Proiektu honen helburua adineko emakumeek jasaten duten indarkeria matxista azaleratzea da.
Ohituta gaude genero indarkeria beste testuinguru eta adin tarte batzuetan ikustera, eta gure proposamenak begirada beste puntu batean jartzen du.
Filma 80ko hamarkadan garatzen da Muskil izeneko baserrian. Bertan adineko bikote bat bizi da, Ixabel eta Pedro. Pedrok tabernan pasatzen ditu egunak, Ixabelek baserrian bakarrik lan egiten duen bitartean.
Egun batean, bizilagun berri bat iristen da, Luisa. Luisa eta Ixabel hobeto eramaten diren heinean, Pedroren tratu txarrak areagotzen doaz.
Iñake Irastorza: IXABEL
José Ramón Soroiz: PEDRO
Miren Arrieta: LUISA
Pentsatuta ditugun sarien bidez, gure esker onak erakutsi nahi dizkizuegu. Muskil film laburraren parte sentiarazi nahi dizuegu. Horregatik sari guztiek ekartzen dute eskerrak emateko gutun pertsonalizatua eta kredituetan izena jartzea.
Gutuna eta kredituetan aitortzaz gain, beste hainbat sari ditugu prestatuta, hala nola filma bera. Baita proiektua hasterakoan egindako dossier-a, film laburra prestatzerakoan edukitako inspirazioak eta motibazioak jasotzen dituena, eta gidoia. Horrela, esperientzian guztiz murgiltzeko.
Beste sari batzuk A5 posterra, guk diseinatutako tote poltsa, talde guztiak sinatutako poster digitala, eta grabaketa eguneetako eduki esklusiboak dira.
Baina dudarik gabe, eskaintzen dizuegun sari berezienetako bat eskuz margotutako baserriaren 3D irudia da, gure film laburraren sinbolo garrantzitsuenetarikoa.
*Sari guztiek bidalketa-gastuak barne dituzte
Marina, Eneko, Leire, Sara, Mikel eta Natalia gara, unibertsitatean ezagututako 6 kide. Bakoitza herri edo auzo desberdinetakoa, bere jakin-min propioarekin, baina oso ongi bat egiten dugu.
Marina Perosanz (@mmmarina03): zuzendaria. Eibartarra. Zinemazale handia, betidanik interes handia jarri duena zinemaren munduan. Txikitatik ahal zuen eta ikus-entzunezko eta idatzizko proiektu gehienak egin ditu, eta gaur egun nahi horrek hor jarraitzen du. Limbus Filmak ekoiztetxean dabil lanean.
Eneko Goikoetxea (@eneko_zip): Zuzendari laguntzailea. Zarauztarra. Argazkilaritza munduan aditua eta kamerarekin trebea. Zinema gustuko du eta antolatzen ere trebea da, horregatik aukeratu du zuzendari laguntzailearen postua. Burututako ikus-entzunezko ekoizpenen artean, bideo korporatiboak eta spotak aurkitu dezakegu.
Leire Llano (@lei.re._): Produkzio burua. Iruñekoa. Ikus-entzunezko hainbat arlotan lanean aritu da. Maltako Pineapple Media produktoran mota desberdinetako spot-etan produkzio, kamera operadore eta editore lanak egin ditu. Hala Bedi Irratian esatari, soinu teknikari eta erredaktore lanetan ibili da eta Ibai Altunaren La Cirila laburmetraian ekoizpen exekutibo eta produkzio laguntzaile lanak egin ditu.
Sara Iriarte: Produkzioa. Villabonarra. Arkatza, papera, liburu bat eta aurikularrak daramatza beti poltsan. Buruan, berriz, ideiaren bat, beti. Kazetaria eta komunikatzailea da Naiz Irratian, musikaria da eta baita Kolpeka dokumental txikien sortzailea ere.
Mikel Larrion (@la.rri.on): Argazki zuzendaria. Bergarakoa. Kamerarekin trebea eta hauetatik begiratzeko ikuspegi garatua du. Ikus entzunezko hainbat proiektu burutu ditu, hauen artean, spot-ak, bideoklipak eta profesionalki kamera operadore lanak Pixel Ikus Entzunezkoak enpresarentzat.
Natalia Berridi: soinu zuzendaria. Irundarra. Musika zalea da eta belarri ona du alor honetarako. Musikarekin lotuak dauden gauzak egiten dabil. Irudi eta edizioan ere trebea da eta gainontzekoentzat lanean aritzea nahiago du. Urola komunikazio taldean aritu da Erlo telebistan.
Zertarako erabiliko ditugu?
Zuen ekarpenak proiektua aurrera eramateko bideratuko dira. Dirua zertan erabiliko dugun kontatuko dizuegu:
● Aktoreak: Hona joango da diruaren gehiena aktore bakoitzari bere lanagatik ordaintzea gustatuko litzaigukeelako. Azkenean, 2-3 egunetan ibiliko dira gurekin lanaldi osoan lanean.
● Sarien ekoizpena: Muskil-en parte senti zaitezten nahi dugu eta, horregatik, hainbat gauza prestatu ditugu zuek proiektuaren zati bat gorde dezazuen.
● Kamara ekipoa
● Kilometrajea: Gure film laburraren zati gehiena baserrian da. Beraz, kilometrajerako nahiko dirua behar dugu.
● Katering-a
● Jantzitegia, Atrezzo, Makillajea eta Ile-apaindegia: 1980ko hamarkada ahalik eta hobetoen islatu nahi dugu.
● Produkzio gastuak
● Kontingentziak: Badaezpada.
● Apirilaren 25etik maiatzaren 13ra: Crowdfunding kanpainia.
● Maiatzaren 19tik 23ra: grabazio eguna.
● Maiatzaren 30etik ekainaren 5era: Posprodukzioa.
● Ekainaren 13tik aurrera: Sariak jasotzea .
Hona hemen proiektuko sare sozialak. Bertan kortoari buruzko informazio guztia izango duzue.
● Instagram: @muskilfilm
● Twitter: @muskilfilm
● Facebook: @muskilfilmlaburra
6 comments
If you are already a sponsor, please Log in to comment.
Gema
Muchas felicidades! Vamoooos! @gemazelarayan ❤️
Unai Aranguren Ansoalde
¡Impresionante! Vaya trabajo de producción. A más de uno les gustaría poder realizar un proyecto tan estable y firme como este. Me alegro de que esté yendo viento en popa. El mundo audiovisual necesita jovenes tan trabajadores como vosotros. Muchisimas gracias por vuestro granito de arena. Aupa equipo!
Irune Ariznabarreta
Aupa kuadrilla ea ateratzen dan. Sorte on.
Agusti
Mutxisima suerte
Manuel Zafra
Espero que todo salga bien.
Manuel Zafra
Espero que todo salga bien.