Lelli Kelly’s levamos 10 anos facendo ruído por toda Galicia . Se algunha vez estiveches aí, xa sabes de que vai. E se non, este é o momento de entrar a formar parte.
Aghora sí!! Este Verkami é a edición en vinilo do novo traballo, un proxecto co que queremos recoller esta etapa da banda e levalo ao formato físico como merece, acompañado de contido audiovisual e todo o necesario para facelo realidade.
Non é só un disco, senón unha edición dividida en dúas caras que representan dous momentos e formas de entender á banda.
“PERDÓN”, un disco con 7 temas de estudo que marcan a evolución recente do proxecto.
“FÁLAME SEMPRE”, unha segunda parte con 4 temas gravados en directo en estudo, que recollen a enerxía máis inmediata e real da banda.
Ambos conviven nun mesmo formato físico, pensado como unha peza única onde o estudo e o directo dialogan entre si e amosan distintas caras do mesmo momento creativo.
Consegue recompensas exclusivas
Nesta campaña atoparás distintas formas de apoiar o proxecto e levar contigo un pouco dos Lelli Kelly’s.
A recompensa principal é a edición en vinilo deste lanzamento, un formato físico pensado para recoller os dous traballos da banda nunha mesma peza: a gravación de estudo e a de gravación de directo en estudo.
Trátase dunha edición exclusiva desta campaña, pensada para quen queira formar parte deste momento e ter o disco nun formato coidado e limitado.
Ademais do vinilo, haberá diferentes opcións e recompensas adicionais relacionadas coa banda, pensadas para achegarte máis ao proxecto e á súa nova etapa.
Lelli Kelly’s levamos 10 anos facendo Rock'n'Roll desde o Morrazo e tocando por toda Galicia.
E isto tamén vai contigo
Os lereques destinaranse ao master final, á fabricación do vinilo e das camisetas, e á promoción necesaria para que o lanzamento saia do estudo e chegue á rúa.
É o que fai posible que todo isto se converta nun lanzamento físico, real e presente. Sen esta campaña, non pode saír adiante tal e como está pensado.
Isto só é posible coa vosa axuda.
Calendario
O pistoletazo de saída de todo será o 16 de outubro, data na que celebraremos o concerto de presentación na Sala O Adro de Cangas.
A través da campaña poderase optar tamén á entrada para ese concerto como recompensa, ademais das demais opcións dispoñibles.
Ese mesmo fin de semana marcará o inicio da entrega das recompensas: quen as reciba no concerto poderá levalas en man, e para o resto comezarán os envíos por orde de xestión.
Ese será o punto de partida de todo.
Segue todas as novidades do proxecto e da campaña en:
Instagram
Youtube
Facebook
Spotify
Iremos compartindo actualizacións do proceso, do lanzamento e do concerto de presentación a través das redes.
Isto non é só un lanzamento
É un momento que levamos tempo preparando e que agora queremos facer realidade coas persoas que estiveron aí desde o principio e coas que se vaian sumando agora.
Se isto che di algo, arría os cuartos.
Se queres estar dentro disto, xa sabes onde estamos.
0 comentarios
Si ya eres mecenas, Inicia sesión para comentar.