O tecido da memoria (My room number is cucumber)

O tecido da memoria (I)

Unha mostra documental na que se retrata por unha banda as memorias dunha persoa maior galega, unha muller de 88 anos que sufriu a emigración a Inglaterra e o seu intercambio social e cultural. A partir das súas anécdotas, realízase unha reconstrución dos sucesos pasados así como a súa actual relevancia.

My room number is cucumber (II)

Por outra banda, a partir desta construción realízase un debate interxeracional. A través do formato entrevista, a protagonista ademais de ser preguntada tamén recibe a intervención do entrevistador. Deste xeito, da memoria pasada "técese" unha reformulación dos valores manifestados, así como se crea un novo recordo a través do formato fílmico.

Quen somos?

O proxecto forma parte dun Traballo de Final de Grao de Comunicación Audiovisual da USC, polo que o equipo técnico trátase esencialmente de estudantes. A idea xurdiu a raíz dun traballo dunha asignatura no ano 2021, e culmina neste último traballo do grao.

Presenta un importante compoñente persoal xa que o director da obra é o neto da protagonista, nacendo a idea das conversacións mantidas ao longo dos anos.

Cal é o fin das aportacións económicas?

O diñeiro recadado empregarase para as necesidades de rodaxe (aluguer de equipo, dietas, desprazamentos), material complementario de arquivo, así como o envío ou inscrición da curta en festivais de ámbito nacional e internacional do sector audiovisual. Así mesmo, outra parte destinarase á elaboración das recompensas, que teñen como fin facer do proxecto unha creación colectiva, razón pola que todxs xs meceas formarán parte dos créditos da curtametraxe, así como se pretenderá tamén transmitir o carácter persoal da obra.

Calendario previsto

A rodaxe da curta terá lugar a finais de maio, así como a entrega das recompensas será nunha primeira instancia durante o mes de setembro. O percorrido de exhibición comezará a finais de ano, e principios de 2024, acorde ao calendario de festivais relativos á temática e xénero da curta, así como futuras proxeccións concretas en diversos lugares e centros por definir.

Redes + Info

As redes sociais de O tecido da memoria son:
Instagram
Twitter