Falta Fai! Necesitamos da túa participación como produtor/a do videoclip de Deví e Medomedá interpretando o himno informal do San Martiño. Todas as achegas serán destinadas exclusivamente aos gastos de produción e difusión do vídeo, que poderás ver por adiantado na festa/concerto de presentación que celebraremos antes da súa publicación na Internet. Neste concerto, ademáis de "falta fai", Medomedá e Deví interpretarán cancións dos seus respectivos proxectos musicais. Data prevista: 22 de decembro de 2012.
"Falta Fai" representa un simbólico enfrontamento musical entre algúns dos membros da banda local Drinkin'tinto, que nesta ocasión deciden reencontrarse nunha pulpería do San Martiño, na que competirán por comer pulpo e churrasco cos seus amigos e amigas. Así sona "Falta Fai"! (colaboran Rama, Carballeira e Richón, de Calo).
Se estás interesado/a, podes realizar a túa achega cunha pequena aportación económica individual ou colectiva, que se verá recompensada conforme indicamos no proxecto de crowdfunding.
A rodaxe realizarase na feira do San Martiño (Teo) os días 10 e 11 de novembro. Estará producida e dirixida polos alumnos/as de Comunicación Audiovisual da Universidade de Vigo.
Contamos contigo, que falta fai! ;) Tod@s os mecenas que o desexen poderán participar como público figurante o día da rodaxe e recibirán unha copia en formato dixital (.pdf enviado por email) do guión e do storyboard do videoclip.
Os mecenas que aporten 20 ou 50 euros recompensaranse cunha lámina serigrafiada (formato A3) da portada do disco "Colleita Propia" dos Drinkin'tinto, que estará asinada por todos -incluído o Charlie - para vós, con motivo do 15º aniversario. A lámina entregarase na festa/concerto de presentación do videoclip, onde agradeceremos en público a túa aportación. Esta é a portada.
Lámina serigrafiada de "Colleita propia" con dedicatoria
Esta é a impresionante casa de turismo rural coa que recompensaremos aos premiados/as do sorteo*, que está situada na carballeira de Francos, onde se celebra anualmente a feira do San Martiño:
PARADA DE FRANCOS
Máis información e contidos en WWW.MEDOMEDA.COM
Tamén podes visitarnos en CREATIVO GALEGO
Foto: Chochi (agora botouse tamén á fotografía)
- Nota: As estadías na Parada de Francos estarán suxeitas á dispoñibilidade da reserva e o sorteo realizarase en público o día 22 de decembro na festa/concerto de presentación do videoclip, cun mínimo de 10 mecenas en cada un dos packs "en parella2" e "grupi".
2 comments
If you are already a sponsor, please Log in to comment.
Deví
Author
Boas! A xuntanza dalgúns Drinkin' para este proxecto débese á celebración do 15º aniversario da creación do grupo, que sobrepasa o ámbito musical a pesar da súa disolución como banda no ano 2003. Seguimos en contacto e a amizade mantén a mesma intensidade de sempre. Unha amizade ampliada a outras bandas que se crearon daquela ou posteriormente e coas que seguimos tendo moi boa relación.
No 2008 celebramos o 11º aniversario na Sala Nasa de Santiago e agora pensamos que o San Martiño sería unha boa oportunidade para xuntarnos de novo e pasalo ben no 15º, tendo en conta o agarimo que lle temos a esta feira local próxima a onde viviamos.
Será unha oportunidade única, cunha única actuación programada para finais de decembro deste ano, pero sempre seguimos en contacto polo que poderán xurdir novas ideas co paso dos anos... aínda que cada vez xa imos máis vellos jejeje
Graciñas polo teu apoio e seguimos ;)
Apertas!
coscollos
e logo como se vos dou por xuntarvos para facer este proxecto??? Tedes pensado seguir xuntos ou solamente é unha única actuación? Moita sorte seguro que o conseguides, paréceme moi boa idea