❗️Para poder empregar Verkami debes facelo dende outro navegador. Instala ou entra desde: Microsoft Edge, Chrome ou Firefox. Microsoft deixou de actualizar o navegador Internet Explorer que estás empregando e deixou de ser compatible coa maioría dos sitios web.

¡Descubre los 10 Verkamis que marcaron el 2019!

GUIA DEFINITIVA DAS AVES DA GALIZA

A recreación dunha obra central do imaxinario ornitolóxico galego. Unha guía perdida, culta, naif e definitiva.

SORIANOURENSANA de LIBROS

Un proxecto de

Categoría

0
segundos
389
Achegas
11.115€
De 5.500€
Achega ao proxecto

BENVIDOS

Benvidos á campaña de subscrición popular da Guía definitiva das Aves da Galiza. Somos Nacho Munilla e Pancho Lapeña e recorremos a vos para editar e publicar esta guía de aves a medio camiño entre a realidade e a ficción científica.

Na Guía definitiva das Aves da Galiza describimos 33 especies de paxariños comúns da avifauna do noroeste ibérico e informamos sobre as trazas que mellor as describen; sobre a súa bioloxía, hábitats, costumes e personalidade. Incluimos tamén unha sección de etnografía e folclore paxareiro, por veces popular, por veces literaria.

Tódolos paxaros van ilustrados nas súas cores e levan a carón a súa copla, canción ou poema manuscrito. As ilustracións son de Pancho e os textos de Nacho.

Concretamente, o proxecto consiste na maquetación e edición de 800 copias dun libro de 120 páxinas a toda cor (4/4 tintas CMYK) en papel offset reciclado e con cubertas duras de 15 x 21 cm.

.

.

HISTORIA DA GUÍA

O 11 de novembro de 1944 a imprenta da editorial londinense John Constable & Sons, resulta gravemente afectada por un dos mísiles V2 cos que o agoniante réxime nacionalsocialista alemán pretendía, á desesperada, tornar o curso da guerra. Por entre as cuantiosas perdas provocadas polo incendio que ao longo dos seguintes días devastaría prelos e almacéns figuraban os caixóns nos que se embalaran os mil exemplares da primeira edición da Guía Definitiva das Aves da Galiza, de Salvador Lueiro, listos para seren enviados por barco ao Centro Galego de Bos Aires.

E ben podería rematar aí a historia da Guía, esvaída en fume e cinza, de non ser porque a casualidade quixo que tivésemos a sorte de dar cunha caixa que durmía nos arquivos da Biblioteca Alexander do Departamento de Zooloxía da Universidade de Oxford. Esa caixa contiña os poucos restos da Guía que se salvaran do lume, e foi a partires deses restos que nos imaxinamos a Guía.

Foto feita a correr dos poucos restos que sobreviviron ao lume
Foto feita a correr dos poucos restos que sobreviviron ao lume

SALVADOR LUEIRO

Esta nosa guía inspírase no personaxe de Salvador Lueiro, naturalista, ornitólogo, ilustrador e divulgador científico. A figura de Salvador encarna unha certa maneira de estar e de comprometerse. Ao rescatar a súa obra perdida, naif, culta e definitiva queremos homenaxear a toda esa xente de ciencia e ben obrigada a marchar á forza desta terra nosa.

E PORQUÉ DEFINITIVA?

É definitiva porque foi concebida como obra de divulgación útil e atractiva para para pequenos e maiores, para legos e iniciados, para espíritos sistemáticos e para espíritos románticos.

F.A.Q (PREGUNTAS MOITO REPETIDAS):

1. A guía vosa é unha guía convencional? Non, para nada. Non é convencional porque é máis para ler que para consultar.

2. Vale esta guía vosa para iniciarse no amor ás aves? Si. E non hai outra mellor.

3. E vale para iniciarse na observación das aves? Se cadra sí, mais non dun xeito convencional.

4. Máis é unha guía de campo? De campo, de campo… Ten as tapas duras e non colle nun peto.

5. Cóstavos concretar as vosas respostas? Mmm

7. Choverá mañán? Seica.

Munilla & Lapeña

Nacho Munilla e Pancho Lapeña, malia non estar unidos por unha relación de parentesco, comparten estirpe, modos de afrontar a vida e actitudes parellas fronte as marabillas da natureza, que eles adoitan ver nas cousas pequenas e minúsculas. O da estirpe compartida ven do feito de proceder ambos da unión dunha muller de Ourense cun home de Soria. Nacho é doutor en bioloxía amante do estudo e contemplación das aves e dos lugares nos que elas viven, sexan mares ou montañas. Pancho fai por combinar disciplinas aparentemente inmiscibles como a arte musivaria e a filosofía. Se cadra é por iso que debuxa e pinta as aves cun aquel humorístico, inspirador e poético.

O DESTINO DAS VOSAS ACHEGAS

SOBRE AS RECOMPENSAS

Para numerar os exemplares empregaremos unha numeradora manual, concretamente o modelo P-7 da casa ARTES. Sinaturas e dedicatorias farémolas con rotulador ou cun marker non moi groso.

As dedicatorias exclusivas constan dun mínimo de catro versos co nome da persoa e do paxariño que ti queiras. Xa que logo, dinos un nome, a idade (aproximada, é para nos facer unha idea) da persoa que leva ese nome e máis escolle un dos paxariños da Guía. Nos compoñeremos unha dedicatoria con eses dous datos. Se nos queres facilitar máis datos desa persoa á que lle queres dedicar o teu exemplar da Guía para os incluir na dedicatoria es benvido. A ver o que sae. Non garantimos a rima en consonante.

CALENDARIO PREVISTO

Nestes momentos a edición está practicamente completada pois so fica rematar a maquetación. Poñerémonos coa maquetación de contado así que contamos con mandar o libro ao prelo dentro dun mes. Despois haberá que contar con 3 semanas de imprenta. Se todo vai ben a recibirás o teu libro persoal, único e intransferibel dúas semanas despois de pechar a campaña a moito tardar. Contamos con facer unha rolda de presentación da Guía polas 5 principais cidades de Galicia.

ENTREGA DOS EXEMPLARES

Un dos propósitos da rolda de presentación da Guía é o de facilitarvos a recollida dos vosos exemplares. Mais se non vos é posible asistir contade con que os gastos de envío van incluídos nos importes indicados nas recompensas. Iremos anunciando os lugares das presentacións conforme vaiamos pechando as datas.

+ Info

Dado que nos non formamos parte de rede social dixital ningunha e tampouco non é probable que o fagamos no futuro, temos pensado parasitar as redes das nosas numerosas amizades. As nosas amizades están avisadas e mais pertencen e participan dos máis floridos eidos da cultura alternativa galega: filosofía, arte contemporánea, deseño gráfico, artes escénicas, kabuki, creación literaria, música, ensino, conservación da natureza e ensino, entre outros.

Se queres saber algo máis de Nacho preme aquí

Se queres saber algo máis de Pancho preme aquí

Preguntas frecuentes

  • COMO INDICAR OS NOMES (PERSOAS E PAXAROS) DA DEDICATORIA

    Para facernos chegar os nomes que queredes que aparezan na dedicatoria poemizada e persoalizada (achegas de 25 e 30 euros) existen varias opcións:

    1. Usar a sección de "comentarios"

    2. Premer no botón "Pregunta ao autor/a"

    En calquera caso despois que remate a campaña nos poñeremos en contacto con vos para confirmar ou recabar eses datos.

  • COMO INDICAR A LÁMINA QUE PREFIRES

    Para indicarnos a lámina que preferides (achegas de 30 euros) as opcións son :

    1. Usar a sección de "comentarios"

    2. Premer no botón "Pregunta ao autor/a"

    En calquera caso despois que remate a campaña nos poñeremos en contacto con vos para que confirmedes a vosa escolla.

  • PODEMOS FACTURAR?

    Efectivamente, podemos facturar.

¿Tes algunha outra dúbida ou pregunta?

19 comentarios

Si xa eres mecenas, iniciar sesión para comentar.

  • Silvia Calvo

    Silvia Calvo

    9 meses

    Moitas gracias por esta preciosidade

  • Juliolaxe

    Juliolaxe

    9 meses

    Xílgaro, e o nome Albiña

  • diegocp

    diegocp

    9 meses

    Lavandería para Lois

  • Marieta

    Marieta

    9 meses

    Anduriña para Inès

  • Bárbara Reims

    Bárbara Reims

    9 meses

    Lavandeira para Diana

  • fredi

    fredi

    9 meses

    Xa poderes presentar na Terra dos vigotudos!!!

  • Segundo

    Segundo

    9 meses

    Lamina seleccionada -> lavandeira

  • Segundo

    Segundo

    9 meses

    Segundo -> Almixelo

  • Segundo

    Segundo

    9 meses

    Natalia -> Azulenta

  • Verme

    Verme

    9 meses

    Carriza para Mariña

#18 / PUNTOS DE RECOLLIDA ACTIVOS

Lembrarvos que os puntos de recollida de Compostela (Libraría Couceiro) e Ourense (Punto e Coma) xa están operativos.

Tamén continuamos a enviar polo correo.

Desculpade os atrancos coa distribución. Moitas grazas pola vosa comprensión coas nosas ineptitudes loxísticas.

libros listos para saír e coñecer mundo
libros listos para saír e coñecer mundo

#17 / PUNTOS DE RECOLLIDA EN VIGO E COMPOSTELA

COMPOSTELA

Arrokabe

Rúa San Pedro 94 2º

do 16 ao 20 de decembro

En horario de mañán (9:30 - 14:00)

por favor chamar antes ao 671 572 689

VIGO

Vai haber punto de recollida en Vigo

Avisamos en canto estea operativo !!

OURENSE

Vai haber punto de recollida en Ourense

Avisamos en canto estea operativo !!

presentando e repartindo (guías) onte na libraría Couceiro
presentando e repartindo (guías) onte na libraría Couceiro

#16 / DATAS CONFIRMADAS PRESENTACIONS SEMANA DO 16 AO 20

A VOAR !!
A VOAR !!

DATAS CONFIRMADAS DA XIRA DE PRESENTACIÓNS DA SEMANA ANTES DE NADAL

17 de decembro - 20:15 horas

A CORUÑA

Asociación Agra do Orzán

Rúa Entrepenas 38

18 de decembro - 19:00 horas

VIGO

Centro Visitantes Parque Nacional das Illas Atlánticas de Galicia

Edificio Cambón, Rúa Palma 4. Casco Viejo (detrás da Colexiata)

19 de decembro - 20:00 horas

LALÍN

Café Camilo

Rua Joaquim Loriga, 7

Mirámonos!

asinando e numerando
asinando e numerando

Asinando, numerando e adicando libros ás carreiras!!

#15 / AVANCE DATAS PRESENTACIÓN-RECOLLIDA DE GUÍAS

O xoves 12
ás 19:30 do serán

gran presentación da Guía

na Libraría Couceiro

Praza de Cervantes 6 (no cerne da Cidade Vella)

SANTIAGO DE COMPOSTELA

Alí teredes oportunidade de recoller as vosas recompensas e falarmos un bocadiño de paxaros

Desculpade o aviso tan enriba da data. Recibimos a confirmación da imprenta de que as guías xa estaban listas hai unha hora... Que nervios!!

Mirámonos!!

Outras presentacións confirmadas:

A CORUÑA

17 de decembro

Asociación Veciñal Agra do Orzán

Rúa Entrepenas 38

LALÍN

19 de decembro

Café Camilo

Estamos pendentes de confirmar unha presentación en VIGO

Ademáis en OURENSE estableceremos un punto de recollida en: Punto e Coma, Rúa da Paz 15

Seguiremos informando ;-)

#14 / A PIQUES, A PIQUES !!

Informan da imprenta que o libro xa está na encadernadora. Dixeron tamén que como moi tarde tardísimo estaría listo para o día 10.

Que nervios!

Para a semana mandaremos os formularios nos que confirmar os datos de láminas e dedicatorias. Neses formularios tamén recolleremos os datos de envío ou de recollida.

Estamos tamén a pechar a xira de presentacións nas que ademáis de falarmos de paxariños teredes oportunidade de recoller a vosa recompensa.

unha chasca á expectativa
unha chasca á expectativa

#13 / AÍ VAI A DESPEDIDA (DA CAMPAÑA DE VERKAMI)

Esta guía non tería sido posible sen a axuda e os ánimos que recibimos da máis marabillosa bandada de mecenas.

O noso agradecemento tamén aos medios que pousaron os ollos na Guía e lle deron difusión:
GCiencia portal de xornalismo e divulgación científica, O Barbanza-Edición Arousa Norte, Radio Galega e mais Sermos Galicia.

A Sonia e Fernando quenes corrixiron e modelaron a versión primixenia dos textos e mais á xente de Verkami por acoller e mirar polo proxecto con tanto xeito.

E por favor desculpade os atrancos e desfeitas dixitais na xestión da campaña. Éramos novatos!!

A campaña en Verkami remata o domingo 24 ás 15:00 horas. Despois seguiremos en contacto por email. Axiña informaremos dos seguintes pasos: como vai a edición, cando sae o libro á rúa (seguramente na segunda semana de decembro), datas e lugares das presentacións, cales os puntos de recollida...

ler máis

#10 / MELLORAS NA EDICIÓN PARA UNHA GUÍA AÍNDA MÁIS FERMOSA

Queremos aproveitar que a campaña está a marchar moi ben para introducir melloras na edición e facermos un libro aínda máis fermoso.

Aumentámoslle o tamaño a 17 x 24 cm (na foto do final vos facedes unha idea do aumento; non lle fagades caso ao texto, está en noruego).

Tamén melloramos a calidade do papel e máis a calidade da encadernación.

O luns entramos en imprenta!!

á esquerda o tamaño orixinal (15 x 21 cm) á dereita o novo tamaño (17 x 24 cm)
á esquerda o tamaño orixinal (15 x 21 cm) á dereita o novo tamaño (17 x 24 cm)

#07 / LISTA DE PAXARIÑOS PARA AS DEDICATORIAS

Aproveitando que a maquetación está a piques de rematar adiantamos un par de recortes coa lista de paxariños da Guía para que fagades a vosa escolla para as dedicatorias (achegas de 25 e 30 euros).

Tedes tempo para escoller -os que aínda non o fixestes- ate o fin da campaña (24 de novembro; e nese tempo podedes mudar de escolla cantas veces queirades). Ao final da campaña poñerémonos en contacto con todos vos para confirmar tanto o nome do paxaro como o nome da persoa da dedicatoria.

De todos modos, se alguén quere unha dedicatoria co nome dalgunha ave que non esté na lista pois supoño que non haberá problema. A equipa de poetas está lista ;-)

E se alguén se anima a compoñer a súa propia dedicatoria pois tamén é benvido. A equipa de poetas encargarase de transcribila.

#06 / PREDICIÓN ORNITOLÓXICA: CHEGARON OS MALVISES

Recibimos informes máis que fidedignos de que os malvises xa son chegados ás montañas de Cervantes e Ancares.

O tordo malvís, por nome científico Turdus iliacus, tivo un papel moi importante no nacemento desta guía.

É unha desas aves que veñen pasar o inverno canda nos.

Moitos dos que se achegan a Galiza veñen de Islandia, despois de cruzar as Illas Británicas e centos de kilómetros de mar.

Son grandes consumidores de froitos de acivro.

#03 / PREDICIÓN ORNITOLÓXICA

Atopámonos hoxe nunha xornada de transición á espera da entrada dunha fronte de paporrubios, picafollas, merlos e picas dos prados procedentes do norte de Europa. No mar, paso de mascatos de moderado a forte.

Vos imaxinades que houbese unha predición ornitolóxica semellante á predición do tempo?. E que a xente a consultase de cotío?. Que aspecto terían os mapas desa predición? Cales serían os seus símbolos?

20€
123 mecenas
GUIA NUMERADA E ASINADA

Un exemplar da Guía numerado cun deses cacharriños de numerar a man e asinado polos autores cun marker non moi groso.

25€
71 mecenas
GUIA CON DEDICATORIA EXCLUSIVA E PERSOAL

Un exemplar da Guía numerado e asinado polos autores con dedicatoria exclusiva.

Tes que nos dar o nome da persoa ou personiña protagonista da dedicatoria e máis escoller un paxariño. Garantimos unha dedicatoria exclusiva de catro versos (mínimo).

30€
114 mecenas
GUIA CON DEDICATORIA EXCLUSIVA E PERSOAL E MÁIS LÁMINA DE PAXARIÑO A ESCOLLER

Un exemplar numerado e asinado polos autores
+ Dedicatoria exclusiva
+ Lámina (25 x 40 cm) dun paxariño a escoller.

Tes que nos dar o nome da persoa ou personiña protagonista da dedicatoria e máis escoller un paxariño. Garantimos unha dedicatoria exclusiva de catro versos (mínimo).

Dinos tamén cal destas láminas prefires: carriza, lavandeira ou xílgaro.

35€
44 mecenas
DESCONTO POLA COMPRA DE 2 (DOUS) EXEMPLARES

Por suposto todos eles numerados e asinados por Pancho e Nacho

45€
10 mecenas
DESCONTO POLA COMPRA DE 3 (TRES) EXEMPLARES

Todos eles numerados e asinados por Pancho e Nacho. Faltaría máis!

50€
15 mecenas
DESCONTO POLA COMPRA DE 4 (CATRO) EXEMPLARES

Disque todos eles numerados e asinados!

60€
12 mecenas
DESCONTO POLA COMPRA DE 5 (CINCO) EXEMPLARES

Seique todos eles numerados e asinados!!

352 persoas que fixeron realidade este proxecto

215
son mecenas recurrentes de Verkami
137
son mecenas novos
  • tome.freire.isabel@gmail.com
  • Flora Granja Miranda
  • Verme
  • Elisa Casal
  • Leira No Sardiñeiro
  • Francis Heybrook
  • PGrande
  • Natasha Lelenco
  • La Isla del Tesoro
  • Jessica Martinez Maceiras
  • Miguel Grandío
  • Joan Sala
  • Ruben Amado Barcia
  • Dani Arias
  • Patriza Portopaderne
  • Xan Campos
  • milabudinho@gmail.com
  • tonio nr
  • baldorock
  • Sara Sarone
  • Carlos Meixide
  • Eva M Graña Gonzalez
  • SKARMENTO
  • Javier de Cominges
  • Bárbara Reims
  • miguelpenas
  • Roi Cuba Dorado
  • Diego Golpe Molinos
  • Esfenodon
  • Xoán Fontaíña Pérez
As cookies axúdannos a ofrecer a mellor experiencia. Configuración