Diagnostiko bat egiteko edo tratamendu bat izateko medikuarenera joatea gauza arrunta da kanpoko munduan. Baina preso den ororentzat bide oso zaila edo ezinezkoa da. Lander Garro, zuzendaria, kartzelan gaixo egotearen esperientzia bizi izan dutenengana joango da, zer ondorio duen hobeki ulertzeko. Diskurtso politikotik harago doan hizkuntza erabiltzen du, osasunerako eskubiderik ez duten presoen indefentsioa emozioen ikuspegitik esploratuz, artefakto zinematografkoaren baten bidez.
Film politikoa baino gehiago film artistikoa da Tipularen sehaska kanta, lehen pertsonan eta hesteetatik kontatua. 1942an kartzelan hil zen Miguel Hernandez poeta espainiarraren Nana de la cebolla olerkitik abiatuta, analogia historikoa egiten du filmak: 1936ko gerran preso hiltzeak zentzurik ez bazuen, zentzurik ba ote du gaur?
Sariei buruz
Zuekin partekatu asmo ditugun sariak, filmarekin eta Sare Herritarraren dinamikarekin lotura duten materialez eta eskaintzez osatu ditugu; Estreinaldirako sarrerak, filma zuzendariarekin partekatzeko aukera, kartelaren laminak, poltsa eta kamiseta esklusiboa...
Nor gara
Film-Dokumental honen osaketa lanetan, zuzendari gisa Lander Garro eta ekoizle gisa Sare Herritarra elkartea eta Gastibeltza produktora batu gara.
Lander Garro 1975ean jaio zen, Donostian. Argazkigintza ikastaroak egin zituen Bartzelonan, baina ikus-entzunezkoetan jardun du 2007az geroztik. Urte luzez EITBren saioak zuzentzen jardun zuen, hala nola Tumatxak, Soinu ehiztaria, Aulki jokoa edo Euskalonski. Bitartean dokumentalgintzan jardun izan du, eta azken urteotan horri emana bizi da. Idazlea ere bada, eta lau libururen egilea da: bi nobela (Kontrarioa, Susa 2010 eta Gerra txikia, Susa 2014)), eta narrazio liburu eta saiakera bana.
Sare Herritarra Pertsona ezberdinen artean osatutako herritarren sarea da. Giza eskubide guztien alde dauden pertsona guztiak biltzeko bokazioa du Sarek. Pertsona ezberdinek euskal preso, iheslari eta deportatu guztien giza eskubideen alde egingo dugu lan.
Gastibeltza Filmak 2018an sortu zen ekoiztetxea da. Egoitza soziala Senperen du. Euskal zinemaren garapenean eta sustapenean parte hartzeko helburua du. Horretarako, euskal zinemaren kate ekonomiko eta artistikoan katebegia izateko anbizioa elikatzen dugu, bi aktibitate osagarri eramanez: ekoizpena eta banaketa.
Zertara bideratuko ditugu zuen ekarpenak
Crowdfunding honen bitartez jasotako ekarpenekin film-Dokumental honen produkzio, edizio, itzulpen eta banaketa gastuak osatuko ditugu, filmak argia ikus dezan.
Aurreikusitako egutegia
Film-Dokumentalari azken ikutuak uztaila-iraila bitarten emango dizkiogu; iraila-azaroa tartean estreinaldia aurreikusiz, aurkeztu ahal izango dugun zine jaialdien erantzunaren esperoan.
Sari gisa ezarritako materialen banaketa irailean gauzatuko da.
+ Info
sare sozialak
Sare Herritarra:
webgunea: http://sare.eus/
Twitter: https://twitter.com/sare_herritarra
Instagram: https://www.instagram.com/sareherritarra/
Lander Garro:
wordpress: https://landergarro.wordpress.com/
Instagram: https://www.instagram.com/landergarro/
Gastibeltza:
Instagram: https://www.instagram.com/gastibeltza/
Facebook: https://www.facebook.com/search/top?q=gastibeltza%20filmak
Twitter: https://twitter.com/Gastibeltzafilm
7 iruzkin
Proiektuaren mezenas bazara, Saioa hasi iruzkina egiteko
Etxabe
ErtaInDu eta Irabazi
Maitaran
Bestelako bideak aztertu beharko ditugu espetxe sistemekin amaitu ahal izateko. Espetxeak hiltzen du! Gora zuek!
txikito
Denon artean lortuko dugu!
Lindus
Hau bezalako proiektu sortzaile gehiago behar ditugu gaixotutako presoak kalean dauden gaixoak bezalakoak izateko.
Leire Del Bosque
Gaixo kronikoa ta pentsioduna den 40 urteko emakumea naz. Ezin dut imagina ere egin, nolakoa izango ote zen nire bizitza, espetxeratuta banengo... beldurgarria benetan. Horregatik, nire ale txikia, eman nahi izan dut. Proiektu oso beharrezkoa ta ederra iruditzen zait, animo ekipo guztiari! Ta nire elkartasun osoa preso gaixoekin ta beraien familiekin. Mila esker ta eutsi!
Alfon
Aupa Txoto submarino
Joxean Agirre
Tipula mozteak negarra eragiten du. Zorioneko negarraldia!