, non precisa batería nin cobertura.

• Profundidade e complexidade. É o formato ideal para unha comunicación a lume lento. Permite analizar os contextos, degrañar os argumentos e ofrecer a complexidade necesaria para construír ou deconstruír opinións e combater o reducionismo.

• Un obxecto de valor. A revista convírtese nun arquivo, un documento coleccionable e unha declaración de intencións na túa propia biblioteca á que podes recorrer para consultar e compartir.

• Ademáis, o papel non é rastrexable. Non queda rexistrado en ningunha empresa a que dedicas a túa atención nin se garda en ningún historial con fins lucrativos.

De cualquera xeito, todos os nosos contidos están dispoñibles en aberto na nosa web, para que os poidas ler dende os teus dispositivos e compartilos neste formato con quen ti queiras.

Que atopas no interior da revista

Estas son as diferentes seccións da revista:

• Portada, un contido máis. A artista plasma a súa idea sobre o tema principal nunha linguaxe que enriquece e acompaña ao resto das contribucións.

• «Amasando la realidad»: a sección máis ampla, con artigos sobre o tema principal de cada número, abordado dende diferentes olladas e ámbitos e a partir de diferentes formas de escritura. Entrevistas, ensaios, reportaxes, datos, experiencias…

• «De un vistazo y muchas aristas»: o conversatorio. Nestas páxinas reunimos a 2-4 persoas para charlar como nunha sobremesa.

• «En pie de espiga»: sobre debates actuais. Adoitan ser, especialmente, conflictos territoriais.

• «Visitas de campo»: proxectos e experiencias prácticas. Reportaxes, relatos ou entrevistas dos que extraer aprendizaxes e inspiración. Gústanos que se escriba en primeira persoa.

• «Palabra de campo»: creatividade e cultura. Recensións, artigos vivenciais, de estilo libre ou literario e columna de opinión.

Na nosa canle de Vimeo podes ver os debates de presentación de cada número, onde contamos con algunhas autoras.

Ademáis, levamos varios anos elaborando un pódcast de cada número co programa Toma la Tierra. Podes revisalos e escoitalos aquí.

Sustento económico

Porén, nos últimos anos, os esforzos cada vez máis grandes do equipo para manter económicamente o proxecto non son suficientes. Temos chegado a un punto no que o responsable e coherente é facer pública esta situación de tensión capital-vida e pedir axuda.

Procuramos:

• Garantir a supervivencia e autonomía da revista, tratando que o 75 % dos fondos cheguen directamente de achegas periódicas de persoas e organizacións.
• Que o impulso colectivo desta campaña faga que máis xente nos coñeza e acceda aos debates e contidos que habitan a revista Soberanía Alimentaria.
• Seguir tecendo redes entre movementos sociais, entre a academia e o campo, entre a cultura e a natureza.

Quen hai detrás?

Somos un proxecto colectivo, plural e descentralizado. A nosa forma xurídica é a de asociación e a xunta directiva representa á asamblea de asociadas, que actualmente consta de máis de 60 entidades e un cento de persoas a título individual.

A coordinación e xestión cotiá está a cargo de El Pa Sencer (O Pan Enteiro), unha cooperativa da economía social e solidaria formada por parte do grupo impulsor da revista.

O equipo coordinador, formado por Patricia Dopazo, Gustavo Duch, Tomàs de los Santos, Carles Soler e Amal Tarbift conta co apoio do comité editorial, un grupo interdisciplinario de diferentes idades, dedicacións e procedencias que asesora ao equipo coordinador nos contidos, temáticas e enfoques.

Ademáis, a publicación non sería posible sen tres piares esenciais:

• Eva Calvo, correctora de textos e xestora da nosa web.

• Raúl Fernández (Marea Vacía), deseño e maquetación da edición en papel.

• Imprenta Gertu, en Oñati (Gipuzkoa) onde temos impreso a revista dende o seu primeiro número.

Consegue recompensas exclusivas

Subscrición ao ano

A subscrición inclúe tres números da revista ao ano, cada un cunha temática central diferente.

Ademais, se te subscribes, verás o número de finais/inverno da revista xeral, que acaba de ser impreso ao comezo da tempada, cuxo tema é "Campesinado y cultura de paz".

Lembra que tamén podes agasallarnos a quen ti queiras. Recibirá as revistas no seu domicilio e unha tarxeta de agasallo coa túa mensaxe (cando remate a campaña pediremos os datos de envío postal).

Vincularnos a la tierra, de Jeromo Aguado

Jeromo Aguado é pastor e labrego. Unha figura recoñecida en todo o estado español polo seu compromiso co mundo rural e a xeración de múltiples iniciativas: a Plataforma Rural, a Universidade Paulo Freire, a acollida de inmigrantes... Vincularnos con la Tierra recolle por primeira vez máis de 30 anos de disruptivas reflexións e os seus ataques ao progreso. Como el sempre repite, "non te metas cun pastor, que temos moito tempo para pensar". Lanzamos en primicia este libro que será ecoeditado pola cooperativa Pol·len Edicions. Pol·len Edicions é unha editorial independente, practican a ecoedición: forma de enfocar a edición que reduce o impacto ambiental, o comunica (a través da mochila ecolóxica) e, se é preciso, o compensa. Ademáis, este precioso libro o terán xunto con dúas láminas de agasallo a escoller.

AHRDE, Andreea Birsanu, Sandra Carmona, Bitxo e Inés Alba ofrécennos a súa arte para compartila contigo. Son láminas A3 das portadas dalgúns números publicados da revista Soberanía Alimentaria, Biodiversidad y Culturas.

Poesía visual baixo o teu brazo

O periodista, editor e poeta Ferran Fernández agasállanos este poema visual inscrustado na bolsa de tea que temos deseñado para a campaña. Podes elixir entre estas cores xunto coa túa subscrición!

Comparte produtos ricos da terra coa túa familia

Non quixemos deixar pasar a oportunidade de contar coas nosas produtoras e produtores favoritos. Poderás desfrutar de ricas conservas de El Perol, aceite de xirasol virxe extra ecolóxico de EcoPipa e viños naturais de La Zafra.

A que destinaremos as vosas aportacións

Con 20.000 € cubriremos principalmente gastos parciais de produción da revista:

• 15.000 € para gastos derivados da publicación e distribución de 3 números ao ano.

• 2.000 € para mantemento e xestión do sitio web.

• 1.500 € para persoal dinamizador da revista.

• 1.500 € para gastos de xestión do Verkami.

Faite socia e forma parte do colectivo!

Calendario previsto

Todas as recompensas faranse efectivas no mes de marzo de 2026, a excepción dos concertos ofrecidos e o festival da terra.

+ Info

• Segue o proxecto no Instagram

• Tamén estamos en Facebook

• Visita as nosas contas de: Mastodon, Bluesky.

• Se queres escoitar os nosos pódcast visita Toma La Tierra

• Se che apetece afondar nos temas que tratamos, entra na nosa canle de Vimeo