Somos un grupo de jazz-rock progresivo que despois de tres anos decidimos lanzar o noso primeiro disco que resume todo o noso traballo ata o de agora e o que estamos a desenvolver.
QUE FACEMOS?
Somos un grupo con ganas de tocar que vivimos da música, Podedes mirar en Myspace e máis en Soundcloud o que facemos, ainda que é mellor que o escoitedes aquí directamente:
SÓS?
Non! Colaboramos con varios artistas e asociacións:
- Brais Ocampo, poeta, que acaba de lanzar o seu libro de poemas "Tu piedra mojada", interpreta un tema do disco connosco (o primeiro de moitos que virán).
- Local de Música de Pontevedra, que nos leva proporcionando desde hai máis de 3 anos un espazo para tocar.
- Asociación Musiquina 33mg, que nos botou unha man en máis dunha ocasión para realizar os nosos proxectos e ensaios, incluida a gravación deste mesmo disco.
- Chotokoeu, Festa e carallada, ¡grandes amigos e grandes músicos!
...ademáis de vós, o público, que nos dades ganas de volver en cada concerto.
CÓMO O IMOS FACER?
Non tenemos contratos discográficos de por medio, distribuimos as nosas gravacións cunha licencia Creative Commons, facemos as cousas nós mesmos e sendo coherentes con esta filosofía tamén queremos facer o álbum cos nosos propios medios.
Porén, hai cousas que se nos escapan. Temos que alugar estudio para gravar algúns instrumentos, masterizar a mestura que fagamos, encargar as copias e subir as cancións a iTunes e Spotify, entre outras cousas, que nos supoñen un gasto, e por iso vos pedimos a financiación para o noso proxecto.
QUE OBTEDES OS PATROCINADORES?
Ca vosa achega pódese, entre outras cousas, reservar o disco por adiantado (e por suposto, asinado), comprar entradas para o próximo concerto ou ser o patrocinador da nosa web que está en proxecto, entre outras cousas.
CANTO NOS CUSTA?
Aínda que non temos presupostos xa pechados, segundo os prezos de mercado o disco costaranos:
- 600€ as copias (unas 700)
- 150€ as horas de estudio.
- 400€ os materiais de impresión.
- 600€ as masterización.
- 50€ a publicación dixital.
Unha parte virá das vosas achegas, a outra, invertirémola nós e a recuperaremos dos discos que consigamos vender, e o resto que non está aquí detallado porémolo co noso traballo.
E COS CARTOS QUE CONSIGAMOS A MAIORES?
Se acadamos o obxectivo, os cartos sobrantes empregarémolos para facer máis copias físicas, así como para promocionar o álbum e aforrar xa para o seguinte, que agardamos que tarde menos que o primeiro ;-)
COMO ESTÁ INDO A GRAVACIÓN?
O proxecto en realidade xa está en marcha xa que estamos gravando algunhas partes nas nosas casas, e estamos á espera da financiación para aquilo que necesite dun estudio (concretamente as baterías e o saxofón) y para a fase de mesturas e masterización, e da de replicación e distribución.
Estamos xa dando pistas sobre o que será o disco a través das redes sociais e queremos aproveitar o lapso de 40 días para que coincida cos concertos que temos programados e ir anunciándoo, así como en medios e en roldas de prensa, aproveitando para animar a outros grupos a que exploren o modelo crowdfunding.
3 comentarios
Si xa eres mecenas, iniciar sesión para comentar.
Zahide
O mundo esta desfeitif1o que di meu abo...pero inda ased ves as tbnreaas cheas de xente, ali reunense os me1is senlleiros superheroes do pais para desgracia do crime orghanisado o cal lle deven pitaro os ouidos. Safados meu
lucas
Autor/a
Ola kaledonio. O disco agora mesmo está en fase de produción. Algúns dos integrantes retrasamos o proxecto, entre outras cousas por motivos de saúde, e outros abandonaron por motivos de traballo. Pero por sorte xa estamos enfilados de novo e rematando a parte de gravación. Como consecuencia de todo isto, os que levamos a produción do proxecto tamén somos menos (agora mesmo, só 2)
Despois disto virá a parte de misturas, durante a cal nos poremos tamén con todo o que son as recompensas. Agardamos empezar esta fase en decembro, aínda que non podo prometer prazos.
Máis adiante comezaremos co que é o mástering e as copias. Este proceso tamén pode levar uns meses, e non o realizaremos nós. A partir de aí, xa teremos todo listo para ser enviado.
De novo, sinto os atrasos e tamén o noso silencio. Pero, salvo polas causas de forza maior, sabede que estamos adicando tempo e esforzo a este proxecto, que como bo proxecto autoxestionado, leva máis tempo e ten máis atrancos do que nun principio contabamos.
Manterémosvos informados!
kaledonio
cando tendes previsto facer os envíos do disco?