a volta dos nove

A VOLTA DOS NOVE é un documental de memoria oral que comenza na actualidade e viaxa, nun longo flasback, cara os anos trinta.

Por medio de distintas testemuñas orais, vamos a construir un feito que deixou marcada a unha comarca pontevedresa durante xeracións. Tra-lo golpe de estado do 17-18 de xullo de 1936, vai a comenzar unha longa Guerra Civil que vai durar hasta 1939.

O momento de climax desta historia vai a situarse en outubro de 1936, ainda recén comenzada a contenda.

Galicia. Pontevedra. O Val Miñor. Aquí non había campos de batalla. Non se escoitaban explosións. Pero hai vítimas que se agochan dos seus perseguidores. Personas que aparecen, asesiñadas, nas cunetas das estradas ou nas praias.

Na noite do 15 de outubro para o 16, nove homes van a ser sacados da prisión habilitada do Frontón de Vigo, onde esmorecían centos de personas afíns a democracia e a República, e levados as aforas de Baiona, 18 kilómetros mais lonxe e perto das súas casas. Alí, nunha volta da estrada que vai de Baiona a Guarda, que desde ese día ía a levar o nome deles, serían salvaxemente asesiñados. Era o final dunha vinganza que se iniciara dous días antes e que xa contabilizaba catro mortes mais. Pero era o principio dunha lenda: a das cruces de A VOLTA DOS NOVE.

Desde ese día e hasta ben rematada a ditadura, van a aparecer nesa mesma volta van a aparecer, dibuxadas no chan, nove cruces en lembranza dos nove homes. Malia a persecución na percura de quen poidera facer esas marcas e de ser constantemente borradas, as cruces seguían aparecendo un día tras outro durante eses corenta e tantos anos.

Hoxe o lugar é un espazo para a Memoria e as cruces mantéñense, agora impresas, como lembranza de todo aquilo que sucedeu e que é preciso lembrar.

O documental nace pois como si fose un desexo do/a dibuxante das cruces, como un continuador do facedor desas marcas que, parafraseando a Cernuda, nos está a decir: Lembrao ti e cóntallo a outros.

Este traballo comenzou a xurdir a partir de entrevistas a personas que viviron aqueles acontecementos ou que tiveron unha participación directa nos mesmos ou as familias que sufriron aquelas embestidas do cruel destino.

Con parte dese traballo realizouse unha curtametraxe que nos narra a historia que vai dar lugar a vinganza do día 15: o asalto a casa onde se agochaban os dous irmáns López Luis (protagonistas de parte desta historia) e que van a ser asesiñados xunto a muller que cuidaba a casa, Dolores Samuelle. Pero eles van a deixar un morto entre o grupo asaltante e que vai ser o motivo para desenvolver a posterior matanza. “Por un mataron a nove –comenta unha testemuña- iso non pode ser”.

Outro dos anacos que editamos a partires destas gravación foi o momento crucial do asesinato dos nove realizados con animación.

O material recollido durante estes anos foise editando pouco a pouco e hoxe está a punto de ser rematado. Pero faltan pequenos elementos que, polo seu custe económico non podemos levar a cabo e é o motivo de realizar esta petición de crowfunding.

A QUÉ DESTINAREMOS AS VOSAS APORTACIÓNS

Pasado xa un tempo, e logo de acometer outros traballos sobre memoria oral, é hora de intentar rematar este documental. Por iso facemos esta petición, pensando mais alá dunha donación, buscamos plantexar, co seu apoio a este chamamento de axuda ou non, a necesidade de acabar de conta-la historia (ou deixala sen facer).

As necesidades básicas do proxecto é a postprodución tanto en vídeo como en audio. Este é o motivo principal desta solicitude. Logo, en caso de superalas as primeiras expectativas ou cantidade incial, habería a posibilidade de crear a música adecuada para elo e/ou pagar os dereitos de determinados temas que nos gustaría aplicar no traballo así como o de mellorala edición do deuvedé.

CALENDARIO

O cálculo que temos previsto, dependendo doutras actividades a realizar dentro da a.c. O Faiado da Memoria e das dispoñibilidades das personas que estarían implicadas na fase final do documental, é de telo rematado para mediados de marzo de 2014. A continuación, tralos pases de estrea, entregaríanse os dvd's prometidos.