Nuevu Discu de L-R

POST-FOLK-ASTURIANU

¿Qué ye?

El post-folk ye esperimentar d´otru xeitu la música tradicional asturiana.

L-R

L-R somos un dúu formáu por Leticia Baselgas (voz y percusión) y Rubén Bada (guitarres lléctriques y efeutos) y el nuestru proyeutu ye reinterpretar la música tradicional asturiana a traviés de la mestura de dos instrumentos mui estremaos: la pandereta y la guitarra llétrica. El principal oxetivu ye facer una llectura personal y contemporánea de la música asturiana pero calteniendo los ritmos tradicionales pal baille y xuntando otros soníos más averaos al blues, al jazz o al rock.

El post-folk ye saber qu´anguañu la música tradicional ta más viva que enxamás.

Una panderetera tamién puede tocar blues.

"¿El discu pa cuando ho?"

Sí, llegó el momento más esperáu...

Dempués de dos años tocando la nuesa música en direutu, creyemos que ya ye hora d´espublizar un discu pa que toos vosotrxs podáis sentilo y disfrutalo en casa. Munchos tais pidiéndolo a glayíos y sabemos que lleváis tiempu esperando, asina que vamos ponenos a ello.

¡Esti ye´l momentu y necesitamos la vuestra ayuda!

¿QUIÉN YE L-R?

Munchos ya nos conocéis pero pa tolos que nun sepan na de les nueses vides:

Rubén Bada

Rubén Bada ye ún de los músicos folk asturianos más valoráu internacionalmente. Vigulineru, guitarrista y conocíu más que nada por tocar el bouzouki. Foi parte de grupos como Xéliba, Corquieu, N´Arba, Dixebra, andechando cola Banda Gaites Llacín, Mari Luz Cristobal Caunedo, Tejedor o DRD. Anguañu forma parte de los grupos L-R, Aú?, Alce y Navaya, Alfredo González, Midnight Special y trabaya habitualmente cola Banda Gaitas el Trasno de Cuaña. Destaca el so llabor col grupu irlandés At First Light, el gaiteru John McSherry, el gaiteru Anxo Lorenzo o el irlandés Barry Kerr. Tamién apaez nel primer discu en solitariu de Sylvain Barou. Ente los sos reconocimientos, Rubén ganó el primer premiu nel concursu de pareyes instrumentales del “Muséu del pueblu d’Asturies” y tien un premiu “Amas” de la crítica musical asturiana como meyor instumentista.

Leticia Baselgas

Leticia González (Baselgas) ye una de les pandereteres más reconocíes del folklore asturianu. Formó parte de colectivos d´investigación etnográfica y cultura tradicional d´ente los que sobresal el Conceyu de Cultura Tradicional Vezos Astures. Foi miembru de grupos como Menaxatruá o Trovando Triu y tamién formó parte de l´Asociación de Música Tradicional "Muyeres". Nos últimos años llevó la pandereta asturiana a otros estilos musicales collaborando con artistes como Lorena Álvarez, Losone o Pablo und Destruktion.

¿Cómo puedes ayudanos?

Toles aportaciones son importantes. Tol dineru que recoyamos tará destináu na so totalidá a la grabación, edición y producción del discu.

Pa que puedas facete una idea, esti ye´l presupuestu:

L´oxetivu ye conseguir 2500 euros.

_Gastos de grabación y producción: 1100 euros

_Gastos d´edición: 1000 euros

_Gastos pa les recompenses: 500 euros

RECOMPENSES

¿Qué vas recibir na tu casa con tolos los gastos pagos?

Pegadiella y chapa

CD

Discu de vinilu

Tote bag

Camiseta

Póster

*La pandereta personalizada, la clase individual y/o el conciertu diseñaranse una vez fecha la donación y d´alcuerdu coles preferencies del mecenas.

CALENDARIU

El nuevu discu de L-R saldrá a la venta el día:

3 d´Avientu de 2018

*Vais recibir les recompenses a lo llargu del mes d´avientu.

LINKS

Si quies saber más sobre L-R, puedes seguinos nes nuestres redes sociales y na páxina web.

www.l-rpostfolkasturianu.com
Facebook
Instagram