"¿Y si después de las alas de los pájaros,
no sobrevive el pájaro parado?
(César Vallejo)
"A estrañeza do paxaro afundido" é un conto filosófico que se desenvolve no contexto do circo itinerante. Mentres retratamos a vida trala escena, falamos da estrañeza de estarmos vivos con sinxeleza e pequenas dosis de humor.
Para amantes do circo, dos paxaros e da estrañeza.
Sinopse
A nosa historia comeza así: unha mañá de néboa un enorme corvo pasa voando diante dos nefres do Trasno. Ambos os dous, o home e o paxaro, sobresáltanse nese inesperado encontro. E ambos os dous amosan a mesma reacción: berrar. Coma se lle quixese decir algo, o berro do corvo queda gravado na memoria do Trasno. Pouco despois, mergullado na auga, o Trasno descubrirá o seu significado...
Recompensas
As recompensas serán entregadas a partires do mes de decembro e ata finais de febreiro, segundo a achega que cada un de vós teña feito.
- A ligazón en première á película estará lista en decembro; a ligazón en aberto (unha vez que remate o seu percorrido por festivais) tomará máis tempo e dependerá do percorrido efectivo da película.
- A estrea terá lugar en xaneiro nun auditorio de Santiago de Compostela.
- As entradas para o espectáculo de Pistacatro estarán dispoñibles dende xaneiro a febreiro. Poderedes escoller a data que mellor vos cadre dentros das que vos propoñamos nese intre.
- Os envíos de material impreso faránse no mes de decembro. Os gastos de envío van incluídos na achega.
Quen somos
Esta película nace do encontro de Sebastián Uría con Pablo Reboleiro, artista de novo circo e fundador da compañía Pistacatro, e Marta Alonso, bailarina e fundadora da compañía de danza Traspediante.
A nosa idea é desenvolver o potencial expresivo das artes circenses na pantalla. Queremos fornecer diversión e beleza a partes iguais.
A partir dese núcleo reunimos un pequeno equipo para levarmos a cabo o proxecto. Contamos con Iago Vilarinho na fotografía, con Luca Silva na decoración, con Claudio Canedo no son, con Paula Quintas no vestiario e mais con Diego Torres na edición de imaxen. Todos eles son profesionais consagrados do audiovisual gallego.
A qué destinaremos as vosas achegas
Destinaremos as vosas achegas ao aluger do material profesional de rodaxe (ópticas, gravadora de son, micrófonos, etc) e aos gastos de preparación da rodaxe, o que inclúe nomeadamente a fabricación dos decorados.
Como adoita ocorrer nos proxectos de curta todos nós traballamos de balde ou, coma din ás veces, "por amor á arte".
Calendario previsto
A rodaxe terá lugar entre o 18 y el 21 de outubro en Santiago e a súa contorna.
O mes de novembro dedicarémolo á posproducción completa: montaxe de imaxe e de son, mestura de son e corrección da cor.
Para o mes de decembro teremos lista a versión definitiva da película.
Ligazóns relacionadas
Aquí máis información sobre o noso equipo:
Se tedes algunha pregunta non dubidedes en escribirnos a "[email protected]", ou ben no taboleiro de preguntas de máis abaixo.
¡Graciñas e deica logo!
4 comentarios
Si xa eres mecenas, iniciar sesión para comentar.
Vicente Reboleiro
Un proxecto do Novo Circo Galego. Démoslle ás para que voe
Fer Lzld
Mucho éxito!
[email protected]
Suerte!
Manuel María Uría Gómez
Moitos azos no voso proxecto!!