Segunda temporada d'Héroes ensin nome

QUÉ YE HÉROES ENSIN NOME

Héroes ensin nome ñaz nel añu 2020 dientro de les ondes de la Radio de la Universidá d’Uviéu col oxetivu de promover y d’esparder propuestes y proyeutos culturales que surden n’Asturies al traviés de pequeños podcasts al rodiu de 30 minutos onde s’analiza y se debate colos autores de los proyeutos con entrugues tanto formales como informales.

Col recrudecimientu del andanciu a finales d’esi añu, el programa abandona’l recintu universitariu pa realizase de manera independiente, cuntando la so primer temporada, realizada ente ochobre de 2020 y xunu de 2021 con 21 programes.

QUIÉNES SOMOS

Yedra Riesgo @yedriix

Radiollocutora por devoción, profe rural de profesión. Yá lleva nel llombru delles esperiencies radiofóniques na radio de de la Universidá d'Uviéu, foi ehí na Facultá de Filosofía y Lletres onde cursó los estudios d'hestoria.

Amante de la cultura y el mundu rural, ente les sos pasiones s'alcuentra viaxar, Portugal o Chile, son dalgunos de los destinos que la acoyeron mientres la so etapa de formación universitaria. Disruptiva y enérxica, especialmente con tolos temes qu'alberguen feminismu y memoria hestórica. Ente los sos proyectos más notables ta la esposición fotografica: Señardá y memoria encesa.

Raúl Alonso @raulnroses

Hestoriador pola Universidá d'Uviéu, ye agora estudiante d'un máster enfotáu na Comunicación na Universidá de Valladolid. Ente les sos intereses ta la cultura asturiana, la comunicación y los proyeutos sociales. Amás, tien nes llibreríes el so primer poemariu, Los Días vividos (Ed. Camelot, 2019) y colabora cola revista Formientu. Ente los sos proyectos más notables ta la esposición fotografica: Señardá y memoria encesa.

David Quesada @dquesada

Fotógrafu, diseñador y realizador de dellos proyectos, tien nos sos intereses la fotografía analóxica y esperimental y el cine d'autor. Dalgunos de los proyectos nos que trabayó son la primer temporada d'Héroes ensin nome, las Mardom Sessions o dellos videoclips con artistes asturianos de la escena urbana.

RECOMPENSES

Tol dinero que se recaude d'esta campaña va dir destinao a material de producción sonoro y a la remuneración del nuestru técnicu de realización.

• Agradecimientos nos créditos de cada capítulu

• Posibilidá d'entrugar a los entrevistaos

• Recibe los capítulos un día enantes

• Asistencia al menos a 1 programa de la temporada (nos que seya posible)

• Camiseta del programa, diseñada por Elduayen Radikal Art

CALENDARIU PREVISTU

El proyeutu va entamar nel mes de xineru, asoleyando un programa a la selmana hasta llegar a los 21 previstos, onde se va entrevistar a xente rellacionao cola cultura d'Asturies.

QUIÉNES SON LOS NUESOS PATROCINADORES

Puru Remangu @pururemangu

¿Qué ye Puru Remangu? Pues más qu'una marca de ropa, una seña d'identidá. Col usu el asturianu como idioma vehicular y al traviés de diferentes formatos, esti proyeutu puxa pola reconocencia hestórica de la muyer y del feminismu.

¿Cómo? ¿Que nun sabes qué ye'l remangu? El remangu ye dalgo que llevamos dientro, forma parte del nuestru ADN porque son les semilles que plantaron les nuestres güeles, madres y muyeres d’anguaño en nosotres, y qu’agora yá nun son semilles sinón raigaños.

El remangu ye’l puxu, la fuercia o l'actitú pa facer les coses. Ye carácter.

Alguien dixo una vez que “una muyer de muchu remangu ye la que val pa tolo referente a la casa”. Dende Puru Remangu, vamos tomanos el placer de camudar la frase y dexala en “una muyer de muchu remangu ye la que val pa tolo qu’ella y namás ella quiera valir”

musicasturiana.com @musicasturiana

musicasturiana.com ye un proyeutu al traviés d'una páxina web que tien como oxetivu l'espardimientu de la música fecha n'asturianu. Esti proyeutu tan prestosu desendolca un papel perimportante na cultura musical d'Asturies, sirviendo como tienda pa toles producciones , pero tamién como llugar onde conservase archivos de tou tipu rellacionaos cola música asturiana, con el AMCA (Archivu Musical Contemporáneu d'Asturies), amás de delles xeres más.

Páramo Bar @paramo_bar

Páramo Bar ye más qu'un bar, ye un llugar d'ociu onde alcontrase colos collacios y esfrutar d'ún de los grandes placeres, la cerveza. Situáu nel popular barriu xixonés de Ciares, dientro d'esti llocal, que tien abiertes les puertes dende 1969, puedes alcontrate música en direutu, recitales de poesía, teatru y delles xeres más. ¡Ah! y si te presta enforma la cerveza artesana, equí vas poder tomala abondo, sobre manera toles novedaes de Cerveza Caleya.

SIGUI'L PROYEUTU NES NUESES REDES

Si quies siguir meyor la pista d'esti proyeutu, usamos estes redes sociales:

• Spotify

• Instagram

• YouTube