O FAIADO DAS PAPOULAS

DESCRIPCIÓN

O Faiado Das Papoulas é un libro de poesía libre, en tódolos seus aspectos.

Libre á hora de compoñer a estructura dos textos así como á de escoller, intuitivamente, cada unha das palabras que o forman.

Liberdade tiven eu, a autora das letras, e tamén foi así para a ilustradora e o deseñador, aos que enseguida vos presentarei.

Teño que recoñecer que este último, o meu ben querido Martinho Picallo Fontes (Luscofusco), estivo un chisco máis condicionado pois debía partir dunha premisa, unha necesidade miña:

"necesito aire, limpeza, pensa que denso xa é o que conto, preciso branco para poder soster o relato."

E así o fixo, coma sempre escoitou as miñas palabras, o meu sentir e, a partir desta indicación puxo en marcha a súa xenerosa creatividade para facer deste faiado un lugar no que querer quedarse a vivir.

Neste libro, ao que tanto amor lle teño, aparecen salpicadas ilustracións a toda cor, acuarelas creadas por Paula Pereira, muller á que admiro, coñecida como Cavalinho do Demo. Atopalas de xeito casual ao pasar as páxinas é como recibir un sopro de aire fresco que acariña e adoza o percorrido por este faiado cheo de emocións.

Aínda sendo intimista, esta obra non deixa de ter un carácter reivindicativo e mesmo social con poemas como "TÍTULO 2", onde falo do traumático que nos pode resultar ás mulleres, cando aínda somos nenas, comezar a sentirnos obxecto das olladas lascivas; ou "PARASITOS (Indefensión aprendida. Un fogar no que afogar)" que, como o seu nome indica fala de como nos ensinaron a normalizar os abusos; hai tamén outros máis revolucionarios coma "CABREO, FACERSE CARGO" , un chamado á rebeldía ou "TÍTULO 3" onde me dou o meu lugar nesta sociedade sen agardar a que mo veña dar ninguén.

Poderiamos dicir que hai nestas páxinas unha especie de catarse que desemboca nun lugar de calma onde se fai presente a beleza, o acubillo amoroso e a comprensión profunda.

Este poemario non só fala de min, fala, dun ou doutro xeito de TODAS.

QUEN SOMOS?

Baia Fernández

Escribo contos onde prima a atención ao emocional e o amor pola lingua e a natureza; adoro perderme e atoparme nos versos, a poesía é un recurso para expresarme dende o máis íntimo; combino esta paixón con outras como acompañar a persoas no seu proceso de autocoñecemento como adestradora emocional e facilitadora do Sistema Ludocorporal e a Terapia Corporal Evolutiva; deseño a caracterización de personaxes de teatro e son creadora de contido.

No ano 2016 tiven a honra de resultar primeira finalista no Certame aRi[t]mar Galicia e Portugal polo poema "Engano" recollido no libro "Unha Viaxe de Ruminantes" (2015). Neste 2025, co gallo do décimo aniversario, presentamos a terceira edición desta publicación que conta con poemas inéditos, ademáis dunha imaxe totalmente renovada e especialmente coidada, obra de Martinho Picallo, que poderás encontrar entre as recompensas deste proxecto.

Como podes ver a creatividade está moi presente na miña vida e o meu obxectivo é poñela ao servizo dos demais, especialmente das crianzas con dificultades para a lectura coas que me sinto moi identificada. Compartir o que me fai medrar dálle sentido ao meu paso por aquí.

Se queres saber máis sobre min, podes facelo na miña páxina web

Ou nas miñas RRSS:
@verme_editora
@baiafernandez_talternativas
@baiafdlt

Martinho Picallo Fontes

Deseñador gráfico e fotógrafo de profesión, alma inqueda de vocación onde habería que engadir traballos en investigación histórica, debuxo, tipografía, etc. O seu labor remóntase xa desde hai case 30 anos, comezando de xeito autodidacta. Na actualidade realiza traballos de carácter publicitario que aparecen en tendas e feiras internacionais no sector das telecomunicacións grazas á empresa para a que traballa.

Del son, ademais, “Laia” e “Caracol, cara de col” de Baia Fernández de la Torre; “Verbo na arria. Homenaxe literaria a Xohán Xesús González”; imaxe gráfica do colectivo “Alento esbravexo” (do que é tamén un dos fundadores) e a súa campaña “Unha manda de pezas para Isaac” (na que se reivindicou a figura de Isaac Díaz Pardo a nivel internacional); o grafismo para as “XX Xornadas de homenaxe a Valle-Inclán” celebradas na Pobra do Caramiñal; ou a imaxe gráfica e deseño da maqueta para “30 castelos e torres galegas para descubrir un reino” publicado por Nós Diario e Sermos Galiza (coordinado por Héitor Picallo Fontes) entre moitos outros.

@luscofusco_gz

Paula Pereira

Son Paula Pereira, ilustradora e ceramista.

Fixen varios cursos de cerámica e estudei Belas Artes e desta mestura naceu a minha marca Cavalinho do demo onde creo pezas ilustradas.

Tenho feito distintos traballos de ilustración tanto para editoriais, autoedicións, exposicións ou colaboracións con outros proxectos como etiquetas para produtos.

Vivo nunha aldea e este entorno inspírame moito no meu traballo.

@cavalinhododemo

EN QUE IMOS INVERTIR OS CARTOS?

• Imprimir o libro (que xa non é pouco), coma sempre coa mellor das calidades, con papel procedente de bosques sostibilidades, impresión ofset con tintas libres de metais pesados e con ilustracións a toda cor.

• Pagarlle aos artistas, tanto á ilustradora como ao deseñador que ben o merecen. Se me coñeces un chisco sabes o importante que é para min dignificar o traballo creativo.

• Pagarlle ás persoas que me axudan na xestión da campaña, moi merecido tamén, se non eu tolearía.

• Facer as recompensas.

• Gastos de VERKAMI.

• Pagar impostos. Si, amigas, pagamos impostos pois isto é unha pre-venda.

• Envíos, agardo que sexan moitos jijiiii... ogallá!

Se aportades abondo poderei ofrecer máis cousiñas bonitas que ideas teño a moreas hahaahah!

CALENDARIO

• Xuño: Fase de deseño e maquetación.

• Xullo: Finalización da maquetación.

• Setembro: Fase de impresión.

• Outubro: Entrega das recompensas.

Se fose posible realizar a impresión con garantías no mes de agosto, adiantaríase a entrega ao mes de setembro pero... non prometo nada.

POR QUE LER O FAIADO DAS PAPOULAS?