OBXECTIVO INICIAL CONSEGUIDO!
Conseguido o obxectivo inicial grazas ao voso apoio. En breve empezarei coa producción, impresión e enmarcado.
Aínda faltan días para que remate o prazo de publicación en Verkami, polo que vamos ver se conseguimos aumentar a recadación aos 1600 euros, e así, en vez das 30 fotos previstas, chegamos ás 35.
E para premiar o voso compromiso, dos actuais e dos novos mecenas, de acadar o novo obxectivo, recibiredes, ademais do xa anunciado, un libro dixital en formato pdf, gravado nun CD coas fotos da exposición!
En breve dareivos xa data, lugar e hora da inauguración.
Moitísimas grazas e... continuamos!
As rúas das nosas aldeas, vilas ou cidades, son inmensos escenarios do teatro da vida. Cada día, as persoas na súa andaina vital, escenifican múltiples actos que normalmente nos pasan desapercibidos. Se por un momento nos paramos e observamos, veremos cantidade de situacións cotiás dignas de plasmar e documentar.
As imaxes deste proxecto/exposición foron tomadas en vilas e cidades de Galiza, Portugal, República Checa, Alemaña e Hungría durante os últimos dous anos.
QUE PIDO?
A túa colaboración económica para financiar este proxecto. Tentei reducir os gastos ao máximo, mais para conseguir unha impresión cun mínimo de calidade, enmarcado en passepartout e marco de aluminio, custa cartos. A cantidade necesaria para financiar a exposición é de 1400 euros. O ideal sería máis, pero con esta cantidade poderei levar a bo porto a miña idea.
Todo o que se consiga a máis, repercutirá directamente nunha mellor presentación das obras, na impresión de máis obras e nunha mellor e maior difusión pública do evento. O orzamento óptimo ascendería a 2000 €.
Se tes dúbidas de como colaborar visita a FAQ de Verkami.
Se tes problemas para realizar a túa achega a través deste método, ponte en contacto comigo a través dunha mensaxe, e arranxamos o xeito de facelo.
A QUE DESTINAREI AS VOSAS ACHEGAS
Impresión das 30 fotografías en tamaños 30x40, 40x60 e 50x75 en papel fotográfico de alta calidade, Cansas Photo Satín Premiun RC 270 gr, montado sobre passepartout e marco de aluminio negro.
Realización e impresión das recompensas.
Adecuación da sala de exposicións, música, iluminación, etc.
Soportes publicitarios, folletos, carteis e papelería en xeral.
Convites e ágape para o día da inauguración.
CALENDARIO
A idea é ter todo listo para abril ou como moi tarde a principios de maio.
ENTREGA DE RECOMPENSAS
As recompensas entregaranse unha parte, no mesmo acto de inauguración. O resto durante un periodo de tempo posterior, pois teredes que escoller parte das vosas recompensas na propia exposición, vendo as obras.
MÁIS INFORMACIÓN
flickr.com/photos/bertorosal
facebook.com/alonsopereira
@albertealpe
www.alberteapereira.com
6 comments
If you are already a sponsor, please Log in to comment.
Alberte A. Pereira
Author
Ola, Fernando.
Pois a idea é facer itinerante a exposición, na medida en que consiga onde colgala.
Agora mesmo teño seguro O Rosal, Carballiño e Chantada.
Estou vendo no norte de Portugal, resto de concellos do Baixo Miño, Vigo, Monforte...
A Coruña non teño ningún contacto nin sei onde poder levala, e si ma aceptarían. Se tes algún contacto ou me podes dar algunha idea, encantado.
Grazas polo teu interese no proxecto.
Saúdos!
Esetoscano
Hola Alberte !. Interésame moito o teu proxecto e desexo que chegue a bó porto. Xá verei o xeito de colaborar. Mais, agora, te pregunto si tedes idea dos lugares a percorrer na " viaxen " ? Eu vivo ná Coruña...Moita sorte !!!
Alberte A. Pereira
Author
Olá, grazas polos teus desexos, estou seguro que sairá, pois o ritmo é moi bon.
A inauguración vai ser pública. O convite fareino por correo a todos e cada un dos mecenas. Obviamente, podes traer contigo a quen queiras.
Moitas grazas e un saúdo.
Tuzaro_GZ
Boas, espero que saque adiante este proxecto. Teño unha dúbida, o convite a inaguración é pra unha persoa ou pode ser pra duas?
Alberte A. Pereira
Author
Ola Montserrat,
A data fixa aínda non a sei, pero a idea é que sexa en abril, na semana anterior a semana santa. O lugar, espero poder facelo no Rosal e senón, en algún dos concellos do Baixo Miño.
As fotografías claro que se poden escoller, tanto as que se darán en formato papel como nas que se ofrecen descontos polacompra ou de regalo das expostas, e enmarcadas sobre passepartout e marco de aluminio negro.
Moitas grazas a ti por interesarte polo proxecto.
Un saúdo.
Montserrat
Hola Alberte, sabes a data e o lugar da inauguración? Nas recompensas que inclúen fotografías pódense escoller as fotografías? grazas e moita sorte!!!