PROSOPAGNOSIA

Honaino iritsi bazara, lehenenik eta behin...

ONGI ETORRI

Eta zertan ari zara (gara) hemen? Gaur egungo gizarte kaotiko honetan bizitza "surfeatzen"? Edo prest zaude une batez surfeatzeri utzi, gelditu eta nor zaren (garen) hausnartzeko, eta zergatik ez, gustatzen ez zaizuna (zaiguna) alde batera uzteko, zama gisa sentitzen duzulako (dugulako)? PROSOPAGNOSIA film laburrak horretara gonbidatzea du helburu. Prest?

SINOPSIA

Prosopagnosia (grezieratik), aurpegien itsutasuna ere deitua, gizartearen zati batek pairatzen duen gaixotasuna da, jendearen aurpegiak ezagutzea eragozten diona eta kasurik larrienetan bere aurpegia ere ezagutzeko gai ez dena.

Denok al dugu prosopagnosi mailaren bat?

Gutako asko "itsu" heldu gara helduarora, ez baitugu bidean tarterik hartu nor garen ezagutzeko, izan nahi dugunari buruz hausnartzeko eta izan nahi dugunarekin koherentziaz jokatzen ari garela bermatzeko.

Film labur honekin hausnarketa bultzatu nahi dugu, ikusleak bidaia bat egin dezan bere barneraino eta une bat har dezan bere erraietara begiratzeko eta zergatik ez, orain eta hemen, bidaia bat hasteko non dagoen ikusteko, inoiz ez baita berandu. Ala bai?

Animatzen zara gurekin bidaia honetan?

SARIAK

Sariak era askotakoak izango dira: zuen izen-abizenak kredituetan, kamisetak, poltsak...

Hala ere, pisu berezia izango dute nire bizi-esperientzian jasotako ezagutzek eta zuekin partekatzekoek: sendabelarren ikastaroa, Erraiak dokumentalaren proiekzioak edo solasaldiak, laburmetraia aurkezteko eta berau sortzeko prozesua azaltzekoak.

Hor dituzue. Ea zein duzuen gustukoen!

NOR GARA?

Abentura berri hau errealitate bihurtu nahi duena ni naiz, Ekain Martinez de Lizarduy Sturtze. Irakaslea naiz ofizioz, baina nahiko saltseroa afizioz. PROSOPAGNOSIA izango da nire bigarren ikus-entzunezko lana. Lehenago, ERRAIAK dokumentala egin nuen, eta izandako harrera ikusita, bigarren abentura hau egitera animatu naiz.

Nik gidoilari eta zuzendari lanak egingo ditut. Alderdi tekniko guztia KIND VISUALS ekoiztetxeak egingo du. Eta aktore gisa? Bada, gure herriko bi bitxi egongo dira: Itziar Ituño eta Kepa Errasti.

GIDOIA ETA ZUZENDARITZA

AKTORE

AKTORE

ALDERDI TEKNIKOA

NOIZ ETA NON GRABATUKO DUGU?

Grabazioa udazkenean zehar egingo da. Grabazioak Gasteizen egingo dira, eta aurreikusitako kokalekuak honako hauek izango dira:

NORA BIDERATUKO DIRA EKARPENAK?

Biltzen den diru dena dugun aurrekontuaren %55a eskuratzea du xede. Alderdi teknikoan erabiliko dugu biltzen den diru guztia.

Hemen laburbilduta:

AURREKONTUA

• Ekoizpena eta kudeaketa

• Errodajea

• Makillajea eta ile-apainketa

• Materialen alokairua

• Atrezzoa

• Edizioa

• ...

AURREIKUSITAKO EGUTEGIA

Grabazioak udazkenean egingo ditugu eta 2024 urte hasieran laburmetraia prest egotea espero dugu.

Sariei dagokienez, denetariko sariak daudenez, bakoitzak bere datak izango ditu. Hala ere, sari guztiak laburmetraia estreinatzen den eguna baino lehen banatuko dira.

Kanpainaren nondik-norakoak jarraitzeko hurrengo kontuak erabiliko ditugu:

Instagram-en: @erraiak
Twiterren: @ekhigain

Mila esker, aldez aurretik eta badakizue, zuen ur tanta bakoitza ezinbestekoa izango dela itsaso eder hau sortzeko. Orain, zuen txanda da. Aupa zuek!