Asturpoli
L'Asturpoli ye'l xuegu de les poles, la cultura y la tradición económica d'Asturies.
Un xuegu con tableru, cartes, fiches, daos y Belarminos, la moneda del xuegu. Queremos facer un recorríu per tola xeografía asturiana y peles nuestres tradiciones económiques y eventos históricos propios.
Ye'l segundu gran xuegu de mesa n'asturianu que queremos publicar y pa facelo necesitamos el to sofitu. Acuto nun recibe nenguna ayuda pa la publicación ¿ayúdesnos tu a facelo posible?
¿Cómo ye'l xuegu? El xuegu base tien:
Tableru de xuegu de 48x48 cm
54 cartes pal desarrollu del xuegu
40 cubos a mou de puntos de valor
150 billetes
Peones y daos
Cartafueyu d'instrucciones
Característiques del xuegu
Ya seya col conteníu del tableru como col conteníu de les cartes, mentantu'l xuegu queremos que tea representada la mayor parte de la xeografía asturiana bien seya por llugares xeográficos determinaos o por cuestiones culturales o económiques que nos faigan llegar a ellos.
El xuegu va tener la toponimia de los llugares na so forma tradicional, pero'l conteníu de les cartes va tar en billingües asturianu-castellanu, polo que pue xugase a él tamién en castellanu.
Tipos de xuegu
Al Asturpoli vas poder xugar con un mou de compra-venta de llugares, ganando quien dexe en quiebra a tolos demás xugadores y tamién al mou Asturpoli, nel que tolos xugadores xuntos van xugar contra l'Especulador pa qu'ésti nun se faiga dueñu d'Asturies.
¿Cuándo vas tener el to Asturpoli?
Queremos que tengas el to Asturpoli nel mes de payares.
¿Cómo vas consiguilu si te fais mecenes?
Puedes escoyer ente que te lu unviemos a la to casa pagando los gastos d'unviu o recoyelu nunu de los puntos de distribución que collaboren con Acuto:
Xixón: Cuatro Gotes
Uviéu: Llibrería Trabe
Avilés (dos llugares): Tiza y Peonza y collacios o Olmar Regalos
Mieres: Decalupa
Noreña: La Semeya
¿A qué vamos destinar el dineru del Crowdfunding?
El 80% de los recaudáu va dir pa los gastos de diseñu y imprenta, el 12% va destinase a cubrir los gastos d'unviu y repartu y el 8% restante ye la comisión de Verkami.
12 comments
If you are already a sponsor, please Log in to comment.
Acuto
Author
Milenta gracies, Diañu d'Ozcos!
Diañu de Ozcos
Venga que ya lu tenemos ceo !
Acuto
Author
Munchísimes gracies, Ana 😊
Ana B. Marcos
Yes un crack chavales!! A por toes 💪
Acuto
Author
Munches gracies pol sofitu, Papi!
Xosé Francés
Ehí siguimos tando. Un abrazu.
Acuto
Author
Munchísimes gracies, Paz!
Paz García
Ánimu y a por toes!
Acuto
Author
Munches gracies pol comentariu y pol to sofitu, Txerra.
Txerra
Por muchas ideas así!